影片
以上资料只供参考，请与餐厅确认详情
叫咗两个𩠌 - 麻婆豆腐、午餐肉苦瓜炒蛋我都唔明呢两个咁普通嘅𩠌可以点样出错个麻婆豆腐极酸，浸味有啲似酸辣汤又有啲似泡菜。另外𠮶个苦瓜炒蛋极之咸，但中间又夹杂咗啲酸味，唔明佢系点样烹调出嚟，到底系咪啲油盐糖掉转晒嚟落？两样𩠌我都唔知佢系变坏咗定系煮得衰，我而家好肚饿好似完全冇食过嘢咁，又要再嗌外卖，我衷心劝告各位街坊千祈唔好再帮衬，去对面百佳买啲斩料仲好，如果唔系食完搞到肠胃炎更加系得不偿失🙏🏼🙏🏼
继续阅读
本身唔系好钟意食两𩠌饭，因为之前买过超x同佳x𠮶啲，虽然大份，但味精劲多，而且油腻到不得了⋯⋯始终咁平都系要用味精搞掂啲平价肉，所以都唔会要求啲乜，但系食完真系几难回头而呢间只系试过三次，因为三次都系拣蒸𩠌同蔬菜为主，除咗猪扒唔好食之外，其他蔬菜类食过还可以，今次拣嘅鸡肉都ok，另一个豆腐就一般，以为上面系杂豆汁，原来系肉嚟。佢嘅𩠌比一般两𩠌饭少，不过上次拣四季豆又多到可以两个人食，但其实喺荃湾除咗素食工x之外，呢个系第二间我会买的。
继续阅读
买三𩠌饭。有个呀姐态度好衰又无礼貌，净番𩠌尾，夹硬将渣渣夹晒比我当一个𩠌，我话仲咩夹晒渣渣比我？好核突，好似煎完嘢，㶶咗，铲啲镬渣比你咁，𠮶下真系劲嬲，有咩理由夹咁多渣比个客，正常应该攞盘新嘅再补，佢话：叫得就当你接受，夹多咗瓜（翠肉瓜）比你。下，我嗌番薯鸡翼（得两只+一小块蕃薯）。仲有啲𩠌都系咸味极重好想知平时鸡翼个𩠌系咪得两只鸡翼+一小块蕃薯，系一小块，连角切都唔系。如果唔系开喺商场，谂住卫生啲，我系绝对唔会帮衬嘅。
继续阅读
近排keep住帮衬呢间三𩠌饭，味道是ok的，唯独是其中一个阿姐刻薄又孤寒，唔知以为佢系老板，分𩠌份量少得可怜，系咪想留返自己宵夜，太过份，请认住这个短发冇戴眼镜的阿姐，见到佢就冇运行!!!
继续阅读
疫情开始，一路keep住帮衬两𩠌饭，之前以为执咗好伤心，点知又开返，不过改咗名。见到门面靓左，价钱贵左，一碟碟𩠌摆得好整齐，但只碟会唔会太细？排左一阵，心仪嘅𩠌已经清空晒。第一次，试两𩠌饭，因为未知质素如何。点知拣完𩠌呆左，下?! 得咁少？俾$4x蚊㖞，得两𩠌，份量仲要咁少? 儿童餐都唔止啦！有啲当你系水鱼嘅感觉。讲真，味道ok，不过只适合雀仔胃嘅朋友。
继续阅读