新茗苑酒家 (已結業)

等咗超過半個鐘之後，話漏單點心冇入機，四眼男部長勁晦氣話：咁你食咩呀，而家再劃過啦！ 唔期望會道歉，但一句唔好意思都冇，畀錢佢賺仲要受氣.......食物方面，屬一般茶樓水平。

禮拜日放假難得開開心心同朋友一起來飲茶，嗌咗碟燒鵝，好似黑炭甘樣就算了，食下食下發現有條頭髮，嗌咗一位服務員阿姐過來睇，服務員阿姐指咗一位經理，嗌我哋自己搵經理。落來經理態度好好話幫我哋拎走入去廚房換，兩分鐘後有個著住廚房制服嘅工作人員拎咗呢碟黑燒鵝行出來好大聲問我哋，有咩問題？有咩問題？要換定係要點？我哋話麻煩換咗黑嘅燒鵝好冇？其實我想問廚房師傅，你係咪第一日返工？嘢食咩叫出得，咩叫唔出得你都唔知？摸住良心，甘黑嘅鵝卑你食你都唔食啦。換成你，你卑錢出去食飯出碟鵝黑過炭點食啊？？？然後廚房工作人員好唔服氣就行入去換，換完出來嘅燒鵝係三塊連埋一齊嘅？經理睇住我哋食都笑咗，話師傅斬得唔好。原來我發現你哋酒樓嘅師傅連埋刀都唔識用，笑咗😂。從頭到尾經理態度一直好好👍，嘢食就…..

好耐無食燒味飯突然想食 呢間好似開無耐就打算試下…一試中伏…首先個燒鴨到得層皮連肉都無 味都無咩 其次就係個飯… 硬到好似未煮熟咁點食呀個雞得2-3個肉仔 就普普通通有啲乾同啲色紅紅地咁……基本上食完啲皮+2啖肉就掉咗成位野30蚊既窮人恩物黎 不過我係為咗大家唔好中伏留comment 食過咁多燒味飯 未試過要專登上open rice比負評個飯30蚊都比多佢….要買燒味飯唔建議喺呢間 ！無試其他野 我諗點心先係呢間主打掛