影片
以上资料只供参考，请与餐厅确认详情
食家推介
相关文章
时隔多年过来屯门新金荣食鹅片，成条街有好几间，大把位置坐，味道依然好正！鹅片唔会柴，加啲醋更加好味！而且好大片，底下仲有啲卤水豆腐同花生。每碟𩠌份量都几大，韭菜猪红都系必点，胡椒味够浓！牛百叶好脆，好大条，味道都唔错，不过就系如果坐里面空调大啲辣椒油凝结得比较快。小炒王好送酒，炸过嘅鱿鱼好香！好大一碟，可以慢慢食。仲系同一个靓姐带位，好热情，同我哋好好倾！靓姐头发都白晒了，不过做野好爽手，态度非常好！
继续阅读
假期前夕9点半入座，叫咗4样嘢再加白饭，上菜都算快。煎蚝饼有两块，唔多蚝仔，但煎得好香口，所以都 OK。薯仔牛柳粒，薯仔香口，但牛柳粒炒得过咗火，口感比较干。沙拉骨唔合格，全碟都系一块块无骨猪排嚟嘅，仲要系用松肉粉乸到腍晒𠮶只。$128 条乌头好唔掂，超腥，但家人话佢沾咗酱食就冇问题，所以我放弃，留哂俾佢食。疫情前同疫情中都食过依间，果阵都唔错嘅，唔知点解依家差咗咁多呢
继续阅读
每次想同老公食啲野同饮下酒，都会选择去新金荣小厨，喺何福堂轻铁站落车后过条马路就到，个度有好多打冷嘅大排档选择，而我通常去新金荣小厨。椒盐鲜鱿，烤蚝饼（烤得好松脆），椒盐多春鱼，卤水拼盘都系我推介之一，送啤酒一流🍺🍺🍺味道唔会失望，推介😋😋价钱合理，两公婆饮埋啤酒通常都食$400左右。
继续阅读
今次好接地气咁食大排档，去到先知原来两条街啲舖都系同一间，咁真系要试下啦🤣豉椒炒蚬味道唔会太辣，太咸啱啱好，最紧要系无沙👍🏻椒盐九肚鱼鱿鱼须双拼新鲜炸上黎，香好脆又热辣辣，不过就要等得耐啲。海蜇猪手正常发挥，最有惊喜嘅系马拉盏通菜煲，咸香味十足，送饭一流👍🏻👍🏻👍🏻
继续阅读
屯门剩低嘅打冷舖头其实唔多，呢间都算系历史悠久，同埋食物质素都过得去。但唔知点解可以容许啲食客响舖头里面食烟🚬。仲要一支接一支成晚都未停过😞。希望老细顾及吓其他食客嘅感受，制止客人向舖头里面食烟🙇🏻♂️。讲吓今晚啲食物大眼鸡OK可以，但系啲肉就黐住啲皮好难撩出嚟个卤水杂锦款式都多嘅，猪肠冇异味、个肾整得好腍、鹅肠都好爽个蚝饼好多蚝仔同埋都炸得够脆韭菜猪红就唔知点解个猪红有啲甜味，可能落错咗糖鹅片就几林下都几入味
继续阅读