新華苑酒家

营业中

休息中

一家人的聚會，一盅兩件最好不過。邊嘆茶邊嘆點心，天倫之樂，樂在其中。率先上場的鳳爪雙剎：鮑汁鳳爪與豉汁鳳爪，鮑汁鮮甜、豉汁鹹香，皆很入味，鳳爪算飽滿，並非只是皮包骨，完全滿足我等鳳爪怪！此外，蒸點還有牛肉球、燒賣和棉花雞。牛肉球相當大粒，混入馬蹄與及香茜，肉感之中香爽。燒賣亦不差，豬肉很結實。而棉花雞的雞肉勁滑，魚肚吸盡汁液，極盡滋味！脆點有腐皮卷以及煎釀茄子。腐皮卷上枱時熱烘烘，炸得香脆，餡料豐盈，更利害的是竟然毫不膩口，沾些酸甜醬，被我們極速清碟！煎釀茄子的魚肉好厚，怎會難吃？席間談著笑著，不經不覺又享受了歡樂的一餐！屋邨茶樓，亦未必差！

上個星期同屋企人提早食中秋節🥮飯，而家做緊優惠，4-5個人可以揀$1 一隻雞/$38魚類非常之抵食！最出色就係：豆腐煲同甜酸菠蘿🍍排骨，夠曬開口岩曬要黎撈幾碗白飯一齊食！豆腐加埋肉粒夠曬味，一人一夠都唔夠喉🤣加埋瑤柱蛋白炒飯最尾聲岩岩好

今天星期天、一家大細去食飯，去左呢間酒樓飲茶，叫咗一個瀨粉，結果無瀨粉沒有通知的情況下直接轉了米粉，我們也沒有計較。未食飽想加單上菜餐牌上寫午市到四點，下晝3:30就截單不比加單，點心師傅已不蒸並已下場，我們講唔係想加點心，係想加一碗米粉，燒味部已沒有工作還告訴我們沒有米粉，做為一間酒家沒有食物是不應該的，而且旁邊已有街市可以購買，還跟客人說：「係無架啦，我唔會去買！」。再加上部長淨係話街坊個個都知3點半收工，所以咩都無係正常，需要我們理解，道德綁架顧客，態度禮貌十分惡劣，未夠4點，3點45已關燈趕客走，愈近4點就不停在顧客面前鬧同事，令顧客沒有食慾

啟業新華苑我第一次去食晚市，真係唔錯。雖然係屋村酒樓，但係好光猛整潔，侍應好有禮貌，服務周到👍🏻每枱都可以叫$38龍躉班，或者$1炸子雞。平時龍躉冇得外賣，咁就當然叫條龍躉啦。起初以為特價唔方大條，喂呀，嚟到真心OK，目測條魚超過一斤，魚肉好滑好新鮮👍🏻👍🏻另外，我哋叫左西蘭花炒鮮魷同肥牛粉絲煲。大大碟，兩個人根本食唔晒，我仲可以pack咗一盒，聽日帶返公司當lunch tim最後埋單包埋茶芥前菜大約$300 ，我覺得個價錢好ok👍🏻👍🏻👍🏻

銀芽肉絲煎麵（例）（$98）肉絲夠林配料另外仲有冬菇絲🍄都唔錯 但略嫌唔夠鑊氣 而且上枱只係微溫 份量亦唔多香煎🦐蝦米腸（中）正常發揮 如果可以再煎耐些少 就更香口😆 同埋都係唔夠熱 都只係微溫芫茜🌿鮮蝦🦐春卷（大）係今日叫既最好食點心 餡料唔會一咬就跌哂出尼 而且調味岩岩好 🌿同🦐既配搭好夾 同埋少見 可能唔係個個鍾意食芫茜😆鮑汁炆鳳爪（$58）味道唔錯👍🏻 雞腳炆到岩岩好 入味得尼唔會溶哂 但岩岩上枱已經凍冰冰❄️同職員講返有幫我地加熱返食完都覺得未飽就再叫個籠蟹籽燒賣皇（特）估唔到係最差既點心 唔夠油香 中間仲夾住塊豬肉 成個口感錯哂😣下午茶🫖2人總共$304 唔知係咪新春期間特別貴

今天親友来拜年順便吃晚饭，附近只得一間酒樓，须然初二已有一次非常难食的經歷，全部都是番熱餸菜，个價錢成3988一圍，跟本是欺骗！也願諒佢系新年时段。可惜今天初八只因一时贪方便，再一次中招。一碟龍虾E麵底，價錢588，莱牌寫明約4斤，但上台得斤半唔夠！这樣欺客行為一定要公告各路街坊不要上檔。

一雞死、一雞鳴，之前間味道態度冇兩道嘅樓上酒樓摺咗之後，好快就到呢間新店上場，仲要係地舖，方便埋坐輪椅人士。下午1點去等位，新嘢就梗係人山人海，喺門口等咗10分鐘就入得反而算快。雖然新開，但落單上菜冇甩碌，部長醒目，主動問實點心紙係咪前一後都有寫嘢。目測全場七十張4人枱左右。你話係咪好食到齒頰留香，我個人認為冇幾多間食肆稱得上。但呢間叫做冇一啲離譜嘅味道，譬如揚州窩麵幼麵底，幾足料，計有：豬膶、雞柳、蝦肉、菜芯、冬菇、豬頸肉，家庭式乜都有啲嘅味道。平平哋個廿八蚊鹹蛋叉燒飯，又俾到半肥瘦叉燒嚟。口水雞同第度啲味有啲出入，呢碟好重花椒，冇乜辣反而麻，痺痺哋又另一種食法，部位俾咗雞胸雞背雞翼。櫃枱埋單夠爽手，問及付款方式係「微信支付寶現金visa……」如數家珍。如廁請到商場就近。