308
48
17
港铁铜锣湾站 C 出口, 步行约1分钟 继续阅读
所有分店 (5)
电话号码
25616268
开饭介绍
新麻蒲BBQ在韩国已有超过 400 间分店,而香港店亦有有韩国厨师驻场,保证味道够正宗。 继续阅读
营业时间
今日营业
12:00 - 00:00
星期一至四
12:00 - 00:00
星期五至日
12:00 - 23:45
公众假期
12:00 - 01:00
公众假期前夕
12:00 - 00:00
付款方式
Visa Master AlipayHK 支付宝 现金 美国运通 银联 JCB
座位数目
128
其他资料
酒精饮料
加一服务费
当面支付
食记 (401)
呢间保留传统且新潮,有埋吸油烟机令你烧得安心又开心佢有铁板&火锅同一张台上,可以同时间烧肉&火锅座位都好宽敞、舒服,我两人个坐卡位,正!叫左个SS1牛肉二人餐(超丰富又有烧肉又有部队锅)有6样前菜:沙律、泡菜、海苔、洋葱、芽菜、生菜(全部都可以refill)铁板烧仲有埋烧鸡蛋(中间夹住泡菜碎,更有味道)P.S. 啲鸡蛋烧左一阵就要食,唔好等到最後先食,如果唔系会烧到乾硬晒包含:特级霜降牛肉100g、秘制牛肋排120g、LA牛肋骨120g、特选韩式杂锦拼盘、新麻蒲部队锅🔶LA牛肋骨120g:肉质松软,加上腌了秘制酱汁,更加美味🔶特级霜降牛肉100g、秘制牛肋排120g-肥瘦适中,油脂分布非常好,令食落既口感更佳烧完就咁食又得,夹生菜又得,好味到停唔到口-个牛肋排就普通,比较多脂肪,是已经剪好一旧旧,我个人觉得剪得太细旧、太碎,令烧完缩到劲细🔶特选韩式杂锦拼盘(年糕、蘑菇、猪肉香肠、大虾)我个虾同条肠去左烧,其他个啲倒晒落去部队锅因为怕烧到太乾/燶,效果十分好,吸晒部队锅汤汁🔶新麻蒲部队锅:估唔到个部队锅都有几片牛肉,好味😋最後连啲菇、生菜全部倒晒落个锅滚熟佢,好入味 继续阅读
(以上食记乃用户个人意见 , 并不代表OpenRice之观点。)
等级4 2019-10-04
2321 浏览
甚少香港食韩烧,更加唔会上嚟写食评, 但总有例外时候。(继上次石头烤肉外)呢幢商业大厦差呢间未试过,所以同朋友决定食呢间。搭见呢个牌都几吸引, $168任食指定肉,都不错,不过要预早一日约。拜拜👋👋一入去有oppa 招呼我地 (似老板),佢啲广东话好得意😍😍😍 餐牌都未睇完,未决定食咩就有店员送前菜,我地以为上错枱,因为我地咩都未嗌同禁多禁大碟😂😂😂好少店有凉伴洋葱,食落唔太生辣;至於个沙律超特别!!!(佢用黑芝麻酱!!!而且唔会落太多,好特别都好好味)最後点左烤肉达人,有猪有牛炉边蛋任添,但我地冇加添,因为太饱😓😓右边猪;左边牛。我地决定食猪先!呢间餐厅好sell 猪护心肉,(第二个洋葱入面果堆),(猪的横膈膜和肝之间的肉,每只猪只有约200~300克),都几浓味 (少少似猪肝)同有咬口👍(呢个应该五花肉) 佢啲肉好juicy ,不错不错。平时我锺意食牛多啲,不过呢度就猪肉较优胜,因为呢度啲猪肉冇牛肉落禁多腌料,所以唔会太重酱料味,同埋有烤肉高手 (朋友),煎得香脆好味😋😋其实牛都好食,前一张相左下角就应该系霜降牛肉,啲纹都几靓同食落有油脂,但又唔会太漏私隐度都几高,坐得好舒服同较阔,唔怕嘈到其他人。(本身想点呢个,但要9:00後先有)呢张纸好邪恶,安慰自己一次半次食多啲肉都冇所谓🤣🤣俾我见到午餐餐牌!仲要三送一,可以再黎🤣🤣返到屋企又唔觉身上有一大阵韩烧味,抽气抽得好👍👍 继续阅读
(以上食记乃用户个人意见 , 并不代表OpenRice之观点。)
等级4 2019-08-18
2290 浏览
呢日同旧同事系铜记做完义工,当然要食餐好慰劳下自己。旧同事之前黎过,赞呢度d牛肉好正,卡位够多,坐得舒适,无一大阵油烟味。黎度发现环境果然舒适,装修新潮,楼底够高。过左午饭时间,无爆场,食得更加宁静舒服。先黎前菜。呢度既前菜一d都吾hea,有成5碟:泡菜、云耳、洋葱、青瓜和沙律。泡菜酸度同辣度都较低,白菜爽口,几岩我口味。云耳同用醋黎调味,食完醒神开胃。沙律吾讲以为系一道菜,因为材料好丰富卖相精致,而且份量吾少。d菜洗得好乾净,切到一口一啖咁,加埋少少沙律酱同醋,胃口大增。既然牛肉讲到咁正,我地就决定拣呢个夏日三食套餐,包左:霜降牛肉、牛肋排、牛仔骨、翠玉瓜、鲜冬菇和鸡髀菇。落单後,侍应就9秒9放网放蛋浆,高效率!吾洗5分钟,夏日三食套餐到。实物同照片9成相似,绝无欺场。我特别欣赏霜降牛肉,因为油脂分布均匀,与瘦肉搭配得非常匀称,食上去感觉柔润、鲜嫩、易嚼易咽,口感非常好。呢个海鲜葱煎饼份量充足,海鲜配菜份量同粉浆比例恰好,吾会好似食酒楼既海鲜薄撑咁,食粉多。将煎饼同牛肉包住生菜黎食,口感更丰富,又吾会抢走牛肉既鲜味。呢度仲有好有创意既韩牛蛋糕,帮食牛兽寿星庆祝生日就一定吾可以错过!估吾到呢度仲有韩国大热既雪花冰提供,下次一定会试。 继续阅读
(以上食记乃用户个人意见 , 并不代表OpenRice之观点。)
朋友介绍我食一间韩国菜,佢话可以一边食烧肉,一边打边卢,又有番咁上下质素,所以同老婆两个人去试试。入到店内,好大间,所以等一阵就有位啦,我地order左二人牛肉套餐,特级霜降牛肉,秘制牛肋骨,LA牛肋骨,特选韩式杂锦拼盘(有大虾,香肠,蘑菇,年糕),还有一个新麻蒲部队锅用黎打边卢👍🏻。除以上咁多野食之外,还有前菜沙律等等太多野食啦🤩。先食烧肉先,霜降牛肉好味,卖相又靓,但估唔到秘制牛肋骨仲好味,可能腌肉腌得好味,所以烧肉香,口感正。烧大虾新鲜,正👍🏻👍🏻。烧肉就黎食完,系时间开卢sabusabu😊,有部分午餐肉用黎烧,另一部分用黎打边卢😊两食,还有韩国嘅面真系特别好食,弹牙之余口感又好,满足,抱住个肚走。好饱😋 继续阅读
(以上食记乃用户个人意见 , 并不代表OpenRice之观点。)
等级4 2020-01-05
23 浏览
冬天除左打边炉同烧野食,最好就梗系食韩烧,除左暖笠笠,又唔洗怕有成身油烟味呢间响铜锣湾闹巿既韩烧店,店内完全唔觉得有油烟味,装饰简约而整齐,而且地板都冇滑既感觉。我同朋友叫左一份牛肉午巿套餐,秘制猪皮,牛护心肉同埋蓝天柠檬汽水。我地叫完食物,站员立刻为我地奉上沙律同前菜,新鲜既蔬菜加上沙律酱汁,口感清新,仲有经腌制过既海苔同泡菜,海苔味道甜甜酸酸,非常开胃,泡菜亦唔太辣,非常适合唔食得辣,但又心郁郁想试食既你。拣咗个有牛肉同猪肉嘅套餐,一次过可以满足晒我两个愿望,肉类都腌制过,唔需要点任何酱汁已经好够味。套餐亦唔会只着重於肉类,店舖都提供左三款菇类比客,可以做到均衡既配搭。牛肋排肉质结实,肉会同筋位连住,所以非常有咬口。之於秘制猪皮,呢个就真系值得一试猪皮经铁板慢火烤熟都依然弹牙,而且咬落充满胶质再配以少少麻粉食用,非常一流。饮品蓝天柠檬梳打,柠檬味清新又唔会太甜,食完咁多油腻野食,饮返一杯就最好喇。基本上餐厅在食物,服务同环境都在水准之上,而且价钱大众化,下次经过一定要去试下。 继续阅读
(以上食记乃用户个人意见 , 并不代表OpenRice之观点。)