影片
系皇都附近行街打卡,之后行到好热求其揾间小店食,见到有间粥铺就入黎啦~以前黎过食一次饭,粥就无咩特别,类似D小店制作,味道平平胜在价位合理,但求饱肚系OK的外卖柜有好多唔同款,另外再叫左油条外卖,8蚊一条卖相对称几大条,但味道淡味,但油味唔重,咬落唔够薄脆反而系个种厚实质感各有各好啦,一条油条饱半日,真系穷人救星?阿姐D态度就麻麻,真心应该无下次不过佢又真系几多人帮衬,北角区可能少粥店选择吧~新兴发粥店北角电气道308号地下
继续阅读
我同朋友叫咗两个盅头蒸饭（梅菜蒸肉饼and 腊肠蒸鸡)，满心欢喜等左十分钟，终于有得食，结果系冻嘅，一啲都唔热。个餐牌写住即叫即蒸，但好明显系一早蒸好然后摆喺度，等有人叫再喺咁易整热佢(因为啲𩠌系熟嘅）。我地食左两啖就放弃，因为越谂越唔妥。个门面装修得再好都无用，垃圾食物。本来谂住下次去再叫煲仔饭食，不过一定唔会再嚟，点知佢会唔会又系晨早整好，然后求其加热。最嬲系餐牌写明「即叫即蒸」，我地就系因为呢四只字先行入去食。如果做唔到，就唔好咁写，欺骗消费者。
继续阅读
吃一个快速的午餐，到新兴发叫个猪红粥配斋肠$26。猪红粥，猪红很幼滑，切成一粒粒入口容易也不会太碎，粥底有味也滑正。肠粉，蒸得很软滑，自己加入各种酱料，计有麻酱、甜酱、再沈些芝麻吃，很滑口，若是能够热一些会更好吃。
继续阅读
到北角上堂，快速来个轻快晚餐，又唔想帮衬大XX例牌套餐，又贵，所以周围贡，见到这粥店门面企理，价钱尚可，就冲进去。因时间尚早，秋天晚上气温仲系热辣辣🔥，粥就留番下次试，只点了个肠粉+热豆浆。1)先讲食物:鱼片肠粉 -> 叫左之后先知担心，鱼片会否太熟会嚡?！ Mm...鱼片唔可以话just make滑溜，但未至于嚡拾拾，可接受，肠粉皮系软糯𠮶类，滑但易散，整体7分 (10分满)。豆浆-> 豆味不多，一杯甜饮吧了。2)员工工作气氛及服务:我经常注意这点; 个人觉得在好嘅工作氛围下吃饭，比较在靓靓装修中进餐，吃得更舒适。 眼见几个员工阿姐各自补位，动作又快，当我落完单 (我以为阿姐姐落左单)，继续八下菜牌有咩食时，另一个阿姐姐主动走来问我落单未，好彩佢一问，先知道之前个阿姐太忙未去打单，我试过低、中、高档餐厅，望住餐牌好耐，周围挥手示意点菜，侍应见到当见唔到，有啲员工晌度咬交😓，咁对比下，我识拣。 在场有新员工，个同事就好耐心咁教佢工作步骤，咁和谐气氛，真like架👍下次有机会，再试下粥、煲仔饭😋
继续阅读
依间原本环境几恶劣嘅粥舖竟然装修，焕然一新，见佢干净左就打算试吓🤔鱼腩 排骨 鸡 炒面（$50）炒面比想像中好😮炒得几干身唔系太油腻，啲𩠌方面份量都几足。牛肉 猪丸 牛丸 粟米 米粉（$47）收得咁嘅价钱份量系足嘅。好多粟米好似食极都食唔完🤣牛肉都算腍。鸡蛋 鸡 虾球 菠菜 米粉（$52）一碗咁嘅车仔面都几贵，但系米粉都多，料都足嘅。鸡都几滑👍🏻虾球有啲失望因为要加$5但系俾虾仁😓菠菜都好多😍好新鲜。凤爪排骨盅饭（$37）叫咗最后尾一盅，其他盅头饭都冇晒😓望落比较细碗，但系其实饭都几多，饭都白雪雪。排骨就有D比较肥冇乜肉，但系都几多旧。滑牛 公仔面（$29）普普通通一碗面，牛肉算腍，汤底唔会太咸👌🏻。因为得两个侍应，佢哋好忙碌，我个碗虾米粉就等左好耐先到😶。环境系相对干净左但系都系粥舖一间。虽然价钱比较贵，但系份量都唔少嘅。食物质素又唔算差，但系唔会特登嚟食。
继续阅读