新記小食 (已結業)

今日531有緣來到深水步區,本來想試一間好出名的小食店,但門外都是人,不想排隊,向前行就來到另一間小黃店,但無人支持,所以我就來大發神威啦~炸薯角  10元  2/5分份量好多要讚,10元自己做都無此份量,但第一眼接上手已經知道有問題。吃落完全是軟的薯角,唉,無話可說,2分是給價錢。手抓餅 配雞蛋及咸牛肉 25元  1.5/5分1. 咸牛肉無味2. 手抓餅餅底軟過軟糖,又難食無味3. 多沙律醬是我的要求,這個不怪其他人,只吃到沙律味,救命 價錢確實是好抵,但味道更低,比較失望小店,希望以後其水準可以慢慢改良吧~…查看更多

行都餓餓地最好食隻生炸脾，剛好見到深水埗街角有間良心小食店叫新記小食真的有生炸脾買，真係要去懲罰吓。好食的生炸脾四隻字講完皮脆肉嫩，係唔係堅生炸？就要睇吓老細要唔要你用耐性好等！走到櫃位問新記老細，「喂！想要炸脾」，老細認真地說：「哥仔你要等八至十分鐘，等唔等？」嗱！心急人的我係一定唔等，在等唔等之間，一講到良心小店，幾耐都要等！短短呆企了八分鐘，熱烘烘的炸脾出爐了，當晚的天氣轉涼，手拿着裝炸脾的袋衣也感到熨手。等了那麼久只想快啲吃一口，於是撕開了紙袋，用手巴小小的雞脾肉扯開，香氣撲鼻，嘴吃一口皮肉相連的脾肉，皮很脆並不乾硬，肉很嫩並沒有雪味，吃時嘴裏有鹹香像五香粉及其他醃料的味道。快快已吃掉了，感覺愉快！…查看更多

今日食完午餐就走過來幫襯，打算試下啲小食，見到個menu有咁多選擇，我都企喺度思考左好耐最後就買左腸粉餐配咖哩魚蛋，再加一串燒賣打包，見到老闆娘包緊啲魚蛋個時已經聞到啲咖哩汁好香，好期待翻去食個時係點。啲燒賣好好食，冇平時街邊嗰啲咁粉，腸粉都好滑，配埋啲醬簡直一流。見到網上好多人都推介佢個炸雞髀，下次等我餓啲既時候，我一定帶埋班friend 再來挑戰，另外見到佢有個電話可以order 定啲生炸雞髀，咁下次就可以唔使等，直接開餐！…查看更多

呢間餐廳喺我屋企樓下，以前有一個四眼佬是老闆，他不時會同我傾計，佢話佢夠人手，好難做下去，我在他做老闆時吃過好幾次魚蛋，燒賣，同臺灣腸，又平又好味，後來發現餐廳轉左手，又去吃，一樣好味。…查看更多

有日放工約埋朋友去掃街，走到介乎深水埗&太子嘅交界，近馬路閣粒頭有間小食店。同朋友行下行下不知不覺就覺得肚餓，打算試試😋當時大約夜晚八點幾，只見一位後生女仔負責所有野。個女店主J好nice，我地傾傾吓先知原來係一對90後情侶接左上一手嘅小食店黎做。小店主打小食，大部分港式小食都齊：腸粉撈麵燒賣魚蛋手抓餅雞脾薯條等 🍗🍟；飲品可以係雪櫃揀：可樂檸檬茶忌廉綠茶果汁等 (雞蛋仔女店主正在研發中，未有得賣住XD) 因為我地兩個都肚餓，所以樣樣都叫啲黎食😋 店雖然細但可以開張枱仔坐凳仔食，仲有得睇電視📺👀我地叫左腸粉、燒賣、魚蛋、印尼撈麵、炸薯條、炸雞翼&手抓餅，估唔到我地二人竟然食得晒！因為好肚餓，所以只有以下其中幾張有相嘅美食😂食物方面最欣賞腸粉&手抓餅：腸粉好滑溜溜，配上甜醬芝麻醬辣醬好好食，鹹牛肉蛋手抓餅即叫即整，食起黎熱辣辣又鬆脆🌯 炸雞翼少少甜，問過女店主J先知原來係用魚露&糖醃 (我記得好似係😂) 叫左好多嘢食大概幾十蚊但一啲都唔貴，好抵食😋👍🏻女店主亦好好傾，我地食完都傾左好耐計，亦分享我地對小店宣傳嘅諗發。大家係附近行開街不妨過黎傾吓計支持吓😊…查看更多

🈶一次經過太子界限街交界，準備等轉綠公仔過馬路期間，我突然擰轉頭望一望，見到🈶間小食店，起初覺🉐冇咩特别，只係賣一些街頭小食如：雞蛋仔～燒賣～腸粉～之類嘅小食，但我再睇一睇，睇到好大隻字寫住秘製豬手，我一向都好愛食豬手(因為骨膠原非常豐富)，我最後都係忍吾住要買番件嚟食，一試便知龍與鳳，果然好味，皮炆🉐非常軟腍，肉質也相當好，一咬即皮肉分離，滷水味香濃，非常好食！，下次再去新記，一定要再回味秘製豬手先得喇…查看更多

老板同老板娘勁好人，燒的也食好正，燒龍蝦又新鮮又多膏，聖子皇鮮甜到爆吖好味好味，燒雞翼入味滑溜，仲有燒茄子，錫紙四季豆焗象拔蚌！加上燒汁同蒜蓉仲係自家調教，夠曬惹味！日頭經過仲有底食的腸粉套餐，送上鎮店之寶新仔肉照一張…查看更多

是日收工🙈諗住掃街 經過兒時經常吃新記小食，食物水準比起同區較高質素，$40蚊就巳經食到好飽飽，炸雞脾$12隻好大隻 👍魚蛋燒賣必食吾似平時食開甘多粉，生菜魚肉值得一試😎魚肉好滑而湯原來係用豬骨煲 店鋪原本既老伯原來無做 變為一對小夫妻經營 相比過往店鋪環境衛生更優良 而味道也有新突破 老闆亦很友善…查看更多

話說今天少有地與阿建到太子一帶采購，與他雖只有幾面之緣，但我很清楚他並非什麼壞人，只是個有點自我封閉的毒男罷了。只要兩個人在街走著，正常都總會談點話，初時我們只是談談一些公事，然後就談點有關遊戲機的話題，但不幸地各自所鐘情的遊戲都不同，自然就不歡而散。然後不幸的事就發生了，話題一轉，起初我只是談一下早餐的問題，卻瞎貓碰上死耗子，連到有關上班所乘的巴士，他聽罷反應甚大，開始興致勃勃地向我講解有關巴士的話題。唉…巴士對我來說，就只是交通公具罷了；對他來說卻如寵物一樣可愛。天啊，那只是一架車子好嗎？是沒有生命的啊！他對巴士的觀感並非問題的重點，最重要是他滔滔不絕地吐出大量我完全不懂的名詞，還告訴我一定要試一下全港最長的巴士線…當我被這個巴士怨靈纏繞得正煩時，不知不覺已途經一家常常光顧的小店，我把握這個機會把他的巴士話題打斷，並向他推介一下這裡與別不同的燒買。他也大方地接受我的邀請，這樣就好，終於能喘息一下，順勢等等還能將話題轉到飲食上，皆大歡喜。光臨這家店，有件事是值得一提的，在這種百物騰貴的時勢，一串燒買居然只賣四元，實在非常經濟，亦印證一份良心。只付出四元，一串熱騰騰的燒買立即送上。相中物還是一如以往的殘缺，但現在有得你看，總比沒有好吧？不知是去貨速度快，還是店家控制有方，燒買並沒有黏糊糊，口感也非常軟糯且留有一點彈性，而且由內到外都是熱騰騰的，如冬季吃絕對是一種安慰。然後味道除了所有燒買都共有的甜味外，它還流有一種特殊的味道，暫時我只能猜一下，它大概是蒜的味道吧，配上豉油與辣油，三者混為一體，產生出一種奇妙的觀感，讓人每次經過也想吃一串，所以一直我都將之稱為上癮燒買。我當然吃得律律有味，但一眼看過去，阿建卻擺出一副異常嚴厲的表情，吃一粒後更似是無奈地搖頭，我見狀當然不能座事不理，連忙就上前向他問過究竟。豈料一走過去，他居然已經把只吃了一粒的整串燒買掉到垃圾筒裡，並向我說：「我家樓下的燒買每粒也漲卜卜，熱騰騰，比這個好吃得多了。」「但你也用不著把它掉了吧！？」「我可是一個對食有著高要求的食家啊？」老實說，我當時可是怒不可遏，但全不是因為自己的品味被踐踏之故。使我最怒的，是他那不可一世的態度。也許這家店可能不夠好，但用得著做出這種鬧劇嗎？對食有要求就能做出此等愚昧的事嗎？然後更能因此自稱為食家了嗎？也許我未能稱為食家，但我卻打從心中否定他的無禮行為；也否定他那自以為是的高貴；更否定他自稱食家的身份。因為這可是一種天大的侮辱！食家理應懷著一份鑽探精神，不論好壞與一般的食物都放開懷抱接受，並拜訪每一個新嘗試，告訴世人各種被埋沒的美味。然而眼前這個傢伙又有這種精神嗎？我看就沒有了，他根本就只是一個想引人注目的偏食小屁孩罷了。正當我想駁斥他時，他卻望向一架巴士說：「你看，現在這個型號的巴士很少見了…」然後數百字省略…今天我終於明白，難怪這個傢伙沒有朋友了。…查看更多

原以為呢間野未被add入OR，正常幫佢加之際，一search 之下，原來有人add咗，不過無人寫過。於是就要幫佢加上第一個食評。呢間野剛好在轉角位，生意都ok架...加上價錢又平，所以常常有人企喺度等雞蛋仔。雞蛋仔只賣$6一底，好抵食。質素又好，好過花園街的多多聲。雞蛋仔外層鬆脆，內裡則軟熟。好似細個食嗰d咁，不是實得得的，中間有點中空。蛋漿又調得好，不會太甜。夾餅都係$6，大大件，又多醬，食完真係好飽。不過夾餅無雞蛋仔咁好味，比較厚身，所以質地也比較軟身，不是太過好食。還有...腸粉都好得。$5 四條。再加多混醬。腸粉質地滑，顏色雪白。麻醬也得好，因為有時街邊食嗰d會鞋sap sap...不過呢間野ge麻醬就幾滑身，味道亦算濃。也試過牛肉球，質素麻麻。仲有賣燒賣、魚蛋、粉果，不過我未試過。…查看更多