新阿宗麵線 (已結業)

今次並唔係第一次唻食.. 但響唔知食乜tea既時候(其實係lunch)響呢度hea吓都ok既.. 唔知係咪因為係閒日.. 又因為係tea time既關係.. waitress同cook都比較悠閒.. 今次既份量居然大份左.. 兩個人叫左一個noodle set($32).. 有一碗細大腸麵線+小食(炸雞扒)+青蘋果綠茶.. 另外叫多碗"魯"肉飯($16).. 先講麵線.. 一唻到望一望.. 依~ d麵線份量多左喎.. 唔再係水多.. 豬腸份量都多左.. 味道方面都係咁啦.. 杰杰地.. 唔太咸.. 當然比碗仔麵抵食.. 再唻雞扒.. 雖然並唔似台灣咁成塊上.. 但切件上仲方便啦.. 味道都唔錯.. 食落比台灣既唔咁靱.. 或者唔係雞胸既關係.. 青蘋果綠茶淡左少少囉.. 再唻魯肉飯.. 一睇就知係港式.. 但就係鍾意港式多d.. 因為無咁多肥膏.. 再加半隻魯水旦.. 食落... ... 味道唔錯喎.. 香香地.. 但唔係鼓油既香.. 又唔似魯水汁咁咸.. 似台灣風味.. 但又無台式咁甜.. 又大大碗.. 抵食..

先不可以用台灣西門町的阿宗麵線同佢比較話說上年聖誕~嚟左食宵夜~嗰時都覺得~味道...還好啦~有4成似阿宗吧...但d質地真係碗仔翅嚟嫁wo~而且d麵好少~羹好多~then佢d蠔~唔多得....不過十幾蚊碗~真係當碗仔翅食吧~then間唔中都會食一次~上星期去到~佢推出左30蚊餐~因為一碗麵線仔+台式嘢飲+小食平均平左幾蚊啦......食厭碗仔翅~可以試下的啦~

我未食過台灣正宗的面線，我只可以憑我自己的喜好作實....首先，如果正宗的麵線係一定有大腸，同埋有落咁多生粉的話，咁一定唔係我果杯茶 同埋，感覺上台灣人做小食仲肯落msg的....點解呢dull野會係偏淡呢？不過佢個炸雞，我覺得幾好味，炸得好透，好鮮(不過係落了味精的效果，雞本身味不濃)，用來佐酒就好啦。今次俾住ok先，下次試埋肉燥飯 (which is我真係在台灣試過），我再為佢下定案。然而．．．．為安全計，閣下如果唔係荃灣區居民，又唔係路過，呢間野，似乎唔值得你千里迢迢走內黎食的，荃灣有大把其他舖值得你咁做，不過唔係呢間，阿門。

間舖都開左好耐啦,應該有一年以上掛,雖然舖頭以麵線作招來,但係雞排好食過麵線其實台北正宗既麵線都唔好食啦,味道古古怪怪咁,都係D人話好食,等我係台北時仲叫左碗大既添所以我對呢間舖既麵線都無乜期望,真係一如所料,一D都唔好食至於雞排當然無台灣D咁大塊啦,味道亦無台灣咁好,雖然好大陣五香味,不過都幾好食,又夠脆,可以推介,其實元朗都有間舖賣台灣雞排總店係B仔涼粉隔離,分店係元朗西鐵站度,都係炸得好脆,不過佢地有辣粉加,小辣己經好辣啦.佢地味道先似台灣D炸雞排另外,其它野都係一般啫.

由於尋日試o左 阿土麵線所以今日好有興緻o黎試o下 阿宗麵線睇o下有咩分別order o左個 大腸麵線(細) {$12} 堂食 唔知係咪因為放晚, 所以間舖開o左幾張2人台仔出o黎雖然都係有加辣蘿蔔, 仲狂加tim!!但始終都係覺得o的味同我尋日食o既唔同依間可以話係淡味o的...但o的大腸味就重o的...同阿土一樣, 個湯"杰杰"地, 似碗仔翅咁如果要話邊間好食o的o既話...我就唔鍾意阿土太濃味, 好似落o左味精咁較欣嘗阿宗o既濃淡度適中但阿土o的辣蘿蔔gd o的!!要二者選其一好難lei~但本人愛食辣, 所以投阿土一票!!不過我仍然會繼續幫襯阿宗的!!

去過台北的朋友,尤其是在西門町流連的朋友,就算未吃過,好歹也聽過在峨嵋街的"阿宗麵線".這天晚上相約友人在附近晚飯,事前一個人傍晚時份在路德圍打轉,反正一直都想試試,就來吃一碗"打底".除麵線之外,亦有一些台灣地道小吃,礙於其後要開飯,不能吃得多,連麵線都是要碗細.細麵線$12一碗,加蚵仔要加$3,麵線一向是杰身,大腸得兩三小舊,蚵仔有點瘦,吃落幾乾.事後感覺個口很咸,不甚舒暢,大抵也是味精下得過重.不過,台灣小吃,又是一向如此.在路德圍奢望有台灣風味,起碼我們不是在峨嵋街立食,更加不會見到台灣"美媚".

同女朋友行完街搵地方食野但周圍架食店都唔太吸引反而俾呢間露天台灣小食店叫停左我地見佢唔係太貴所以坐底左之後佢話有個套餐$32一個麵加一個小食再加一杯飲料如果散叫一本飲品都要$14-16麵或飯類都要$12-16其他大約十款的小食都介乎$10-18我地叫左個大腸麵線+炸雞排+青蘋果玉露+蠔仔麵線+炸花枝丸+苿香奶茶呢d野我同女朋友係台灣都食過晒當然相比之下總係覺得差少少但係差左咩地方就講唔出啦炸雞排當然無係台灣果件咁大啦...只係我地平時食架一般大細上黎打食評時見到都幾多人話差但我又覺得唔係...可以話值得一試添幾十蚊野食唔係太貴,味道都好好

在附近剪完髮後, 超肚餓, 見呢間有露天座位, 兼對正間VCD店, 播緊鐵甲奇俠, 於是坐左落去 叫左麵線套餐, 果碗蠔仔豬腸麵線同台灣"阿宗麵線"比, 真係差少少. 最主要係茨汁好唔同, 台灣果碗係好襟熱, 揸住好耐, 啲熱力都係唔散. 但香港呢碗"喳"一聲就凍哂. 炸雞排唔係好大塊, 味道就真係幾似士林夜市的"豪大大雞排", 炸到起哂角, 咬落卜卜脆. 杯菠蘿特飲唔係難飲, 不過就無乜菠蘿味. 整體唔係太差, 一試無妨.

雖然食評寫得差.. 但本住試食心態價錢又唔太貴既關係.. 決定自己一個人唻試吓先... ... 好味先叫男朋友仔唻食.. 望左一陣決定叫個麵線餐.. 一碗細大腸麵線.. 一杯蜂蜜綠茶同一份炸花枝丸.. 承惠三十二蚊.. 首先講下碗麵線.. 大腸份量係就係少d.. 但算可接受.. 湯底一d都唔杰.. 同台灣相比仲"浠"d添.. 麵線就比台灣實身.. 仲係熱熱地.. 散叫十二真係算唔錯.. 碗仔翅貴過佢都無佢咁好味啦.. 蜂蜜綠茶略微多冰左少少.. 下次一定要少冰.. 花枝丸好味.. 面頭既辣粉so gd.. 令我諗係淡水老街.. 好似前者話齋.. 想食台灣風味.. 俾多幾千蚊飛去台灣.. 一定好味... ... 好和味... ... 個錢包.. 好啦.. 下次同埋男朋友仔唻食啦~~~

呢個係我ge第一個食評我一直喜歡食台灣野,喜歡到好想去台灣試真ge台灣野>.<一見荃灣開左間阿宗就去試下點知一試..碗面又杰又難食,無咩味,d料碎到真係唔講都唔知有-.-環境係條後行度...又無門咩都無...食果時好怕被熟人見到不過佢碗燥肉飯同花技遠反而幾好食,可以試下

睇到OR 咁多劣評今日打完波都走去試左.去親台灣都食阿宗我諗我記得係咩味....叫左個大o既大腸麵線加蠔仔.麵線 - 麵湯比例同台灣差不多, 湯有好濃木魚味, 有少少杰但冇乜味精. 只係個麵底係幾好的.大腸 - 我覺得冇台灣的咁入味, 但幾好趙. 可能分開煮卦.蠔仔 - 有尾指頭咁大, 冇腥味但有d唔夠熱, 又係因為分開煮.辣菜甫夠辣幾好但冇葱花同芫茜要扣分.我覺得如果真係鐘意食台式麵線o既可以一試, 同埋我覺得好食咪得囉唔洗似到足架下嘛.....

在台灣吃過阿宗麵線，難得香港有一間叫「新阿宗麵線」，好奇心又驅使我一試。先看賣相，很普通呀，並不吸引。再一試，麵線只是微暖的，有點煞風景。而整碗的大腸份量很少，有點不值。味道嘛，連平時不嘴刁的男友都皺眉頭。最好的只有可以自己隨意添加的菜圃而已，辣辣的加到沒甚食味的麵線上，也有點美化的作用。滿足了好奇心，卻滿足不了味覺。

路過呢間舖頭, 睇到阿宗麵線呢4個字(個新字細到離奇), 不難諗起台灣既阿宗麵線啦. 其實去過台灣兩次, 食過台灣阿宗麵線, 第一次食覺得無乜特別, 第二次則覺得啲菜浦好好食.今次黎呢度食, 叫左個細同加蠔仔. 佢一放低, 加啲麻油就食, 覺得完全唔好食, 不過個staff叫我加埋其他配料同菜浦啲(我唔記得左乜打乜). 加完之後, 味道原來真係完全唔同晒. 好味好多倍. 不過無論點落佢啲配料, 都有不可改變的事實, 就係碗野撻撻, 搞到成碗野好似一個獻汁咁.再講下佢啲蠔仔, 都幾新鮮, 幾肥大, 幾好味既....

型態有點似,但一入口就唔駛講野啦! 淡而無味!! 超細碗賣12蚊喎! 唉.........算啦!!!好難令人唔用台灣的阿宗麵線同佢比較,因佢又要用別人的店名,好處是於宣傳上佢佔左些優勢,壞處是.....專登來食的人(像我),一定會用台灣個口味來做標準,所以正係有辣有唔辣,不過...............蔡先生個專欄真係富正義感囉,到幾幫弱勢社群. 亞門

身為台灣人，常忍不住與居港的台灣朋友互問:為什麼香港的台灣食物很難做得好吃?連洛杉磯的台灣食物都比香港有水準!看了蔡瀾的報導後，忍不住住遠方迢迢前往一試，沒想到，令人大失望!先說那個麵線一上來的時候，以為是麵線湯，麵線少到十分可憐，麵線成本很貴?不解!另外，麵線的靈魂主角大腸，居然被切成幾乎是細粒， 完全失去咬勁，一碗十六元的麵線居然是如此內容，老板實在不應把顧客當笨蛋，鹽酥雞與雞排完全沒有水準!阿宗麵線不知為何在港十分出名，台灣有太多比它出色的麵線了，個人十分推崇台北和平西路三段的陳記專業蚵仔麵線，那才是王道!阿宗在台灣只能算是三流食物!什麼時候，香港才會出現讓台灣人能一解鄉愁的台灣美食呢?