新記冰室

营业中

休息中

舖位落在荃灣最旺既路德圍，夜晚8點左右去竟然有幾張空檯。雖然唔係太旺，但食物質素同服務完全係上乘之作。服務生感覺親切，請佢推介食物都十分中肯，最後就叫左招牌既芝士麵。面頭既芝士唔係芝士粉個種好稀既，而係好濃郁。上網查翻先知係用左車打芝士、巴馬臣芝士和Mozzarella，三重芝士。唔怪得咁正啦。芝士份量都剛好，剛剛夠每一條麵條都有芝士，又唔會多到好膩。豬頸肉都十分香口。五十蚊左右黎講，算係相當滿意！

今日lunch試下呢間新開既芝士麵荃灣多茶餐廳但芝士麵就好少見之前都係食開尖沙咀既芝士撈丁今次試下呢間竟然都唔錯佢店舖唔大，但睇得出都有心機裝修，係走懷舊風，眼見仲好新淨佢既配搭都幾多我又叫左個芝士豬扒司華力腸上枱見佢芝士汁都幾靚食落夠咸咸地味道唔錯，調味唔錯麵身唔會太軟，係我鐘意個種但個問題係佢份量好少，唔加底真係唔夠食另外我叫左司華力腸佢係切左得3塊，變左紅腸咁就有少少失望喇但佢個芝士汁整得唔錯下次都會返黎試下其他野食既

本來今晚同朋友到餐廳食野我自己點左西多士本來以為西多士有跟飲品所以就照嗌埋野飲但落單後睇到收據再問翻店員先知原來得單點所以就想取消野飲啦咁幫我既第一位店員就話不如收我下午茶set既價錢 比單點加幾蚊問我o唔okay咁我話都okay既野食黎到 西多士中間既花生醬完全無味好似食緊舊齋包既西多咁就算餐廳主打其他既野食我覺得都未至於會難食到咁🌝好啦 到埋單比錢先見到第一位店員西多士係落左set既價錢但飲品都係照計左單價咁就同埋單既另一位店員講頭先第一位店員係我想cancel飲品個陣話計set咁比我所以我先無cancel但野飲又照計左單點喎個位店員講左句 我請你飲啦下??????係你地staff話計set點解講到好似我無比錢咁？我本來想cancel係因為既然單點咁不如出去買野飲你地單點西多同個set既價錢都差7蚊架喎我都係諗住個staff主動提出我先至話照要野食唔好食係其次唔該訓練好啲員工先得唔得？員工同員工之間欠缺溝通得黎對客態度都好好笑 我又唔係r着數洗乜你請我飲?😂😀呢間野無下次

尼間芝士汁豬頸肉煎蛋撈公仔麵非常之出色，芝士汁多而不膩，配埋蛋黃汁更上一層樓。 This is the best one I have ever tried. I will be back again推！！！

荃灣路德圍都有唔少冰室米線可以選擇，今日揀左呢一間黎試下，鋪頭唔大都有點迫而佢地既常餐都唔係特別吸引，不過不失吧。點了：叉燒通，多士火腿蛋。叉燒通粉份量正常吧，叉燒都算多而通粉口感都正常，唔係好林細細粒既通粉。多士火腿蛋，多士算大塊不過口感唔特別而且都唔算多油，食落有點乾，火腿同蛋就真係沒有吸引之處。飲品叫熱檸檬茶，因為普通味道所以不講了。環境方面，中間位置會坐得比較擠迫，卡位會好一點，鋪面唔大。總結普通冰室，要食就揀芝士麵試。

咁就緊係唔係食尼食去都係The Mills啦哈哈，新開新記竟然係荃灣仲要咁近點可以唔去，嚟親都一定係叫豬頸肉哈哈真係無法抵擋既好食呀🤪芝士總共係用左3隻加埋一齊架，分別有車打芝士、巴馬臣芝士和Mozzarella，食落夠哂香氣又濃郁呀，而且仲有隻煎蛋既蛋漿加埋一齊，真係不得了呀好好好食呀，一開始望落麵比較少，不過太多太多芝士啦，所以都超飽，份量度得岩岩好呀，豬頸肉又燒得好食夠哂入味👅💦💦💦💦💦

新記開到入去荃灣,佢哋嘅招牌就係芝士麵!夠哂麻甩😂佢哋嘅豬頸肉聽聞係用咗生燒方式整，所以食起上嚟會帶有焦香，有啲似叉燒咁🤟而肉質亦都算系嫩出前一丁麵煮得唔會過腍，所以都比較有咬口！而且麵嘅份量都算係幾多，食完之後都幾飽福😊😊到主角芝士醬，醬汁都幾多😊芝士味好濃，如果食得多嘅話都會有啲溜😂😂😂😂芝士鹹牛肉蛋包亦都淋上芝士醬汁🧀炒蛋都算係嫩，加上鹹牛肉，足料之餘亦夠哂味！😊😊😊

一直都好鐘意食芝士撈面，因為夠哂邪惡😈最近見到哩間出名既芝士面係荃灣開左，就決定試一試😋煎蛋豬頸肉芝士撈面 $53連熱飲哩個係佢地既招牌菜，因為只有套餐先有配豬頸肉，其實自選既芝士撈面都無，就一定要試試佢個豬頸肉😋一見到碗面就比佢芝士汁吸引🤭芝士中份量算多，撈起公仔面黎食可以每啖都食到芝士汁! 豬頸肉厚薄適中夠入味，唔似出面啲餐廳切得太厚，配埋太陽蛋既蛋黃一齊撈落啲面到非常配合🤩下次會再試下其他🧀🧀🧀

荃灣這間算是新開的室, 主打芝士麵, 如果喜歡食芝士既你就一定要試下. 冰室裝修簡約, 乾淨, 坐得舒服, 而且每款食物的價錢亦不貴. ($48) 🤤 ~ 可以選擇兩款配料, 再選擇配公仔麵或飯. 這次選了雞翼 + 魚手指配公仔麵. 芝士汁舖滿整個麵, 有好重好濃郁既芝士味, 唔會太淋又唔會太杰. D 餸配料都好味, 最喜愛魚手指, 熱辣辣脆卜卜. 雞翼都好食🤤 ❤店舖 : 💙地址 : 荃灣海壩街83~93號荃好景大厦地下D舖

尖沙咀果間 平時都有食開 。見荃灣開左又就腳咁去試下啦。一試就知 一樣嘅鋪名不一樣嘅味道. 芝士麵已經吾同味 . D配菜都平平冇其 .同尖沙咀比 差太遠啦。叫左知餐肉拼炸魚手指芝士麵. 點知個餐肉得半塊.

荃灣區出名食肆林立，今次就試下新開張既新記冰室，試下最出名既芝士麵先早係上星期六已經想試下，但無奈中午時段太多人等候，放棄左今日特登簡12:00前黎，唔洗同人迫，唔洗等叫左個芝士麵餐，雞扒太陽蛋芝士麵，凍檸茶一黎到見到芝士汁鋪滿整個麵，十分邪惡一食好驚喜，因為好重芝士味，唔似出面白汁味多過芝士味，而且質地唔hea，好杰身，有濃郁既芝士味。至於餸都好出色，雞扒係即炸，十分脆口，太陽蛋都係即煎，整個面都係熱辣辣 份量剛好， 對得起呢個價錢。最後餐飲方便， 凍檸茶太多冰了是次用餐不錯，環境舒適， 座位寬敞。

荃灣新開張，馬上來試芝士汁撈面❤️與尖沙咀店比較，這裡環境較舒適，而且餐牌也略有不同—這裡有紅豆冰，也有更好小食選擇。先講芝士麵，芝士味濃，雖然味道較尖沙咀店的稍遜，但依然好食。要留意室內氣溫偏低，所以要趁熱食，否則乾了，面條黏成團。另外，還點了紅豆冰，意外地大杯，跟餐只需加幾蚊（好像是九蚊），紅豆夠甜夠淋有咬口，真好～值得一試～

環境舒服 價錢抵 食物亦好好最好味係芝士面唔會好漏另外仲有唔同小食好似芝心丸同龍鬚好味又份量適中值得推介既餐廳👌🏻👍🏻👍🏻🎉🎉🎉🎉🎉🎉🎉🎉

一直都有係尖沙咀香檳地下食開芝士撈丁，知道因為就黎要清拆所以要搬店，最近新記冰室就揾左荃灣嚟落腳，新開既梗係要試試佢先🤝🤝🤝餐廳既裝修係走80年代既懷舊風，傳統木櫈同木製卡位，大門用左大玻璃，太陽直射入黎真係有啲熱，而我地咁岩就座正門口嗰章枱食物都多選擇既，我就嗌左「雞扒司華司腸芝士撈麵」同「瑞士汁雞脾」「雞扒司華力腸芝士撈麵」既雞扒炸得太咸，有點老，司華力腸就正常切片既，可惜芝士醬汁味唔係太濃，公仔麵既麵質一般🥺「瑞士汁雞脾」係即叫即做既，賣相好似幾出色，可惜完全唔夠入味，雞肉係一啲味都無既，有點失望😞飲品就嗌左凍熱奶茶各一杯，完全無茶味，茶底唔夠！整體食物係有啲失望，感覺尖沙咀果間好味啲

呢間野喺路德圍附近，個日行過，見到呢間新開，走入去試下，叫左個芝士撈麵，個芝士好好味，今次返踔，叫左隻雞脾好大隻，好滑😋，另外叫左乾撈麵，個汁係醬油汁，味道都唔錯，服務態度好，問佢食咩好，都好有耐性，結果出黎又唔差🥰講到環境，入面舖地磚，牆身卡位設計有以前港式茶餐廳嘅味道，但唔會好迫，主要係四人枱，有卡位，下次可以再黎☺️如果係芝士控嘅朋友可以試下，價錢合理，總括而言，性價比高，支持有心嘅小店🤟🏻