影片
港铁元朗站 H 出口, 步行约9分钟
继续阅读
电话号码
23886161
23886602
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
元朗行山，鸡地唔熟架步，见到呢间茶记就走入去。叫个早餐，炸鸡翼米粉拼餐肉蛋加餐包，$36价钱ok，餐蛋同个包都ok，一般茶记水准，炸鸡翼个样唔错，谁不知一咬开佢就见红，随手摆上碟切开佢，里面好新鲜啊！流晒血啊！话俾收碟阿姐知，一句回应‘哦，㕑房知道㗎喇’，咁就冇咗下闻，唔知乜态度。乜冇谂过整过俾我咩，虽然我都唔会要，都冇晒胃口，出去收银阿姐度埋单走人，心谂都有番句唔好意思啩，又系一厢情愿。最好彩嘅系，到依家都冇肚痛（touch wood）。想去食嘅，祝好运
继续阅读
11:57叫外卖，12:41见未到打去问，个阿姐，就话外卖出左好耐。我等到1:00都未收到，再打去问，个阿姐态度劲差话出左好耐啦。好，我再等。等到1:15分，我再打去话都个几钟唔要啦，个阿姐sorry都无句就ok收我线。你做唔切唔好做啦，我行过黎十分钟都唔洗，你个几钟都送唔到？个阿姐系咩事，乜野态度黎。已经唔系第一次，咁差都唔处理，等负评？
继续阅读
下午3:06叫外卖4:15都仲未送到，打电话去问，就话出咗餐好耐，好多单要等，咁我就等多阵，到4:20我再打去佢先话帮我问吓到边个位置接电话𠮶个阿姐就话我，话我应该4pm食饭，就早10分钟打电话去问，我话我已经早一个钟打电话外卖，俾足时间送外卖嚟， 之后佢就cut我电话。咁我当然会再打电话去问， 佢就好臭串咁话帮我打电话追， 话今日好多单好唔得闲，咁我话俾时间佢问一问跟住又cut我线。我等咗一阵我再打电话去跟住佢就闹我：咁我都不甘示弱我话你哋好多单接唔到就唔好做外卖啦我等咗一个半钟到4:25， 讲真有送外卖出嚟，我俾足时间等，唔系准时四点送到我都当4:15一定要送到边有可能脚程7分钟嘅路可以一个半钟都仲未送到黎！我忍无可忍之下我话个外卖唔要之后佢又cut我线。我等咗咁耐，根本就唔知几点先会送到黎，同埋我食饭时间已经冇咗25分钟，位阿姐劲臭串就系咁闹我，我真系预祝佢早啲执笠，唔系贪方便咁近我都唔会嗌佢呢间外卖， 俾钱买难受😣。
继续阅读
正正常常既茶记，最紧要个老板好人，开声同佢讲咩都会听，而且出品算唔错，好过其他茶餐厅。 晚餐都多选择，我成日食，都会食牛腩饭，中式牛柳都唔错，肉酱意粉ok, 蒸仓鱼稳阵，唔够饭佢肯加饭、其他餐厅你会唔敢开声，大食的朋友我介绍俾你地啦。
继续阅读
已经好多次,送个饭黎入边倒泻哂出黎,包O个个包到根本歪的一拎起,送O个个又求其,搅到黎到饮品又泻汤又泻饭的汁又泻,袋又穿,一放上枱搅到成张枱污糟哂又滴埋落地下.好心你地比少少心机好嘛,而家咁点生存呀???????????????
继续阅读