新記冰室

营业中

休息中

新一年 去左食傳說中既芝士撈丁😍去到都要排差唔多15分鐘先入到去1️⃣芝士汁豬頸肉煎蛋撈公仔麵啲豬頸肉好林 好入味😋煎蛋仲係流心蛋 撈埋啲芝士同麵一齊食 感覺好幸福🤤🤤本身我同男朋友都鍾意食硬身少少既麵質 呢到啲麵質好好 唔會太林 如果啲麵太林 再加埋啲芝士汁 個口感應該會好差😂見到每一枱客基本上都係叫呢碗野🙈2️⃣常餐 - 沙嗲牛 煎雙蛋 火腿 拼牛油多塊牛油多士好有誠意 厚身 同埋烘得好脆👍🏻雙蛋都係流心蛋 夾埋塊多士一齊食 岩岩好沙嗲牛個味都好濃 啲牛肉都好‘’諗‘’同好入味🍜3️⃣ 蜜汁龍鬚呢個係必食推介🔥見到好多人都話好好食 一於試試佢的確 啲魷魚鬚燒得好香好乾身 再加埋啲甜豉油 成件事好Match🥰🤩食完都推介左俾啲荃灣友 必食item👍🏻整體環境都舒服枱上面仲好貼心擺左消毒洗手液同酒精好底讚💕

大食妹好耐之前係灣仔食過新記芝士麵, 可惜佢之後執左, 大食妹超級掛住陣豬士除呀今日特登同朋友去荃灣覓食, 於是去左荃灣分店回味一下<芝士汁豬頸肉煎蛋撈公仔麵>大食妹嗌左份至愛嘅芝士汁豬頸肉煎蛋撈公仔麵芝士汁都算幾多煎蛋係大食妹鍾意嘅窿邊流心, 吉穿個蛋黃等啲蛋黃汁混合係啲麵度, 會撈得更順豬頸肉有事先醃過, 份量都唔少, 非常入味公仔麵偏軟, 硬身少少會更好食<芝士汁雞翼芝心丸撈公仔麵>朋友就嗌左份芝士汁雞翼芝心丸撈公仔麵兩隻雞翼同兩粒芝心丸顯得有啲小氣, 但芝心丸係幾流心嘅

好出名嘅芝士撈丁，一場黎到荃灣唔試下唔得🤣滿滿嘅芝士🧀🧀望到都覺得邪惡😈但其實食落唔算重芝士味，豬頸肉幾好食，又係邪惡地滿滿油脂😈西多士又係一樣咁邪惡😈😈有得自己加蜜糖都幾好紅豆冰都係average係一間正常水準嘅茶餐廳，唔會話特別建議過黎食，但喺附近可以支持下☺️

嗱，港式早餐就陪咗我N年。呢間一直都覺得點解只做午市晚市喎～但邪惡芝士麵加勁好食豬頸肉，唔可以成日幫襯架嘛。終於等到有早餐，頭幾日就衝黎試下先！早餐時段到11點，比同區其他餐廳早少少完。第一次，丁米煎蛋，米粉係幼身個隻，口感爽滑（唔係粗身會浸到淋曬個隻）。煎蛋＝太陽蛋係新記食開都知。多士，見圖有味了，好食！第二次，火腿通，都係爽身彈口，唔會有啲浸到爛曬。最後，想介紹返，荃灣茶記好多都有得加大杯熱飲，膽粗粗問下有冇，店員話有，加5蚊。（咁貴？唔係加凍飲價錢咩）一黎到，笑咗出聲，唔係俾凍飲杯咁大，係舊式啤酒杯！根本係2杯熱飲咁大杯！呢5蚊真心抵～

又黎到荃灣覓食😋今次黎到食新記冰室 中午時間排到人數吾算好多等左大概十五分鐘就入座啦除左叫左佢地既名物 - 芝士汁豬頸肉煎蛋撈公仔麵外 仲叫左個沙嗲牛肉公仔麵常餐常餐既炒蛋火腿多士先上🍳炒蛋炒蛋過老 而火腿同多士都係正常發揮啦而沙嗲牛肉既調味略為甜 個人評價一般啦到主角 - 芝士麵🧀一整碗黃金色 完全無留白既空間 再一倒開芝士 下面係滿滿既豬頸肉將張流心煎蛋同芝士汁完美撈勻後 蛋香配芝士汁香味十足 而且個汁吾會太傑身食落吾會好漿口 而豬頸肉調味同質感都好好 所以芝士麵值得一食🤪

📍爆芝又爆脂‼️😂 -- 新記冰室🍝💛==========================Bookmark咗新記嘅芝士麵好耐，不過趕唔切喺尖沙咀分店結業前幫襯，所以就去遠少少嘅荃灣分店食💁🏻‍♀️（去完過幾日之後就見到旺角分店就嚟開張😂😂😂）咁九龍嘅朋友仔就唔洗去咁遠都食到🤩嗰日同男朋友大約8:00去到都幾full㗎，等咗兩張檯🙈一坐低諗都無諗就點咗差唔多檯檯都有order嘅芝士撈麵🥰------------------------------⭐️芝士汁豬頸肉煎蛋撈公仔麵（$52）賣相都幾震撼😹海量嘅芝士汁覆蓋成個碗面，上面仲有隻大大隻蛋黃，底下隱藏燒過嘅豬頸肉😆芝士汁質感稠身，食落味道濃郁，好有鹹香🤤加埋蛋汁撈埋公仔麵一條齊食好邪惡🤤惟蛋汁唔足以撈到咁多麵，所以有部份麵條會有啲乾身，仲纏埋咗一舊，影響咗口感🙈豬頸肉係厚切，肉質軟腍，好有肉香，但有位就燒得太燶，略為扣分🙈因為有好多芝士嘅關係所以食到最後會有少少膩，可能同朋友share食會好啲～整體嚟講味道都ok但未至於係好驚喜，性價比一般🙊試一次就好了～如果中意重口味或者係芝士控嘅朋友仔都可以試下嘅💖--------------------

新記冰室（荃灣）💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：⓵ 芝士汁豬頸肉煎蛋撈公仔麵 配 熱檸茶 $53 ⓶ 芝士汁豬扒雞翼飯 配熱奶茶 $50••••••••••••••••••••••••••••••♥️食評：好好好邪惡啊！餐廳特制嘅芝士汁好重芝士味，食落唔漏唔濟！唔會食到一半就唔想食，可以食到最後之餘想再食多啲！芝士汁份量啱啱好撈晒成個麵，唔會食到尾無芝士汁。麵嘅份量並唔少，感覺好似多過平時一個公仔麵。豬頸肉有醃製過，有味道但唔會蓋過芝士汁嘅芝士麵，一碗入面有6-7塊，每塊都大大塊，厚薄適中，相對偏肥少少，肉質一啲都唔韌，唔錯。雞翼普通，豬扒有好重嘅香茅味，如果唔鐘意香茅嘅朋友可能要注意啦！煎蛋嘅蛋黃唔係全熟，撈埋芝士汁一齊食可以將成個麵嘅味道昇華！超推薦一定要配煎蛋啊！！••••••••••••••••••••••••••••••♥️特色：餐廳以芝士撈麵見稱，蜜汁魷魚都多人食，大家可以去試吓！•••••••••••••••••••

黎到梗係試下個芝士麵餐，個芝士汁其實好飽同味道一般，食唔夠一半已經食唔落，又唔可以話唔好食，正正常常但不要太高期望。另外叫左個常餐沙嗲牛面，無果種想翻食既感覺，可能係個麵質同湯麻麻，麵太淋，湯唔夠味亦唔夠熱。最後總結食物味道，兩個字，一般。其他服務同衛生都ok的。

味道：⭐️⭐️⭐️⭐️一間走懷舊風既港式茶記將一啲好平凡嘅材料 創造出獨特嘅芝味餐廳嘅名物就係芝士撈麵🧀🐭❶芝士汁豬頸肉煎蛋撈公仔麵🍜 $53（跟餐包飲品）相比之前係尖沙咀分店既芝士麵醬汁有改良過 味道更加出色 🧀芝士醬結合四種唔同嘅芝士 顏色偏黃色💛味道香濃 醬汁唔會太杰 入口又唔膩豬頸肉 🐷尚算嫩口 邊緣嘅部份帶點脆口 入口仲有d焦香麵條既口感一流 唔會太硬同太淋 芝士醬厚厚地鋪滿 每一條嘅麵條再加埋太陽蛋☀️撈埋一齊食 感覺非常邪惡😈芝士控真係唔可以錯過!!

星期日去咗荃灣, 行街之前醫吓肚先。 喱間茶餐廳長期都要等位, 見今日唔算多人, 就決定試吓喱間啦。P san 點咗個常餐 B, 包括濃沙嗲牛肉湯公仔麵、火腿雙蛋同埋牛油多士。 等咗一陣, 雙蛋火腿牛油多士就已經上枱, 第一個最吸睛嘅, 就係非常新鮮飽滿嘅煎雙太陽蛋, 而同平時嘅茶餐廳唔同, 喱間新記係配牛油多士而唔係普通麵包, 熱騰騰又脆口, 牛油溶晒喺多士度, 好香; 而沙嗲牛肉麵方面, 沙嗲汁較有沙嗲味, 牛肉入味軟腍而且無咩用梳打粉乸過嘅味, 湯比較特別, 有忌廉雞湯味, 唔係味精粉開嘅湯, 感覺好有誠意。     因為我鐘意食芝士, 咁梗係點芝士麵嚟滿足吓欲望啦 😋 我點咗雞扒太陽蛋芝士麵餐。 碗麵一嚟到, 面頭舖滿濃稠芝士汁, 下面有一隻太陽蛋同雞扒冚住啲麵, 以為賣相唔出眾, 都無咩祈望, 不過食落好香濃嘅芝士味, 蛋同雞扒都煎得好靚, 但因為俾芝士汁冚住, 所以唔覺, 雞扒煎得好香, 而且醃得相當入味, 咬落去好 juicy 同嫩滑, 唔會柴, 雖然只係公仔麵, 但唔腍, 不愧係招牌芝士麵。   茶餐廳嚟講, 芝士麵配料選擇多, 而沙嗲牛肉麵唔似普通嘅茶記嗰啲咁行, 真

突然諗起呢間曾經好出名嘅老店—新記，決定快啲出咗post先，因為怕再遲就冇機會😭以前垃圾口🙍🏻‍♀️讀書時成日食灣仔嗰間分店，都有唔少回憶，然後執下一間又一間...到10月尾連尖沙咀分店都執埋，而家得返荃灣一間店😢之前帶過嘴刁仔🙍🏻‍♂️去荃灣店食過，佢都覺得好好食！呢間店仲黃過佢啲芝士麵，所以大家記得去支持下💛.<#芝士汁豬頸肉煎蛋撈公仔麵 $53>新記最出名就係芝士撈公仔麵🧀🍜啲芝士汁超濃超好味！芝士控同埋重口味人士必食🤤豬頸肉都係招牌菜之一，煎得好香，豬頸肉好肥美😍公仔麵亦唔會淥到淋晒煮得啱啱好！<#芝士汁雞翼芝心丸撈公仔麵 $52>雞翼好大隻，有醃過炸得好好食，好食到之後我哋仲單獨叫咗碟炸雞翼🤪芝心丸都係炸過，又芝士汁又芝心丸真係雙重芝味😍😍🤤講起都流口水～<#招牌豬頸肉煎蛋飯甜豉油 $50>本身以為佢係頹飯，但加咗招牌豬頸肉，成件事升華咗，仲有甜豉油配埋煎蛋真係不得了‼️<#蜜汁龍鬚 $46>魷魚鬚嘅份量幾多下，啲汁除咗有普通嘅豉油、醬油，仲加咗蜜糖，令到成個汁冇咁單調，所以成為咗招牌菜之一！.👫：今次啲相有mix荃灣

星期六經過荃灣食個lunch~上次去巴巴站個陣見到新記冰室好多人排 今日時間可能尚早唔洗點等就入左😄👍🏻叫左必嗌既芝士汁豬頸肉煎蛋撈公仔麵！好快就上左 熱辣辣的😆😆好邪惡啊成碗都係芝士！芝士控真係唔可以錯過！不過對我黎講最重要係啲豬頸肉係一片片唔係一條條個啲！食一半都好有罪惡感🤣略嫌有少少鹹 不過男朋友幾鐘意☺️對我黎講太溜啦好彩我係同男朋友分姐😂另外嗌左個泰式甜酸汁雞扒飯 都幾惹味 不過相對芝士麵就冇咁驚喜啦~跟餐叫左杯熱蜂蜜菊花露 超甜😂加左好多水都唔得 走個陣同職員反映左 希望會改善😊

🧀招牌 芝士豬頸肉煎蛋公仔麵 (少麵) 包飲品$53🧀芝士醬夠多 稠密地 但唔會好杰 有啲似車打芝士嘅creamy+milky版豬頸肉燒得幾好 有少少肥肉🍖軟口得黎 又有點香煎乾咗嘅位太陽蛋熟到剛好 🍳問店員加咗辣椒油 幾夾之餘 仲無咁膩🌶值呢個價😎😎.🍢蜜汁魷魚🍢呢個肉質都煮得好好 好煙韌只係醬汁收得有啲太濃咸同埋太甜.雖然忙碌 但服務好好呀🥰🥰

久仰呢度嘅芝士名物好出名嘅。我見呢度啲人通常都係食芝士公仔麵，為咗減低個罪惡感⋯⋯我叫咗個芝士雞扒煎蛋飯🤣🤣🤣一個獨L食呢啲頹飯就再好不過㗎啦。一隻手一支匙羹已經可以食晒成碗飯。另一隻手用嚟㩒電話。芝士汁一啲都唔吝嗇，撈晒成碗飯有餘👍👍👍。如果問我好唔好味，咪就係芝士有芝士味，雞扒有雞扒味同蛋有蛋味囉😂

自己唔食芝士，所以好少食新記招牌芝士麵，通常都係食佢地嘅雜扒飯。呢個係我心目中最好食嘅雜扒飯。個蕃茄汁好好味，加埋隻太陽蛋已經好夠撈飯。豬扒好香香茅味，雞扒口感唔錯冇雪味，另外重有香腸火腿，成件事好有心機，食完好滿足，唔會好heavy！服務態度都幾好，睇得出所有後生嘅同事做野都好落力，同埋都好好禮貌！新記真係有心做嘅餐廳，雖然芝士麵係招牌菜，但唔食芝士嘅朋友都可以有好多選擇，呢個雜扒飯係必定要食嘅！！！