新聯威餐廳 (已結業)

本身好钟意食茶餐厅嘅特餐，因为一嚟价钱相宜，而且份量大，有多士、炒蛋、肠仔、通粉唔同选择...喺铜锣湾呢度都揾到间地道啲嘅茶餐厅，虽然个沙嗲牛公仔面嘅味道 都算唔错，不过最好食嘅反而系佢嘅炒蛋，好重嘅蛋味，而且好香滑，值得一赞！…查看更多

仲记得好多年前，系尖沙咀返工，公司的外卖食堂就系新联威，因为佢地会send fax update menu、电话落单后一般都准时送到上黎。呢间茶记都真系帮衬了好多年后来转工又转工，有时行过山林道都会谂起佢今日去cwb做野，重遇新联威！我不肯定系咪同一集团的分店，但情意结就一于一试同同事order了两个tea set。芝士猪扒捞丁, 虽然芝士唔够浓但都好食, 猪扒煎得岩岩好,仲𠝹埋俾你, 好细心。见唔到有水吧, 咖啡应该系咖啡机整出黎既，够晒香滑。另外点了香芋菜脯肉崧饭, 由于同事食素要走肉崧, 芋头够多够香, 份量多, 加埋杯奶茶, 正！…查看更多

逛完SOGO，我哋就去咗新联威食饭。呢度出名系精选冠军扒，系大大块用铁板上嘅牛扒，真系大件又抵食。三个人之中，就有两个人叫咗食牛扒，另一个食双拼烧味饭。样样嘢都系五十几蚊有交易，加多七蚊仲有埋冻饮，喺呢区真系大件夹抵食。【烧腩油鸡饭】烧腩、油鸡多到要用震撼来形容。烧腩唔肥，又入味，层皮仲系脆卜卜。油鸡层皮有少少肥膏，虽然有点邪恶，但食落又好甘香，好难取舍。仲有就系，有好香嘅葱油，点鸡食至啱。两个牛扒系一个要了瑞士汁，另一个要了黑椒汁。用铁板上嘅特色就系，当啲汁淋落去块铁板时，会引起烟雾迷漫嘅情境。不过，要小心啲汁会弹上身。啲牛扒超大块，厚得嚟都几腍，而且牛味浓。以呢个价钱食到，OK 啦。…查看更多

Why is New Win a cha chan teng with  a difference? It serves sizzling  grill plate items after 6 PM. Yes, there may be other cha chan tengs that offer this but oddly this is the only thing people order here.  I am not joking. While waiting for our order, we saw every single dish that came from the kitchen was a sizzling plate.Menu is in English and Chinese.  There is no 10% as it's a cha chan teng. They have several to choose from. We chose the mixed grill ($56). This included a chicken wing, steak, ham, sausages and mixed vegetables. Boyfriend chose the black pepper sauce. And it arrived in sizzling style. Overall, it was ok. The steak at least didn't taste like it was soaked in baking soda. The chicken wing didn't have enough marinade. Cheap in price? I guess so but it didn't include a drink and had to be ordered separately. But I guess for the Causeway Bay area, it is fairly inexpensive in price. But for a better sizzling  grill plate cha chan teng experience, I would rather go to Rose Kitchen in Wanchai. Taste better and cheaper price. And includes a  drink, too. …查看更多

喺铜锣湾呢啲旺区，闲闲地食餐饭都要成$50先落到楼～更何况要锯扒呢?咁你就错喇！喺铜锣湾锯个扒分分钟平过你食碗车仔面架…渣甸街一间楼上舖茶记只要用$53 就可以锯到扒～食过几次，质素仲唔伏架！(当然，如果你食惯A5和牛就唔系咁讲啦…)有鸡扒、牛扒、杂扒、猪扒、龙脷5款拣，价钱都系$53 – 56。留意返呢个价钱系唔包野饮架，可以加多$9跟冻饮。呢度5款冠军扒除左龙脷之外Nuts全部都食过，次次嚟都keep到水准。今次就决定食个杂扒，咩都有啲啱晒贪心嘅人。热辣辣铁板上枱，「炸」一声淋上黑椒汁，忍唔住开餐先喇！$56嘅杂扒餐意料之外咁丰富，有牛扒、猪扒、火腿扒、鸡全翼、肠仔，仲有薯条同椰菜，够晒大份！扒类好稔，唔会硬实实咁，配埋浓稠嘅黑椒汁，虽然唔可以话系好好食，但味道都绝对对得住个价钱有突。薯条略嫌稔左啲，但吸收左黑椒汁个味好夹。唔够饱就可以+$10追加个意粉/白饭，意粉上枱时已经系凉左，建议摆落铁板热一热先食。餐厅唔收加一，扒+冻饮+意粉埋单都系$72，锯扒嚟讲都几抵食。有时平平地同男女朋友嚟锯返个扒，其实都几浪漫呀～唔一定要食贵野既!…查看更多