新良友快餐店

餐廳室內裝修樸素，簡單鮮明雖然菜單唔大，但價格實惠，食物選擇多樣，從傳統小食到創意美食都有。今次我試咗佢哋嘅招牌干炒牛河，炒得火候剛好，牛肉滑嫩，搭配脆口嘅河粉，每一口都令人陶醉！🍜醬汁香濃，味道平衡，真係一流。…查看更多

這間小菜快餐店，即叫即煮，涼瓜肉片炒得好香口，好有鑊氣，餸與飯分開上，銀芽肉絲炒麵，銀芽肉絲好多，麵炸得好乾爽，咬落好脆口及好香口，好好食，菜心肉牛，菜好嫩，肉夠鲜味，大碟，值得讚!…查看更多

話說新工作在尖東，一於由呢度寫起。公司樓下呢間茶餐廳，絕對係糧尾最佳選擇，在職貧窮人士必選。首先佢每日都有40蚊外賣自取飯，有十幾個俾你揀，唔怕無野岩食。就算真係揀唔岩，佢餐牌其他飯麵都係50蚊左右包飲品，選擇真係好多。其次佢嘅份量絕對無因40蚊而偷工減料，每盒飯都裝到滿滿，味道方面要睇當日師傅重手定輕手，普遍味道個人覺得少少淡，但係喺尖東呢啲商業區，你仲想點呢？順帶一提，佢除左午市因人手不足唔送外賣，其餘時間都會送。佢個下午茶都好正，西多士絕非大x樂嗰啲單一塊包，係有西多士靈魂 - 花生醬！…查看更多

幫襯依間餐廳已有一段時間 這間餐廳可謂是尖沙咀入面的隱世小食店 餐廳地方不大 每次去都會坐滿人 本人最推薦的是公司三文治和炒公仔面 份量大且價錢便宜 味道絕不普通馬虎 今日經過尖東 自不然要上去幫襯下（黑椒牛柳條炒公仔面+凍0T)份量多 牛柳條亦不少 鑊氣夠 如女仔食可能要兩人share一碟 公仔面乾爽絕不油膩或痴埋一舊 黑椒不會太辣 反而令到個面更吊胃口（連本人不吃辣亦可以接受）食野味既野配凍0T就一流 餐廳絕不吝嗇檸檬 最少有5片咁有咁上下厚度的檸檬（依家出面既餐廳如有3片正常厚度既檸檬已偷笑)加上不濃不淡的茶味 簡直就係絕配 值得一食再食…查看更多

尖沙咀附近食lunch，不想吃連鎖快餐店，朋友帶路到商場入面的新良友❤︎非常傳統小店，lunch hour好旺，一直都有人在外面等位。菜式種類選擇都超級多，要了個朋友話好味的咖哩牛肉飯，落單時順便收埋錢，再極速上菜超級高效率，難怪這麼多上班族光顧咖哩牛肉飯加杯熱檸蜜，盛惠 $48。份量超級多之餘，料又足，食極都仲有，正常男人都未必食得哂，女仔更加無可能。咖哩辣辣地、薯仔牛肉片都煮得好香好入味，但如果是牛腩會更好…查看更多

最近轉新工並於尖東上班，便在附半島中心二樓處找到間新良友餐室吃午飯，並叫了椒絲腐乳通菜炒牛肉飯一人餐。成碟小牛肉通菜炒得很有鑊氣，通菜熱辣嫩滑汁味濃，牛肉質感亦爽口,加埋飯同食。…查看更多