新記雞粥 (筲箕灣道) (裝修中)

經過附近想食個下午茶，見到餐牌圖片幾吸引，就揀咗呢間經典茶餐廳設計格局， 座位寬敞舒適，餐枱同餐具都乾淨整潔海蜇手撕雞 - $55海蜇爽脆彈牙， 雞肉嫩滑惹味，份量不少，海蜇同手撕雞夾埋嘅口感好好，貴妃雞粥 - $56舖頭名叫做新記雞粥，就當然要試一試啲雞粥啦，碗粥好惹味，貴妃雞啖啖肉，好嫩滑，就算係雞胸肉都好滑嫩碗粥又夠大碗又夠足料，紅燒元朗脆皮乳鴿 - $73不愧為紅燒脆皮乳鴿， 乳鴿皮脆肉嫩，濃淡適中，唔似得出面啲餐廳咁，一味死鹹，而且亦都大隻，唔係嗰啲連鎖酒樓小乳鴿嘅細size，炸蘿蔔糕 - $35厚切大大件，揸到外面脆卜卜，內裏軟滑，蘿蔔糕清甜得來味道濃郁，熱菊花蜜 - $18甜甜地，有啲菊花嘅香味， 不會過甜熱柑桔蜜 - $18酸酸甜甜， 帶住柑桔嘅香味， 幾開胃總結：餐廳座位寬敞舒適，餐桌和餐具均乾淨整潔，幾樣食物都好食，印象最深刻好食係貴妃雞粥，餐廳侍應的招呼亦主動親切

元朗新記最出名就係佢嘅新記煲仔雞粥🥣，相信大家都一定有聽過，點解咁出名就係因為佢挑選左最新鮮嫩滑嘅母雞🐥 ，仲有超過二十款藥材同埋香料加上頂級嘅蝦乾同埋瑤柱烹調嘅，聽落都知道一定好食啦👍👍 所以今次嚟到一定要試吓🙈今次就嚟咗佐敦嗰間分店，環境坐得好舒服，餐牌上有好多嘢食選擇，粥粉麵飯咩都有🍚 最後揀咗呢幾款嘢食，全部都會推介💯 🔸 貴妃雞蠔仔粥呢個係一定要試嘅✨ 軟綿綿嘅雞粥再配上香口嘅貴妃雞味簡直係絕配❗️除咗蠔仔之外仲可以配豬膶或者黃鱔，任君選擇😊 🔸 紅燒元朗脆皮乳鴿平時乳鴿都要去酒樓嗰度先可以食，竟然喺呢度都比我搵到，仲要係招牌添，當然要試吓啦👍🔸 XO醬叉燒炒蛋呢個都係佢嘅招牌小菜🥚 叉燒整得好好食，再加上XO醬令到個味更加濃同香口，仲可以加$19有飯同埋飲品/例湯。每日個例湯都唔同，全部都係啲好好飲嘅老火例湯👍🔸 蠔油菜心郊外油菜好新鮮，可以揀蠔油、豉油或者腐乳，我就揀咗蠔油菜心🥗

雖然呢間雞粥好出名，但係其實佢仲有好多野食都好好食㗎。不過星期日就外賣冇優惠有冇套餐。今次試咗及第粥、艇仔粥、煎蘿蔔糕、蝦米腸粉、炸兩及炒麵。艇仔粥同出邊嘅唔同佢用咗海鮮去做艇仔粥，所以比較鮮甜。香煎蘿蔔糕都食到一條條嘅蘿蔔絲，都香口嘅；蝦米腸粉啲蝦米都好大粒；炸兩就算外賣返到去仲喺脆口，一啲都唔油；炒麵佢係用咗幼細好似新竹米粉咁嘅麵去炒所以都好食㗎，味道唔算燶又唔油，😂可惜今次食完先記得唔記得影相。

前排小編大病一埸，之後要食清淡啲，所以諗住去食粥，結果同朋友叫到成枱都係😂叫咗馳名海鮮粥，酥炸魷魚鬚，蔥花蝦米炸兩，叉燒腸，蛋白杏仁茶，鹹肉糭，泰式青檸冰，七喜龍眼冰馳名海鮮粥裹面有蝦，蟹，魚片同帶子，好夠鮮味！d粥仲軟綿綿😚小編極力推介炸両，裏面油條做得好乾身，卜卜脆再加d豉油同麻醬，正！叉燒腸都做得不錯👍🏻酥炸魷魚鬚，炸得好香口！小編都食唔停口😝食左d煎炸野，叫返個蛋白杏仁茶滋潤下，味道正常，有陣陣杏仁香😉泰式青檸冰&七喜龍眼冰，好有特色，估唔到係依間餐廳都可以叫到泰式飲品，好fresh ! 😛

呢排除左月餅之外仲食左好多西餐有時都會想回歸基本 食返港式嘅菜式😁新記喺元朗好出名 原來筲箕灣都有分店位於港島咁方便 所以就慕名去食佢最出名嘅貴妃雞粥🐔.🌟貴妃雞粥 ($56)呢個招牌菜係必點菜式用上貴妃雞去煲呢個粥 所以味道特別濃郁😋粥嘅顏色較黃 有晒雞嘅精華 而且好香貴妃雞嘅香料味同普通嘅雞粥唔同味 仲冇乜碎骨👍🏻.🌟魚腩豬潤粥 ($43)除左雞粥之外 仲有好多其他款式嘅生滾粥🍲魚腩大大件好易食🐟 而且薑嘅份量啱啱好 味道清新 粥底綿滑.🌟炸蘿蔔糕 ($35)過年之後就冇食過蘿蔔糕 所以已經開始掛住佢🤣蘿蔔糕外層炸得好香脆而且軟腍嘅蘿蔔糕中間仲有少少蘿蔔絲 又冇澀味配埋辣椒醬已經好惹味😚.🌟香脆炸兩腸粉 ($23)炸兩中間嘅油炸鬼夠香脆外層仲有薄薄嘅腸粉😛.🌟燒味拼盤 ($90)燒味拼盤有叉燒、貴妃雞、海蜇、燻蹄海蜇用左店舖嘅辣汁 味道較辣🌶️我最鐘意就係叉燒同貴妃雞貴妃雞係佢地嘅招牌 比起雞粥雞肉更嫩滑🐓.🌟酥炸魷魚鬚 ($58)魷魚鬚嘅份量都幾多🦑而且即點即炸 上枱超香又熱辣辣.店舖有好多街坊幫襯 到晚飯時間更加座無虛席而且上菜速度亦都好快 性價比高😉

咁出名都未食過原來除左雞粥 仲有好多其他野食 小菜 炒粉麵都有招牌貴妃雞粥粥底軟綿綿雞份量都幾多幾嫩滑好香雞味又唔太油XO醬炒蘿蔔糕蘿蔔糕煎到脆脆地 XO醬又好惹味份量都幾多蔥花蝦米炸兩腸粉外皮好薄有蔥花及蝦米 都好好食

元朗新記既雞粥出名好食，但要去到元朗就有少少遠新記係港島開設首間分店，仲要係筲箕灣咁近我，咁我就唔駛山長水遠都可以試到靚料雞粥的味道新記粥品選擇豐富，除左必吃的新鮮生滾煲仔雞粥、小食、中式小菜、粥粉麵飯都有，選擇非常之多，而且價錢相宜，真係可以吃到飽餐廳保留中式粥店的特色，設計簡潔，燈火光猛，座位寛敞，用餐舒適食物方面:招牌貴妃雞粥 : 生滾粥底稠身軟綿綿，雞件嫩滑，厚身有彈性，份量都幾多，充滿雞味又唔油膩，必試招牌靚粥皮蛋瘦肉粥 : 粥底同樣稠身軟綿綿，瘦肉絲火喉剛剛好有咬口，皮蛋切成碎粒，簡單又好味酥炸魷魚鬚 : 份量超多，魷魚鬚條條都好大條，酥脆爽口，再點少少喼汁就更惹味XO醬炒蘿蔔糕 : 蘿蔔糕切成細細粒去炸，炸得外脆內軟，再加上XO醬一起味，少少辣又惹味蔥花蝦米炸兩腸粉 : 炸兩外皮薄滑，油炸鬼爽脆，加上蔥花及蝦米，多重的味道及口感海蜇燻蹄 : 海蜇份量超多，口感爽脆，燻蹄厚切啖啖肉，美味的涼伴小菜

元朗老店於港島開設分店，分店位於筲箕灣。餐廳的粥品選擇豐富，其中必吃新鮮生滾煲仔雞粥，雞肉以瑤柱、蝦乾、藥材及香料製成，小食如蜆芥鯪魚球、紅燒乳鴿等都是招牌菜。餐廳定價中等水平，份量正常水平。🌟貴妃雞粥見到好多人黎到一定要叫個招牌雞粥試試，呢道菜都係咁多樣入面最推薦大家試嘅餐廳。開頭以為既然係餐廳主打菜定價唔會平，但四五十蚊已經有交易，而且份量幾多地兩個人，每人都有兩碗。雞粥一上枱就咁睇都幾靚，呈淡黃色，個粥底煲得好綿，粥充滿雞味又唔會好油同埋有雞味，裏面嘅雞肉依然保持嫩滑，而雞件都有6件。🌟菠蘿咕嚕肉一個正常到小菜館必叫既食物、汁酸甜度調得好好而且好掛汁，咕嚕肉大大件啖啖肉唔會話炸到好硬而且配菜都好多。🌟紅燒脆皮乳鴿雖然乳鴿價錢唔平，但都幾大隻，啖啖肉，肉質鮮嫩皮亦脆而且好入味。乳鴿係即叫即炸，外表脹卜卜，一撕開肉汁便立即流出，吃時可蘸少許淮鹽，增加肉味。📌新記雞粥 筲箕灣筲箕灣道307號地下及1樓🚇港鐵筲箕灣站 A2 出口, 步行約5分鐘旺角花園街1號鴻禧大廈地下5號舖🚇港鐵油麻地站 A2 出口, 步行約5分鐘📍#旺角

疫情關係, 多了叫外賣回家吃。今日預早打電話到店叫外賣, 15分鐘後到埗, 在門口櫃檯付款後, 正想查問一下有外賣取未時, 被該店女職員大聲指罵"唔好阻住晒" , 未食野先受氣! 最後我被趕出門口暴曬地等外賣(當時店舖人客不多, 短暫停留在櫃檯前查問一下外賣情況並不會阻住佢哋出入及做生意)我禮貌地請該名惡死女職員好好注意一下自己的表達方式, 唔可以同客人講: 唔好阻住晒! 佢聽完之後情緒失控, 調高聲浪, 大大聲話"咩呀～我冇講錯!你係阻住晒 "。從未見過啲咁惡死咁冇禮貌嘅飲食業職員! 多謝筲箕灣新記令我大開眼界! 惡死女職員仲要擺出一副你鍾意咪去投訴我囉的樣! 講真食過幾次, 食物其實好普通, 價錢偏貴, 而家仲要咁嘅趕客態度, 坊間大把選擇, 唔一定要幫襯佢哋受氣搵自己笨!

中餐控唐人胃揮揮手👋🏻 呢間係朋友話最好食嘅雞粥‼️ 元朗開分店開到黎港島要食下🤤如果喺屋企附近一定成日同屋企人落去呀🥹 有好多選擇 點心 炒粉麵 粥 常餐都有🔥❣️紅燒元朗脆皮乳鴿 $73有冇人都係好鍾意食燒乳鴿‼️除咗酒樓真係好少地方有🦆好多肉好入味超香口 點埋准鹽係欲罷不能🤤❣️酥炸魷魚鬚 $58呢個都係以前酒樓或者食宵夜會叫嘅😛👍🏻炸粉係裹住條條好粗嘅魷魚鬚 份量好多🦑沾上一啲喼汁 配上本身鮮咸嘅味道 熱氣但好愛🤤❣️貴妃雞粥 $56重頭戲當然係呢碗‼️🐓係用咗貴妃雞煮✅用咗蝦乾瑤柱同唔同藥材整成嘅雞 加上絲苗米滾出嚟嘅粥🍚 香氣真係逼曬出嚟💕雞件有好多而且都好多肉冇乜碎骨👍🏻 配上啲蔥花一流🤤 呢個價錢夠兩份食真係超值( ˶ˆ꒳ˆ˵ )粥本身都夠綿滑滾到入晒味🔥❣️鮮蝦腸粉 $30❣️自家制五花茶 $11其實都偏熱氣 真係要飲碗涼茶下下火🤣 幾好飲唔會太甜太苦😛

元朗新記雞粥有足足三十幾年歷史佢嘅雞粥超出名 原來佢喺港島同九龍都有分店 唔使特登去元朗先有得食😽 住港島嘅我今次去咗筲箕灣分店食～✻貴妃雞粥（$56）之前喺其他分店都食過 每一次都會叫每一次都唔會令我失望因為真係好好食😋佢嘅粥底好軟綿綿而且超香雞味～～ʕ •ᴥ•ʔ仲有好多好嫩滑嘅雞件 真係必叫嘅招牌菜！✻蜆介鯪魚球 （$55）一上碟嚇親 因為估唔到咁大粒大粒過乒乓波🤣 仲要有六粒好抵食而且超足料 鯪魚肉新鮮又彈牙點埋個蜆介汁一齊食超級好食🤤✻ X0醬口水雞 例牌 （$79）佢嘅雞一樣好嫩滑 而且份量都好多唔食得辣嘅我覺得呢個有啲太辣🤣但都係幾好食啲雞好新鮮～(*¯︶¯*)✻香脆炸兩腸粉（$23）食粥必叫炸兩😆 佢嘅炸兩賣相一流！腸粉皮好滑 入邊嘅油炸鬼都幾香脆～✻涼瓜炒蛋 （$53）佢嘅炒蛋好滑身🍳 涼瓜爽脆又唔苦簡簡單單健康又好食✻七喜龍眼冰（$25）龍眼肉大大粒 甜度適中都幾解渴～✻凍豆漿（$11）豆漿好滑又唔會太甜🥰唔錯結論係雞粥同埋鯪魚球真係好好食😛

以呢區嘅消費指數黎講，其實都唔算平，除咗雞粥之外冇嘢好食，staff叫極都顧住自己傾偈，明明人都唔多，由坐低到真係有嘢食差唔多半個鐘，冇咩必要都唔會再食呢間話曬宜家多左咁多餐廳

平時去開旺角都會見到有間元朗新記雞粥, 朋友都會話係元朗數一數二必食,但總係無機會試到~最近發現筲箕灣都開左一間, 去完附近玩就去左試下貴妃雞粥（$52）見係呢度招牌食物, 當然要叫個貴妃雞粥試試啦! 不過一向貪心嘅我就多手加埋個鮮蟹（$15）粥底呈淡黃色, 煲得好綿滑, 湯底吸收作雞肉精華, 充滿雞味又唔會好油 裏面嘅雞肉依然鮮嫩, 而且分量夠多加埋蔥花一流！脆皮乳鴿另一個招牌食物 – 元朗炸乳鴿, 即叫即炸, 所以皮夠香脆，店主話係浸過係30年滷水所以好入味，味道層次更加豐富~因爲乳鴿偏大隻,所以部分位置肉汁唔夠, 但整體肉質都夠嫩滑~如果有手套供應就食得更方便！酥炸魷魚鬚 （$55）呢個係必點小食!魷魚鬚炸到熱辣辣, 口感鬆脆非常香脆可口, 唔會成口炸粉~魷魚肉地好又彈牙, 食得出係新鮮魷魚！仲要每一條魷魚都係大大條,份量十足!到最後食到好飽都忍唔住叫多個紅棗糕做甜品, 上碟竟然有4大舊, 好滿足

筲箕灣新記雞粥唔係只係得粥品食，多款中式菜都應有盡有紅燒脆皮乳鴿，黎到一定要試下乳鴿! 我覺得呢度既乳鴿比酒樓大隻，啖啖肉，肉質鮮嫩皮亦脆。魚腩豬潤粥，有驚喜，好味! 食材非常新鮮。魚腩好香魚味好鮮滑，豬潤好正又大塊。個粥好綿好香軟。鮮蝦腸粉，鮮蝦大大隻，腸粉夠滑。菠蘿咕嚕肉，味道既酸甜度調得好好，咕嚕肉真係啖啖嫩肉唔會硬，覺得呢味係必點。蒜泥汁脆皮豆腐，豆腐新鮮同埋份量都幾多，有成十幾件。炸芝麻球，令人滿足既中式小甜點，大大粒入面係紅豆餡，D香口煎炸野特別可口。七喜龍眼冰，透心涼仲有D龍眼肉食下，幾正。凍豆漿有好香豆味! 整體我最滿意係呢度食材新鮮，同埋食得出係新鮮即整冇得呃。餐牌圖文並茂，好多菜式都幾吸引

放工去食飯，突然之間好想食粥，於是去咗呢間粥店食。叫咗個貴妃雞粥，當然仲唔少得炸兩同埋叉燒腸啦。本身諗住叫埋手撕雞海蜇，點知佢同我講已經售罄🥺本身諗住唔夠食於是叫咗個酥炸魷魚，發現果然冇叫錯，個魷魚勁好味！！！🥴