影片
首先，同我地讲，咁生面口，介绍我地食“沙爹牛肉关注组”推荐嘅沙爹牛面。我都冇问题照嗌啦，然后冇问过我就加咗只煎蛋，加埋多士同埋一杯奶茶，埋单收我50蚊。问题就嚟喇，原来有加一服务费，喺得一两台客嘅情况下，想同佢要杯水都要自己到，咁都仲够胆收我服务费。另外，冇嗌到煎蛋，夹硬加咗只煎蛋落去。最后，上网完全揾唔到佢所讲嘅推荐，伏上加伏。一句讲晒非常唔老实！！！睇返其它地方既评论，先发觉原来加蛋系呢间铺头既惯常做法，非常唔要得。
继续阅读
星期日潜水前入咗呢间茶餐厅食早餐，门口嘅牌显示嘅价钱系正常早餐价钱，可以接受嘅所以入咗去。入到去之后scan QR code落单先知原来逐样计钱（除咗送个包俾你）。所谓嘅早餐，只系送一个餐包，个餐包又冻又硬，牛油都冇，平时嘅早餐起码有条肠仔蛋；然后拣嘢饮，加要加钱嘅，加埋野饮仲要加一服务费。讲完价钱讲味道，味道只系一般，奶茶仲要系苦嘅，要另外叫佢再加奶先正常返，而且更加冇服务点解要收加一？呢间餐厅完全唔合理，食物相冇影低，食完之后好想写个食评同大家分享，唯有cap低价钱…
继续阅读
上个月中秋节晏昼，带埋我只狗狗入西贡因为夜约左屋企人食晚饭。未够钟，所以就谂住揾地方饮嘢食个下午茶。之前都有嚟过呢间舖，但系唔知已经转咗老板，一坐低，我就话今日农历15，我要素食，就问佢有啲咩介绍，个店员好好，即刻推荐咗我～大啡菇汉堡餐，再介绍我饮杯菠萝饮之后我老公就叫左咸牛肉炒蛋菠萝包同埋即磨咖啡😋令我好喜出望外，因为当时我谂大啡菇都可以做汉堡包呢？🤔个汉堡嚟到，个卖相望落去唔太吸引，点知一试好好味，个大啡菇烤焗过，然后加埋蔬菜蕃茄同埋佢哋嘅特色酱，完全系你估唔到可以咁夹😋😋杯菠萝特饮就冇乜特别，不过我老公话佢𠮶杯即磨咖啡好好饮👍🏼我试咗一啖，平时唔饮咖啡嘅，我都觉得真系好饮👍🏼另外不得不赞𠮶度嘅员工，因为当日天气都算几热，佢拎咗个狗狗饮水嘅碗，装咗一碗水俾我狗狗饮，好窝心🥰原来舖头老板都系爱狗之人，唔怪得知咁有爱心我老公仲话因为呢杯咖啡下次一定会再去👍🏼
继续阅读