新記美食

营业中

休息中

米線超梗，同佢講完，佢拎去番煮，之後發漲曬，成碗湯同埋送係無曬味之後我要食藥，拎自己枝水出來送藥，比個女工話叫我收埋佢，超差態度 ！！！！！勁無人情味 ！！永遠唔會再去 ！！

仲有半個鐘先夠鐘睇戲，搵間附近餐廳食，見新記好耐冇食所以去啦！新記我由中學時期食到而家，硬係覺得以前好味d.首先，自問算食得辣，但都頂唔住呢道既辣魚蛋，因為本身已經浸住「辣水」，再加辣醬真係辣爆個咀，我唔鐘意個辣醬，太辣會令人好辛苦，食咩都冇晒味，同埋以前都唔係咁，幾時開始辣到接受唔到？😰辣味係分開，真係唔係好一體既辣，好難形容，可以自己去試下😅不過，呢道既豬紅真係好味，食過果多間車仔麵呢間係最好味，好入味，要知道豬紅入味係有難度，亦唔係間間都做得好味！另外我鐘意瑞士汁，認真講如果你想食出面辣魚蛋/其他辣野，真係個湯唔好叫辣汁，唔係自己辛苦好似我隔離果個咁😂最後要叫多罐可樂（有叫辣野都建議叫罐裝，支裝雖然好飲d但會唔夠飲）；豬大腸都係必食，又係好入味😋我仲叫左魷魚，夠冧，但冇乜味；粉腸真係唔好叫，完全冇味，下次唔會再叫😤價錢方面，銅鑼灣預左貴，2個人2碗麵1碟菜2串野3樣野飲埋單$14x，唔知算唔算貴。

家住元朗, 山長水遠出到黎都係為左佢個幾粒豬紅,可想而知係幾吸引>3<環境係迫左D, 不過食完車仔麵都唔會要求咁多~點菜勁簡單, 剔完配料,麵底,湯底... 一比單啊姐大概2~3分鐘即係拎比你!我叫左雞翼,豬紅,通菜+幼麵, 再加支可樂雞翼同豬紅好入味,豬紅有小小辣,令味覺更刺激朋友叫左辣汁底,一上枱成碗橙紅色.....唔食得辣既我望多兩眼都唔夠膽三餸一麵賣$36,銅鑼灣喎.. 算係咁啦!!

岩岩去完澳門返黎,坐地鐵返銅鑼灣轉車,諗住係街食少少野先返屋企,原本諗住去茶餐廳食,點知行過見到新記諗起好耐冇食過咪去食囉(以為係近時代嗰間新記嘅分店,食完睇返openrice先知唔係),,點知食到一肚氣!!!初初入到鋪頭都唔算太多人,咁我同朋友二人就搵左個位坐底劃野食,叫咗兩碗三餸麵($36碗)同一罐可樂($9),我地都知我地拎得多野,都諗住快啲食完快啲走唔好阻住人哋做生意(兩袋手信加一個旅行袋同一個背包),咁見未有其他客入黎,地下又好污糟,所以將兩袋手信同一個旅行袋放喺椅上,個背包都係咩住係身.過左陣個阿姐拎咗罐可樂黎,雖然佢係個雪櫃度攞出來,不過罐可樂係唔凍既過多陣車仔麵都到左,我叫左蘿蔔辣豬皮豬大腸河粉,嘩~個粉多到呢?!得果幾啖咋!!蘿蔔同豬大腸都可以,但個辣豬皮真係唔得,唔知點解有陣怪味,好難食!!好在唔算太肚餓,對我黎講都勉強夠食,但真係唔值囉!!!食到一半開始多人,個阿姐就成日要經過我哋張枱去落單/送麵,跟住成日對住空氣係度講話我地拎咁多野霸住佢張椅,又話我地唔放落地.最慘係我朋友,佢聽完個阿姐咁講已經自動自覺將兩袋手信放返落泥,用手拎住用單手食埋果少少粉.最好笑係,過

辣汁very perfectvery 辣, abit 咸but I love it可惜魚蛋very 多粉well, 而家想篤一串唔好話多魚係含魚嘅魚蛋都難唉...但係still 大排長龍吹咩?ok紅腸麻麻地...腍腍地勁怪...生腸 - 有少少豬臊味...but quite 彈牙尚可接受 腸仔好難難食架!ok la!4串 $39...第二度食麵都得啦俾人炒到貴哂!!!

後悔未有先上Open Rice參考食評就誤入此店，惟得以親身引證食友所說的難食及態度極差。今天一人獨自開餐，午飯時間在銅鑼灣搵位食飯一向不易，約1時30時路經此店見近門口有2張吉枱，便坐下第2張可坐4人的圓枱，用另一張靠牆椅子放手袋，order$36三餸(牛筋,魚片頭,滷雞腎)米粉，另加$9 coke light。落單阿姐把米粉端來，一看已不對辦，3小塊牛筋淡色，3粒魚蛋般大小嘅片頭有腥味，3片滷雞腎竟然是用花紅粉染的鹵味而非滷水浸，湯底差如開水就連味精都冇加，米粉只有5啖份量，不用10分鐘就吃完。最離譜是趕客，我剛吃完放低筷子，coke light都未飲，落單阿姐見有2位靚女入嚟，竟然對住空氣講 ”攞開個袋俾人坐”，但當時我對面的2個位並冇人坐，而我放手袋只用一張靠牆的椅子，咁阿姐即係叫我起身讓位啦，我當時怒睥佢，但沉得住氣沒有潑婦罵街，手拿coke light便即刻埋單走人，因為連唔咳都唔曉講嘅人，我係唔會為佢係大庭廣眾地方有失斯文，更唔會咁傻再去送錢俾佢洗㗎。

車仔面是一個本土文化的面，細個時候冇錢便走去吃車仔面，因為平宜又好味，又可選自己喜歡的菜式。菜式又很多豬腸 / 蘿蔔 / 八爪魚/牛奶／雞翼.................等等，以往好似以街邊後巷居多，現在就好似出得廳堂了。車仔面好像間間差不多味道。其實會有好大分別，今次又一瀨野的杰作。話說那天我和朋友看完英超，便到銅鑼灣新記吃車仔面，點知去開那間11：00便要收鋪，得10:45去到也不入人，所以我便去另人間新記吃車仔面（我一直以為是分店）。因他門口的魚旦也做得不錯的很香很辣很彈牙，因此我便和朋友入去，去到也要等十多分鐘。一坐便急不及待，叫油面魚旦雞中翼韭菜＋辣汁。但誰不知原完和我平時吃的新記是兩回事，湯：得淡既，冇辣直頭吾想食辣汁：辣而不香魚旦：彈牙雞中翼：梅既韭菜：因湯味道不好，所以冇特別油面：也是如此一路食，我一路媽媽聲，我朋友仲衰，成日一路食，一路講：" 車！咬野GOR WO。唉 ! 呢獲真係英名盡喪！

態度差: 我忍了你這些年才說出來...分享一下昨晚的經歷. 做完facial 一人進來. 坐在第一張枱內邊, 老闆有所顧忌, 呵...原來眼大大可愛的女兒放學回來坐這枱外面吃飯. 我樂的坐她對面. 我坐下的數分鐘她爸爸為她趕走了兩位客人而留給她這個背貼住自己的位置, 愛女情切. 很窩心. 我第一次見這女孩時她還是小毛頭，今次見到她已是中學生了. 但...這家店沒把這窩心情懷發揚到顧客身上...當時近8時了, 沒有很多人, 事實上這家店比已前少了很多人, 相信是價錢問題. 這頓麵過程是這樣的.圈好紙仔遞比亞姐. 我說: 少辣唔該. 亞姐: 你圈辣汁寫個少字(聲大大)我說: 少埋米粉亞姐: 你圈住米粉寫個少字(聲大夾惡）😓10秒後, 一碗東西在微濕的枱上飛翔而來, 幸好我好身手接得住. 沒事沒事. 😓約5分鐘後, 我放下筷子喝汔水, 同一位亞姐伸手收我碗麵.我說: 未食完的.☺約2分鐘後, 我放下筷子喝汔水, 同一位亞姐伸手收我碗麵.我說: 未食完的.😓約1分鐘後, 我放下筷子喝汔水, 同一位亞姐伸手收我碗麵.我說: 未食完的. 😰終於食完了, 那位收碗亞姐不在, 剛好老闆娘在我對面跟女兒

今日突然想食車仔麵, 中環又冇得食, 所以下午專登搭MTR落CWB食, 點知食到一肚氣.先講食物,味道還可以.本人點了粉絲, 但啲份量少到食兩啖已經食完.話哂都要$9蚊一個餸/粉麵.另外再要左6個餸:片頭,豬大腸,紅腸,牛肚,魚旦同豬腩肉.我覺得大腸同牛肚味道都OK, 夠入味,其他就不過不失啦.但份量真係太細,一碗$63嘅麵,對我一個女仔黎講咁都食唔飽有啲唔抵....另外呢間野啲服務又差(可以話係冇服務)!!啲阿姐又惡過碼頭咕喱. 午飯時間人多, 客人都背對背坐,真係迫住咁食....都算 有位阿姐夾硬係人背脊行過, 仲要話我坐得唔好. 仲要走去同佢老細講, 咁我咪問佢係咪要趕我出去呀?咁嘅態度, 食物幾好食都冇用啦.以後唔會再幫親

小妹一個人去食麵, 先講食物，份量好細要＄36。味道一般。一入到去，已有一對情侶同D伙記有衝突, 野都唔叫就走左。 我碗麵到咗後，想要多隻匙來調教醬料分量。 我問佢要多一隻匙食面, 待應呀姐就即時黑面, 話咩要收兩蚊先肯俾。 大佬咩事呀, 食野要食具好正常呀:? 咁佢唔俾, 算….. 小妹極之論盡，D醬整左落枱。班阿姐話我整污糟將枱, 即狂用粗口問候，及講打講殺,話整污糟張枱要收10蚊服務費… 食野唔可以整污衊張枱,咁平時D人抹枱做乜? 之後俾錢時無帶單, 我叫左36蚊, 俾50蚊紙佢,乜都夠啦。班呀姐話我唔見左張單,唔計數, 話我食霸王餐, 要報警又要睇閉路。 我就叫佢鐘意既就快D報. 點知佢地就即時狂爆粗,講打講殺…有個阿姐搵手掙鬆我兩野...之後另外個呀姐搵返張單36蚊先肯放人走,話下次唔俾我再來食…及不停爆粗直至我遠去… 唯一可以俾credit的係個老闆, 期間老闆都有叫停班呀姐及解釋我聽佢地只是麵店，備唔到酒店服務。但其實我只想要隻匙 … 唔好玩啦，呢間野唔洗你講我呢世唔會再去 …

十一月下旬‧晴真的很久沒來吃過這裡了，都不要說，吃個要三、四款配料的湯麵都成四十元的。要了三款配料，通菜、冬菇及蘿蔔。通菜摘得仔細，只留細嫩的部份。冬菇是最好吃的，夠味也軟熟。蘿蔔甜得過份，明顯是以糖煮過。要了中辣，真的幾辣，這裡的辣醬也不是說笑的。嗜辣的朋友，不要錯過。

今日同男友到該店吃魚蛋，誰想到會有如此經歷！原本唸住坐低食幾串, 點知阿姐A話: “$8 一串， 每人最少要4串＂, 即合共$64。咁就叫我出去車仔檔度揀, 但個車仔檔阿姐d 態度又超唔耐煩。咁我地最後都要左8串 - 3 串魚蛋, 1 串生腸, 1 串腸仔, 2 串魷魚, 1 串齋. 揀完之後, 比埋錢, 返埋位, 阿姐A 就攞左一碟撈埋左一齊Geh 魚蛋魷魚腸仔同齋 (已去竹簽)……根本睇唔到啱唔啱數. 唸住唔會咁衰偷工減料呱…所以都冇留意. 點知食食下, 發覺少左串生腸, 咁梗係話比佢知啦. 嘩….!!!! 有個阿姐用惡劣態度, 大聲講: “ 小姐! 你依加先講ga….!” 另一個阿姐從遠處大叫: “佢都冇叫生腸!” (p.s. 我同佢的位置係舖位入口同舖位最入) 跟住, 唔知又邊位阿姐又大叫: “佢比左4串魚蛋比你架!” (應該係同我講) . 跟住又唔知邊度傳來一把男人聲, “要收番8蚊” . 嘩! 真係火都黎埋! 第一次, 不顧一切, 反擊鬧返佢! 佢自己落錯單, 仲要屈d客!! 期間, 阿姐係攞左我碟野出去車仔檔geh. 為免佢”加料” , 我就金睛火眼咁昅實車仔檔阿姐.

今日同男友仔出左銅鑼灣行街, 又黎一個例牌動作.....車仔麵!!!無計啦, 呢頭真係無咩好食, 一係就貴爆, 所以最化算應該都係車仔麵~今次身痕, 無去平時食開果間, 反而求其是但入一間試......結果就入左呢間, 未食過既 "新記美食"同好多車仔麵店一樣, 都係自己圈紙仔!一人一紙, 我地圈左呢 D 野我) 油麵 + 生腸 + 八爪魚 + 魚皮餃 + 辣汁(男友仔) 幼麵 + 魚蛋 + 雞中翼 + 豬腸 + 辣汁等左大約 5 分鐘左右, 有麵食!!!一上枱個樣, 嗯...............唔得, 唔吸引, 賣相真係唔掂~不過好多野都不可以貌相, 好唔好食都要放左入口先知既...湯底顏色好淡, 淺嚐一啖之後, 果然...........真係好淡!! = ="唯有期望佢個辣汁夠出色, 可以另個湯底好味返......撈好個辣汁, 顏色叫做深返少少, 可惜....唔夠香, 又唔夠野味, 就係得個辣字............. v_v湯底失望, 再試埋麵同配料先~麵....還可以, 不過個人黎講, 略嫌太淋, 無左咬口!八爪魚....還可以, 有咬口, 有醃過, 少少入味!生腸...

我以後都唔會再幫襯， 請我都唔食以前好 鍾意食， 依家做到出名左，已經味不及以前，加價唔係問題， 因為物價高漲但衛生 極差， 勁多烏蠅， 食到個人勁唔安樂點解衛生越來越差， 係唔係唔憂做就可以咁，以前都無咁勁如果向衛生署投訴， 唔知D食物會唔會細菌超標！另外， 見到隔離枱叫個姐姐加D汁， 個家姐竟然叫佢自行加豉油，一D 都唔憂做！Anyway， 我唔會再幫襯

今日一個人行完街想食車仔麵,見一向最like既榮記排長龍,而呢間成日行過無試過咪去試下.佢兩餸一麵係$28， 不過又每樣餸都係$8，3x$8都係$24啫，都唔明，所以我叫左3餸油麵，腩汁湯。個湯好淡色又唔夠味，生腸有漂白水味，滷水旦有d好似發毛既花，我即刻成碗唔敢食。在場又有幾隻烏蠅飛飛下，衛生其實預左係咁。服務態度其差：我坐果張圓枱大約坐五人，坐多個都手爭撞手爭。本身張台坐左4個，我見我旁邊有位，可以放半張椅，又靠牆唔阻人就放左岩岩買既兩大袋上去，自己就攬住個大手袋食。個待應之後喝我話要比番張椅佢，唔準放野！亞姐，我點攬住三袋野食呀？但係隔離枱埋左單都垂人入黎，側面有成橦椅喎！之後我只係食左幾淡就走，呢間野請我都唔再食！