影片
由于唔想食连所店关系，冇选择之下简在D间新香城，叫左个班腩炒河，买相尬PK啦，班腩得4块，唔够食😂😂😂个河粉底有炒过，D汁都够多，不过味道略为清淡左D，唔系太够味，柠茶就正正常常
继续阅读
好耐未试过一间咁差服务态度嘅餐厅侍应三番四次见到嗌落单扮睇唔到行紧过嚟落单转头又走去第二度明明间餐厅得几枱客送嘢食过嚟将碟野一野飞落枱嗌个煲 啲油仲多过𩠌攞完个煲过嚟 饭又唔俾叫佢帮手攞 听完之后又扮听唔到自己攞又俾人喝另外一碟炒嘢啲𩠌又㶶哂贴钱买难受一样价钱我去隔离太兴炖奶佬都无咁激气
继续阅读
丽城茶餐厅新香成坐落位置非常显眼处于丽城人来人往正中位置吸引区内客经常帮衬每刻都一定见有客人在内进食铺内坐位亦算宽躺环境尚算干净企理经常有呀姐清洁食物方面：下午茶叉烧粒炒饭叉烧粒份量不算孤寒饭身炒到粒粒金黄分明蛋炒饭有蛋香味道不算太咸 有锅气下午茶粒粒西多士份量偏小 较孤寒并非传统两片多士炸完夹埋就咁上而系似新派切到一件件咁叠上有小小整色整水之言实情减料 如件数多返啲 冇咁孤寒会更好落单等了很久才送到问落伙记话系即叫即整食落都似嘅
继续阅读
呢间舖系丽城花园开咗二三十年，系街坊都应该冇人未食过！不过佢哋嘅环境卫生就每放况越下。佢哋啲嘢食普普通通，热奶茶嚟到系暖嘅，叫佢换过杯都系唔热嘅，仲要有啲湿湿地饭系只碟上面。。。环境污污糟糟，地方湿湿笠笠，叫杯热水都叫客人自己过去热水炉度斟水，知唔乜嘢叫做危险？间舖仲有劲多乌蝇🪰，点搞呀！食物质素，卫生环境唔理想，仲要价钱贵过隔离太兴同左左右右，仲有全香港嘅茶餐厅有边间叫餐食出前一丁要加6蚊？乜嘢茶餐厅？
继续阅读
叫咗一个快餐京都金沙骨饭加冻奶茶，一个散叫黑椒牛柳粒红饭。原来星期日散叫冇得加钱要嘢饮，叫嘢饮要正价。京都金沙骨一般，好多饭，对于大食嘅人嚟讲系抵食嘅。冻奶茶一般，偏淡。到个黑椒牛柳粒红饭嚟到，变左牛柳丝炒饭...即刻问个阿姐系咪比错左？佢拎返入厨房问，问完答我：厨房话系咁。下...真系呆左...牛柳粒变牛柳”丝”...红饭又变左炒饭，冇红饭既味道...真系好失望！建议佢改返餐牌叫”黑椒牛柳丝炒饭”...
继续阅读