新鳳凰餅店 (已結業)

相信喺鰂魚涌站C出口附近返工嘅人，都試過喺呢間麵包店買早餐。有日返工嘅時候，妹豬仔就發現麵包店貼咗「無奈結業」😢。於是有兩日朝早就去買早餐支持下佢哋，買咗：🔸[芝士雞包] 🔸[咖啡] 🔸[蕃茄煎蛋三文治]💡妹豬仔話你知💁🏻‍♀️～呢間麵包店已經開店超過50年，售賣唔同款式嘅麵包～傳統款式有：菠蘿包、提子包、菠蘿油、芝麻鹹餐包等等，而新穎款式有：豬柳漢堡包、吞拿魚包、餐肉火腿薄餅、花生醬包等等。另外亦有蛋撻、芝士雞批、燒餅、蛋捲、瑞士卷等等。💡妹豬仔話你知💁🏻‍♀️～麵包店預計於2025年4月15日結業，附近返工嘅朋友，記得把握時間去支持下佢哋🙌🏻！…查看更多

買咗個豬柳包（$14），大大件又足料🥰麵包好軟熟！入面有芝士，豬柳，煎蛋、仲有茄汁同埋沙律汁做到4月15號就無奈結業🥲希望佢哋搵到新舖位搬啦😭麵包真係又好食又抵食🥺…查看更多

最近潮流興開心果系列今日，我就搵到廉價開心果糯米糍賣相不錯包裝盒可以再細，開心果糯米糍就唔會變形味道少少重，感覺開心果唔係好開心果似花生口感師傅冇刻意用開心果打成綠色果醬，將糯米糍外皮染色，只係好簡單咁做餡，已經睇到功力。…查看更多

鰂魚涌地鐵站C出口七姊妹道轉角有一間麵包舖，我要介紹佢哋嘅蛋糕—朱古力三角，真朱古力，特大，忌廉與蛋糕層層相間。食過一次返尋味，不過唔係成日有貨。老闆娘話一星期只出一日，通常星期三或四，講唔埋要睇師傅，係就通常喺兩點前，我就嚟過好多次都摸門釘。今日星期五，兜路行過竟然有見到，勁開心好似中咗六合彩咁興奮。聽講限售三盤，輪到我已經剩返最後一底，標價每件$9，兩件$17，四件有盒，我二話不說要盒。意想不到，一家隱世小店就喺左近。…查看更多

雞批，菠蘿包，雞尾包是香港有名的食物，每個訪港旅客更會品嚐位於鰂魚涌c出口的新鳳凰餅店。每日早上七時為屋民同寫字樓一族提供熱辣辣的麵包做早餐。前舖做銷售，後舖是焗爐的地方，每日行過都會飄黎陣陣香氣。店舖裡銷售的種類好多選擇，例如雞尾包，提子包，斑蘭蛋糕，香蕉蛋糕等等，特別一提是菠蘿包。如果客人要菠蘿油，仲會即刻放入冰凍既牛油。門口的雞批同蛋撻都係鎮店之寶，唔賣酥皮，只賣傳統的牛油皮，雞批更係我老闆的最愛，就連開會既下午茶同退休禮物都係送雞批。蛋撻熱辣辣，蛋漿部分十分香滑，是一間老字號的餅店。#hkfoodie #hkfood …查看更多

依家朝早想食個熱辣辣嘅麵包真係唔容易，好多時連鎖麵包店都係喺廠做完個麵包，再送去間店度，所以買親嘅麵包都係凍冰冰，仲好多時係運送過程，壓扁曬個包，攪到咬兩啖就冇晒🥲，食完都肚餓。今次呢間店，雖然喺正鰂魚涌站出面，但價錢實惠，返工買早餐又方便又慳錢，佢款款麵包都大件有份量，絕對唔係空氣麵包！今次我揀咗最簡單吃芝麻餐包 ，又名 #豬仔包 ，喺兒時回憶中嘅麵包🥯！而家$10都唔洗就買到大過我手掌嘅麵包真係唔易，少少鹹味，麵包鬆軟得嚟又有咬口，可以搣開一絲絲咁食，係會食得飽嘅早餐麵包！送咖啡一流～👍…查看更多

舊式小店買少見少，每次經過這餅店都想幫襯下，不過每次都很趕時間，這次終於有機會入去揀個麵包試試。款式跟連鎖集團的餅店差很遠，買了一個吞拿魚沙律薄餅麵包，竟然只是$8，足料好味。基本上店內大部份麵包都不超過$10，不過看上去很多餡料都不可以放太久，我又不是即時回家所以就只買了這個包吃😋…查看更多

呢到既芝士雞批真係好好食👍🏼特別係新鮮出爐嘅時候，係特別香，批皮都出色唔會有一陣油味，足料$10 黎講，實在抵同值得一試！仲有朝早會買呢到既腿蛋餐包，個包係甜甜地，絕對唔係空氣包，自己加熱返黎食仲好食…查看更多

新鳳凰餅店 在鰂魚涌開業超過50年👍曾經因租金問題而搬遷，現時舖位就在鰂魚涌C出口旁邊，非常方便。牛油皮蛋撻 香脆不油膩，不過可能我買個時不是即刻出爐，皮和蛋漿有少少分離，但也好好食。而雞批 餡料多皮鬆化，配上秘製醬汁(不是平常食開的白汁)，確實不錯💕 …查看更多

返工成日趕住出門口 喺屋企食唔切早餐 又唔想食得太飽我成日會喺呢度買 一個包加杯奶茶或者咖啡 兩樣都好好味奶茶有啲似太興咖啡就即磨我食過佢好多款包我覺得 提子條包 肉鬆包 最出色 有時見菠蘿包雞尾包個樣都好靚不過太邪惡我唔敢試每朝早七八點見到間舖頭擺曬啲一盤盤好傳統熱辣辣嘅啲麵包出嚟 勁香跟住又有好多人排隊呀ol話買呀 個感覺好懷舊啦同我成日覺得用呢啲麵包盤擺出嚟嘅麵包係特別好食 佢唔算多油 成間舖頭一家人開勁溫馨 其實佢蛋撻都好好食…查看更多

有人請食下午茶。本身對雞批未去到超級心心眼，加上又唔係新鮮出爐，同埋係卡路里爆標既食物，所以原來打算咬一啖過口癮就算。點知...一咬就覺得好好食。佢個批厚薄適中，咬落去少少脆口，絕對係一個好食既批皮。內料都整得好好食。特別係見到有洋葱吊味，令到成個批香左好多。隱約間食到啲好特別既甜甜咸咸味。睇其他post先知原來係芝士雞批，所以果個特別既味係芝士既原故。反而個芝士本身既味唔係話好出，不過同其他料既互動令到我對呢個雞批大推介呀！…查看更多

這一間餅店位於地鐵站旁邊，位置非常便利，一出地鐵站就見到這家餅店。這家餅店係是舊式的餅店，裝修欠奉，但有老香港的回憶。售賣各種新鮮出爐的麵包，早上還會買三文治、袋裝麵包、曲奇餅等等。下午買了一個新鮮出爐的雞批，本人很少買蛋撻或雞批之類的糕點，因為興趣並不大。這個雞批外型並不特別吸引，圓圓的，黃黃的，很像菠蘿包。咬一口，裏面很足料，有係類似叉燒包的內餡，都是紅紅的，還有雞肉。雞肉不少，吃完之後頗飽。…查看更多

食下午茶，去餅舖，無咩好得過食翻個撻，蛋撻。最好再配杯熱咖啡或者奶茶。佢地址係北角，但實際上係鰂魚涌地鐵站C出口，在出口邊邊便是，是一間舊式的面包餅店。啱啱見到蛋撻新鮮出爐，香噴噴咁，見到口水都流出嚟，見佢咁靚就買幾個翻去同d同事分享一下，一翻到office大家馬上搶到過嚟食，兩三下手勢食剩兩個。仲食到成個office有一陣陣好香嘅蛋香。蛋撻係曲奇皮嘅，焗到個樣好香咁，仲有d蛋好咁滑溜。認住呢隻鳳凰，金牌信心有保證。…查看更多

📊 每每去鰂魚涌開會, 總會惦記著呢間麵包小店! 一開完會就行10分鐘過去買包包食! 😋.🍞麵包鬆香軟熟, 質感綿密, 唔似一般坊間嘅空氣包, 乃係實實在在嘅麵包! 價錢平到一個點! 我尤其欣賞腿蛋包 ($5/個), 每次必買! 放到第二日當早餐都仲係好軟熟! 🍍大大嘅一個菠蘿包 ($3/個) 表皮鬆脆, 包都係超軟熟! 今日見到個十字提子鬆餅 ($13/3個, $5/個), 就好似激大版 scone 咁 😂😂 試完再報告! .今日買左2個腿蛋包, 3個十字提子鬆餅, 1個菠蘿包, 1個紫菜肉鬆包...總共 HK$31。。。crazy 呢 😂😂😂…查看更多

鰂魚涌MTR站出口的一間港式面包餅店，芝士雞批每日出爐，外脆肉嫩很好吃，芝士並不會太多，不會太膩。有時候會一次過買幾件回家，和家人一起吃，配一杯熱奶茶或咖啡更為美味。…查看更多