影片
细个住大埔， 经常会去大元邨大排档𠮶度食粥同肠粉做早餐， 当佢由冬菇亭搬咗去街市顶楼之后啲质素就慢慢跌，早排返屋企食饭中发现佢已经执咗⋯⋯近年搬左去红磡，经过几年(其实太太都系呢头左十几年野)系红土黄食个6、7间粥，终于揾到一间系贴近细个果阵味道同质素既粥铺(唔系食一次就写，5月头行过入去食一次已经回味无穷，再回头咗三四次LOL)，白粥又绵又有米香，生滚粥一样咁绵，但唔似得外面咁有味精。肠粉未至于最滑，不过有中上水准，最重要既系佢个豉油系有加到少少猪油，成件事唔同晒，令人成日都心挂挂～其他食过既炒面就正正常常咁，炸两就差啲啲(条油炸鬼唔咁松)，我知道呢间头仲应该仲有其他好食既粥店，不过佢好食得黎又只系收街坊价，如果钟意食粥系附近不防过去试下
继续阅读
嚟呢头上堂，响呢度揾下嘢食，见到呢间粥店，旧式装修，应该好有历史吧？叫咗碗及弟粥，炸两，粥够绵，又够味，内有猪膶，猪肚，猪肠，肉丸，猪膶够滑，猪肚爽软，猪肠粉香，肉丸应该是现成货，如果肉丸用肉碎自己打就完美嘞！炸两的油炸鬼够脆，肠粉够爽滑，加麻酱，甜酱，麻芝好好味！我家附近只有一间连首饰粥面店，食到怀疑人生，去度呢啲旧区小店先可以食到真功夫，希望继续留传呀！我回家第一时间同我仔讲，而家仲可以食到呢啲味道，叫佢去开呢头要试下（因为试过买炸两俾佢，因为车程要成45分钟，返到屋企浸林左）
继续阅读
我好多时都会嚟呢度食粥，食炒米粉，食炒面 ，炸两同肠粉。 见到嘅周围都系街坊， 或者老人家， 每次都见到事头好关心佢哋， 有倾有讲， 舖头冇乜装修 ， 但系配衬 呢种人情味， 感觉上就系大家生活咗几十年香港🥰
继续阅读
Fair deal on price-value ratio. A good choice in the neighborhood if you want to eat something light and easy to stomach
继续阅读
要上兴趣班，好在放工后交通畅顺，早咗大半个钟头已经到达目的地上堂地点附近有一间旧式粥舖《新兴发粥店》，今晚天气转凉，食一碗热辣辣嘅生滚粥就啱哂！传统粥舖，粥品选择多，单拼、双拼，三拼都得；另外当然有油炸鬼、肠粉、炸両，炒粉面、糭，仲有糖水添今次拣咗”猪膶碎牛粥”，D粥上台时仲滚滚吓㗎！碗粥大大碗，落足料猪润同碎牛最重要嘅系确保佢哋熟透之余，又唔会太熟！少少嘅姜丝辟左猪润嘅腥味，猪润火候啱啱好又爽又滑，主要嘅调味来自碎牛，呢个组合非常Perfect，系我最爱嘅粥品之一！食完碗热辣辣嘅粥，医咗个肚，成个人暖笠笠，系时候去上堂喇～ 🤓📝
继续阅读