新皇牛海鮮火鍋

識打一定要一大班人一齊打邊爐😏，係等緊湯底黎既時候，食翻啲魚生頂住肚先，好鮮😍估唔到打邊爐都可以咁正有魚生食左先😂😂😂湯底終於黎，濃味的豬骨湯底！款式好多!多到叫唔哂，最令我難忘既係鮮炸響鈴！因為我對響鈴情有獨鍾，我想講呢次係我覺得最好食既響鈴！好脆又入味！其他的食物質素都好好，比起平時打邊爐好好多。最記得既係墨魚滑，好爽口彈牙。今餐真係食得好爽！…查看更多

Suggested was a steaming warm hotpot place where you can eat fresh, in a local way, with reasonable prices.It took us some time to find out the store among these small streets, (in the middle point among Jordan, Yau Ma Tei and Austin station) ; but luckily there are many direction single on our way there.We have devoured freshly caught sashimi, marbled beef, handmade cuttlefish balls and a good selection of seasonal seafood that we can cook in its signature pot of bubbling broth piled high with clams, pig stomach and pepper胡椒豬肚花蛤湯. The pig stomach was stuffed with rice which soaked up all the pork and pepper essence. We would recommend drinking the soup before hotpot starts!If you are searching for a lighter broth, soup base made from stewed beef is good enough.Mild flavour of beef and coriender. Hand cut beef and marbled beef was nice and fresh. The portortion of fat are perfect; hand cut beef would be a bit leaner than the marbled one though.Hand made fish ball and cuttle fish ball was a surprise, with tangy wasabi inside that lift up freshness  of cuttle fish to another level that you can get a taste of sweetness from this tiny cuttle fish ball.Feel free to ask for a recommendation of seafood from the staff as they have seasonal seafood and sashimi freshly kept at the huge fish tank right outside their restaurant; but be ware that price is also seasonal- you’d better confirm the price before any ordering.Worth noted is its freshly deep fried tofu skin roll 響玲( middle right) which you can eat that with salad dressing or get smothered into the soup based for only 5 sec which has soaked up all the goodness from the pot.Sashimi was another freat option at this seafood specialised restuarant; we opted for sea bass which has clear white meat(a sign of freshness!) and classic salmn and prawns too!Do not expect modern and fancy decor; it’s a typical local eatery with fluorescent light, big Chinese round tables and floor with white tile. 新皇牛海鮮火鍋 has put all his effort to please the patron’s stomach instead. If you have a bunch of people and need a bit more privacy, book a separated rooms there.Remember to book in advance, to secure a private room, or a perfect spot where u can watch TV! Keep warm guys!…查看更多

近排天氣又凍返，最啱就係打邊爐。聽講依間啲料同湯底唔錯，所以一於黎試下。開爐前仲有盤活魚刺生送，刺生晶瑩剔透，非常鮮味，一啲都唔腥，真係超正吖！我地叫咗胡椒豬肚湯底，一上就知足料。胡椒同酸菜嘅味道好香，仲有好多豬肚、蜆肉同枝竹。手切牛頸脊（$248）牛頸脊色澤紋路真係好靚，肥瘦十分均勻，肉質厚身又嫩滑，仲好有肉嘅鮮味，絕對唔係普通貨色。嚮鈴仲要係鮮炸，唔係現成買返黎，所以特別香脆。仲有我至愛嘅黑柏葉，比一般柏葉爽脆，而且冇漂製過，依家真係冇咩地方有黑柏葉食，所以一見到就即刻order！鮮打墨魚滑同魚滑都非常彈牙有𡁻口，仲叫咗好多野，整體所有食材都認真唔錯，絕對可以encore！…查看更多

我家人最愛打邊爐，在冬天最好就是打邊爐，姐姐知我愛食魚，知道佐敦有間食魚鍋都唔錯，一於和家人一起來一試。店員推介，在餐單是沒有的，健康魚家湯。在不放任何食物，先飲豆啖湯，魚鮮味十足，實在好飲。 健康魚家湯的菜、魚、粉絲和豆腐是另外上的，店員說等湯滾起，飲了湯才放入去。豆腐都幾滑口，菜吸了魚湯的鮮味更加清甜。魚是炸過的，所以都幾好味。 豉椒炒花甲 HKD88，姐姐愛吃海鮮，炒了碟花甲，不過來到見色澤那麼深，便有點意外。和想像中的一樣，真的有點略咸，不過花甲都幾大隻，有肉食。冬瓜 HKD28，魚湯之中的清甜，放入冬瓜片，可以一邊食冬瓜一邊食到魚湯的鮮甜味。 蝦滑 HKD78，每次和姐姐一起打邊爐，都愛吃手打菜式，蝦滑唔算好彈呀，蝦味也不算很濃，感覺只是一般。手打墨魚丸 HKD78，一碟有9粒，剛好每人一粒，和蝦滑一樣唔算好彈牙，墨魚味也是一般香。薯仔 HKD28，要吃飽飽便加薯仔，其實薯仔在湯中煮腍了好好味，仲要是魚湯的鮮味，好吃又飽肚。 豬頸肉 HKD48，粉嫩色的豬頸肉都好新鮮，煮了的豬頸肉還有點爽口，大大片都幾有口感，好味。 原來有幾間店的位置，地方都幾大，多人來食都可以。食物材料都幾新鮮，個湯底真係好正好好飲，價錢都沒想到唔貴，下次可以和一大班朋友再來食過。…查看更多

火鍋的湯底一般有雞、豬肚、麻辣。我地揀左魚湯，特別D。新鮮配料，變得米白色，充滿鮮魚湯的味道，有媽咪煲湯感覺手切雪花肥牛 （大）($268), 雪花分佈均勻, 不得了！滾三秒，食，牛味超濃又滑。可以獨吞一碟女仔最緊要點原隻花膠。原隻呀喂~~唔係花膠碎, 絕對真材實料。一食就知堅料，唔會溶晒喺個湯度打邊爐必食響鈴呢度特別在即炸, 第一次試分別係會脆口好多, 又唔會好快林左索晒D湯味, 正!!!另外仲食左幾款海鮮，真。鮮味！D蝦、蜆仲郁架！我地全部讚不絕口！高質素，價錢合理！仲有竹笙又係必試！索哂D魚湯，精華都比佢吸哂！向大家推薦！雖然位置少少唔近，不過地鐡站行去只係5-10分鐘。以佢質素，絕對值得一去再去！…查看更多

入冬天氣寒冷當然要食火鍋啦~~呢間新皇牛我想食咗好耐了, 今次就同朋友來食位置唔多算方便, 喺佐敦行都幾遠下, 大概行15分鐘吧!!食火鍋前當然食d刺身先海膽刺身非常新鮮, 鮮味好足, 入口即溶而且一點腥味也沒有, 加上爽脆的青瓜, 口感清爽還有三文魚及其他刺身都非常鮮甜, 而且沒有雪藏的味道, 肉質鮮嫩因為天氣冬的關係, 我地就叫咗個暖身的花雕醉雞鍋用料非常足, 中藥味道好濃, 但一點都不苦澀, 湯清味濃, 飲一口已經血氣運行全身, 是非常補身的一個湯品, 另一驚喜的是醉雞肉質非常嫩滑, 即使在鍋中過了很久, 肉質都仍然很嫩, 一點不柴食火鍋肥牛是少不了的, 手切雪花肥牛, 看到它的雪花分佈, 肥瘦適中只需要燙3秒, 肉質鮮嫩, 油脂剛好另外手切牛頸脊肉質比較實在, 雪花較少, 口感則較為有嚼勁, 牛味較重響鈴是即叫即炸, 香脆可口, 更可就咁食同樣可以花膠是原隻花膠, 唔似出面果啲全是花膠碎, 真材實料絕無花假食落口滿滿的膠質, 而且很厚實, 唔會燙到溶晒海中蝦也很大隻, 啖啖肉很彈牙另外還有很多火鍋配料選擇, 每樣食材都好新鮮美味…查看更多

天氣寒冷, 又是打邊爐的最佳時機. 早前就相約友人去了位於佐敦的新皇牛海鮮火鍋食飯.這裡有不少火鍋配料選擇, 真的令人眼花撩亂.而醬料的選擇不算太多款, 客人可以因應自己的口味而選擇.在眾多湯底當中, 想特別一點, 我地選擇了花雕醉雞鍋(半隻雞).上枱時, 已聞到好香的花雕酒, 再放入半隻雞.打邊爐前, 當然要先飲湯, 個湯相當濃郁, 又夠甜, 好啱我的口味. 愛飲湯的我, 一口氣飲了幾碗湯. 雞肉也要試下, 夠嫩滑, 唔會乾和硬.打邊爐, 當然要點牛.由於想試兩款牛, 我地點了招牌新鮮手切牛頸脊和極品手切雪花肥牛.招牌新鮮手切牛頸脊, 色澤紅潤, 較有咬口, 牛肉味濃郁.而極品手切雪花肥牛, 雪花分怖平均, 色澤偏向嫩紅.牛肉較牛頸脊腍身, 牛肉味也無咁濃. 不同客人可以因應自己口味而選擇那款牛, 我自己較愛牛肉味濃的牛頸脊.另外, 我地想滋陰一點, 所以點了花膠.花膠好大隻, 色澤又靚.入口時, 有微微的黏口感覺, 又點少少爽口, 雙重口感, 幾好味.我點了我愛食的響鈴.我自己鍾意食滾到腍身的響鈴, 因為能夠吸收晒湯和火鍋配料的精華. …查看更多

冬天的時候，有甚麼節目好得過三五知己圍着個爐一邊閒聊不邊“烚下烚下“呢？海膽刺身就好似舌頭般又厚又大塊地躺臥在冰面上！那彷如味蕾的清晰的每一個顆粒正是非常新鮮的証明！那甜如冬蜜的快感正是加拿大深海海膽的標誌吧？！肥美而肉厚的三文魚腩刺身總叫人百吃不厭的！日式刺身拼盤有齊三文魚，北寄貝，希靈魚，帶子和牡丹蝦刺身，唔食就走曬寶了！黃金豆腐是我很喜歡食的一個菜，一來我鍾意食豆腐，二來煮法新穎，椒鹽和咸和十足，外脆內軟的囗感，熱乎乎的嫩滑豆腐，每一part都令人回味！這花雕醉雞鍋完全是藥膳的香氣，有明目杞子、黨參、行氣活血花雕酒等淆製出來的濃度極高的湯底，真是聞到到有點醉了！再說，那雞肉真是滑到不行，而且吸收了湯汁，滋味自然更上一層啦！我們每人都狼吞虎嚥地老實不客氣地喝上了幾碗湯，才讓加水打邊爐(≧∇≦)招牌新鮮手切牛頸脊像一朵盛放的花朵展現在眼前，看到那掛在櫉窗內的肉條變成碟中鮮，每一片都厚度一致，也十分考師傅的刀功呢！牛頸脊的肉味較濃，油脂較少，食到細實而不會過老的質感，是現今一代較注重健康的一代所大愛。我就較偏愛肉質嫩滑的口感，極品手切雪花肥牛就啱晒我了！每當我見到那如網紋般的格仔雪花，心裡就不期然泛起一陣洶湧的波濤，那食的慾望瞬間如波濤般吞噬我的理智，有那種食之而後快的感覺！而當我一咬下去，那爆開的油花香氣 充斥著我的味蕾，那軟綿綿的質感和我舌尖相互糾纏着，滋味叫人難忘！花膠是真花膠，原個桶的形狀清晰可見，手掌般長，而且頗厚身。本身已經“發“好的花膠，不用煮太耐，否則會溶掉。食的時候帶黏湖湖的口感真讚！感覺到啲骨膠原吸收緊一樣！( ´▽` )ﾉ白鱔片散發着晶瑩剔透的白色光芒，好像在向我招手一樣，那鮮甜富彈性的肉質如健美的運動選手般吸引着我！田雞超新鮮爆新鮮！還會在抽筋就是証明喔！雖然朋友們都在尖叫大叫恐佈，從前和她們反應一樣的我食多了見多了也不會再怕了~~超新鮮搭勁鮮甜就是不變的定律吧？！而且我就會太愛那結實有力的大腿那充滿肌肉的張力的口感呢！手打墨魚丸果然夠彈牙，當中還潻加了墨魚粒使丸食起來更有口感。手打蝦丸亦加入了細細粒的蝦增加口感，混和着那蝦膠，見到那白裡透紅的一粒，令人有吞噬的衝動！看那即炸響鈴雖然是有點岩巉，可是如薯片般的香脆口感着實令人喜愛，不放湯沾酸甜醬食已經好正。另一條放湯輕灼，軟中帶脆又更好食呢！野生竹笙特別名貴，一碟8條平均10元一條，不過那爽口的程度又真是非一般平時食到那些可以比喻喎！而且吸收了藥膳湯底，將那味道以幾何級數放大出來，正，只能說是一分錢一分貨吧！打完邊邊記得來點竹蔗水就唔怕熱氣啦！…查看更多

一行四人組的為食團又周圍搵好野食，其實都係搵個藉口大家聚聚，今次搵到黎柯士甸附近，這幾天轉天氣，天寒地凍當然要搵個好地方打邊爐，朋友提議這間新皇牛海鮮火鍋，對於路痴的我覺得很方便，因為柯士甸地鐵站一出行幾分鐘就到。大家坐低好快就決定湯底要魚家海龍皇（$138），見到湯底材料都好豐富，打完邊爐我一定會飲啖湯，魚湯是很清甜之選。新張期內送活魚刺身，後面放個條魚上時還會動，果然好新鮮。薄薄刺身，呈半透明，鮮味爽口，重魚鮮味但一點也不腥，免費的又好質素，魚頭和魚身還可切件作湯底。招牌新鮮手切牛頸脊（$248），顏色很鮮，明顯靚雪花紋，脂肪比例很平均，厚薄一致，一滾即食，嫩滑不韌口。花膠（$128）其實第一次打邊爐落花膠，今次就豪一次啦，滾幾滾便可吃，時間不用太耐，口感爽中帶滑，比想像中好味，感覺很補，連湯底很變得香濃。野生竹笙（$88）竹笙吸收了魚湯精華，口感很爽。即炸響鈴（$58）真的是即炸新鮮滾熱辣，皮薄香脆，不油膩，一滾即吃，美味可口。墨魚滑拼蝦滑（$88）分量不少，墨魚和蝦肉新鮮又彈牙，鮮味十足絕無腥味。海鮮方面，我們點了海中蝦（$128）、桂花蚌（$88）和花甲（$88），新鮮不再話下，上時還會動，海鮮大隻，隻隻鮮甜，邊吃邊重覆說好fresh 好鮮好好味，誠意推薦！…查看更多

開始天氣涼了，又是適合大夥人一起聚會打邊爐談笑風生的日子。這次，我們一行十人來到了位於佐敦這條美食街的火鍋店。因為是星期五的晚上，火鍋店也很多人，幸好有訂位，即可入座。環境：普遍火鍋店面，裝修算整潔。食物：整體味道不錯，值得一試！我們叫了兩個鍋，一個是胡椒豬肚花甲湯底，另一個是招牌清湯腩，胡椒豬肚花甲湯底蠻入味，而且愛吃腐竹的我差不多把整鍋的腐竹也給吃掉 超暖身推介：千絲蝦丸（小食）入口啖啖蝦肉勁彈牙，而且很香口，脆脆地很開胃牛頸脊竟然有牛頸脊！好少火鍋店有！好爽口，好嫩響鈴本人型愛的火鍋食品之一！食落發現同平時食開嘅好唔同，呢個比較脆同大份，細問之下原來響鈴係間店自己整！食到我啊停口！極推介脆鯇腩無腥味好新鮮，而且好爽口！日式刺身拼盤估唔到火鍋店嘅日式刺身竟然都好正，刺身新鮮，牡丹蝦亦好彈牙。…查看更多

天氣越來越冷，又是吃火鍋的季節了，這天被網上的照片吸引到，下班就相約幾個好友去佐敦打邊邊。醬料$15/1位，沙茶醬、蔥蒜都是我的必備醬料!開始火鍋前先吃一點前菜，先有黃金豆腐，豆腐外皮炸得香脆， 有淡淡椒鹽味道，雙重口感好香口惹味! 朋友最愛的海膽刺身，好大件，鮮甜到不得了!! 日式刺身拼盤，我吃了帶子及三文魚刺身，刺身切得夠厚身但又不會讓你覺得難入口，在口中咀嚼吃得到新鮮的口感，不錯!湯底是花雕醉雞鍋(半隻雞)，湯頭非常濃郁，有濃濃花雕酒香味，附送半隻鮮雞水滾才放進鍋內，雞肉嫩滑不鞋。餐廳有多款肥牛選擇，我們挑選了極品手切雪花肥牛(大)。牛肉的雪花好漂亮，輕輕涮幾下就能吃，牛味超濃郁，入口咀嚼的軟嫩口感讓人很滿意。炸響鈴， 廚師新鮮即炸，上枱時熱辣辣又香脆。可單吃也可放入鍋內吸收湯底後才吃，各有滋味! 午餐肉，應該是火腿午餐肉，咬下去有一絲絲肉的感覺，好惹味!!手打墨魚丸及手打蝦丸 ，兩款肉丸都好新鮮，咬開後會冒出蝦肉的味道，入口好彈牙。另外野生竹笙也是必食推介，整個吸滿湯汁後入口非常綿鬆。餐廳送的海中蝦，細細隻但肉質好鮮甜。四個女生當然要點花膠， 夠滋補養顏。飲品我選了竹蔗水，應該是餐廳自家制的，不太甜，清熱又下火。…查看更多

天氣開始涼涼地，又係時候約下朋友打邊爐啦！任食嘅火鍋實在太膩啦！所以要揀一間有質素嘅食下。有次經過佐敦，見到呢間新開，睇落覺得可以一試，於是約朋友試下。哈哈，工作咁辛苦...識食一定叫埋海鮮烚下烚下啦！期待已久嘅邊爐，開動！平時湯底會叫鴛鴦湯底...但經店員推介，最後揀左魚湯，都幾特別，好少地方可以用魚湯做湯底！湯底都幾足料，魚塊有先炸過，亦有好多菜中和番，冇咁油，感覺都健康！湯底做得幾好，冇魚腥味，好易入口好清！飲完都唔口渴，應該冇乜味精！四個人，我地叫咗碟招牌新鮮手切牛頸脊$248（細）！呢碟牛真係要講下！真係好好食，牛嘅脂肪分佈好平均，賣相已經好吸引！滾一陣就即刻攞上嚟食，擺落口好軟，有即溶嘅感覺！一啲都唔韌，牛味濃，可以試下唔點豉油，真心正！哈，因為食豪佢，所以點咗幾款海鮮。分別點左桂花蚌$88、紅肉花甲$88同串海蝦$128！呢d價錢真係唔算貴！花甲好大隻，份量算多，真係幾抵食！海鮮好配合魚湯，令花甲、海蝦同桂花蚌嘅鮮味更加突出！花甲同海蝦拎出嚟嘅時候都仲係識得郁嘅，好新鮮呀！女仔識食一定食花膠$128，哈哈，可以養顏！花膠煲魚湯系真係好補架，女仔岩哂！亦都估唔到花膠都算大隻，真係唔hea!! 可以一試！為左對自己好d仲叫左野生竹笙$88，竹笙沾滿魚湯，清清地又幾好食喎，一邊食一邊啜湯，啜唒d精華！打邊爐又點少得叫響鈴呢！即炸響鈴夠脆！平時點雞煲汁食可能會有點肥膩，但今次食魚湯，又唔覺得油膩，哈，會唔覺唔覺食多幾條！有d食物可以揀雙拼！所以我地揀左墨魚滑拼蝦滑$88 墨魚滑拼蝦滑都夠彈牙！最驚喜係店員冇啦啦送咗盤刺身，哈～話新張期內送，好lucky! 一路食魚生，條魚得閒又跳下，都實在太新鮮嘛！條魚仲可以淆埋湯，令魚湯更有魚味，不錯！整體來講真係唔錯，價錢都合理，食物質素亦都好新鮮！打邊爐新選擇！…查看更多

新皇牛海鮮火鍋 @ 佐敦港式火鍋 (7/10)終於到打邊爐既季節😍！大家都見到咁多款啦，我地８人叫左勁多野食！menu刺身非常新鮮，對於麻麻地刺身既foodki黎講，呢到既刺身同出面刺身店絕對比得上我地叫左兩款湯底😘- 清湯腩煲 同埋胡椒豬肚花蛤鍋，#清湯腩 故名思義，係比較清既湯底😘，就咁飲好清甜，拎黎烚下烚下食食材本身既鮮味，好彩呢到既食材都非常新鮮，好正，foodki特別鍾意食佢地鍋入面既#腩肉 ，真係比得上出面清湯腩店既腩。而胡椒豬肚花蛤鍋就好香胡椒味，可以話係一個相對濃味既湯底呢～我地都食左好多野，有幾樣野係特別推薦，大家不妨參考下。手切牛頸脊 （大）($298)牛頸脊可以話係牛最靚最珍貴既部位，呢到既牛頸脊好靚，脂肪分佈平均，入口會比較韌，係比較有口感既部位。手切雪花肥牛 （大）($268)，肥牛只可以用超新鮮超嫩黎形容，脂肪比例好均勻，同任食既質素真係完全贏曬，牛肉味好濃！炸蝦丸($78)蝦丸 入面好多蝦肉蝦膠，外脆內軟，炸得岩岩好，實在好味。 ($238)呢到既牛真係特別出色，牛肉粒煮完，將火鍋既精華滲曬入去，保留牛肉既韌性，好味道。呢到既火鍋料真係非常新鮮，比起出面唔少火鍋都較優勝，大家去佐敦不妨試下～…查看更多

見天氣開始涼番D, 約埋一班朋友仔去打邊爐一路行出MTR 見到好多呢間GE 易拉架會送活魚刺身, 所以就決定左去呢間距離MTR都幾遠下, 其實差唔多去到柯士甸站不過一班人行下行下又唔覺GE, 都OK一去到就食左個活魚刺身, 細細條ge 鯛魚好爽好彈牙, 唔會係好腥個D食得出幾新鮮的~之後再食左個刺身拼盆+牡丹蝦都有唔同類形的刺身最好味絕對係牡丹蝦, 爽甜大隻蝦亦都好甜~另外帶子同赤貝都不錯叫到一枱都係野, 野食都好快上, 同埋差唔多一次過黎晒, 影出黎好爽我好鍾意飲楜椒豬肚湯, 有呢個湯底打邊爐真係一定揀入邊都有好多大大隻ge 花蛤不過可惜有D 熟過頭, 係晒底食唔到 牛肉其實我地揀左牛脊肉, 雪花肥牛同肥牛粒覺得三隻都好好味~打邊爐最緊要D牛肉夠牛味呢三隻牛味都好出, 而且我地整得岩岩好肉質好好, 入口唔會好硬, 好幸福的感覺而且佢地D牛一睇就知新鮮, 出黎仲係好鮮紅色唔會有D瘀瘀黑黑的色~響鈴基本上係打邊爐必食的呢度的響鈴係即炸的, 黎到仲好熱即炸的響鈴同平時食的真係好大分別會脆口好多, 夾上手就已經聽到清脆的聲音放落鍋唔會好易就溶左咁會可以索晒D湯味, 又唔會有油溢味誠意的~墨魚滑都好好味, 手打的墨魚滑墨魚味好出亦都好彈牙最後呢個我真係覺得要必食佢唔貴, 而且好好味脆脘腩~~~~~望茖好似無乜野放落個鍋到之後佢會變得好挺身口感好爽, 魚味好足我真係好surprise, 因為有時係打邊爐食個D同普通魚真係無分別呢個真係一拎上黎就知佢係咩勁!!!!其實仲有好多好野食, 都無全部寫晒呢到如果人多, 佢會有間房比你地, 如果一班朋友又怕其他人嘈或自己嘈親人地, 呢到D房真係好岩~靚姐有時間仲會入黎幫手隔油, 真係無乜邊間打邊爐會幫你做埋服務真係唔錯的!!…查看更多

今晚星期五在佐敦開完會，辛勞了整整一個星期，同事們都想好好慰勞一下自己。一群人最後決定去打邊爐，近近地就去了附近的新皇牛試試！這個活魚刺身是送的，魚切得很薄身，肉質通透，味道亦很鮮味！八位同事剛好送兩條。火鍋的湯底我們選了魚湯，水滾後放入配料，清澈的水吸收了配料的精華，變得米色，啖啖都充滿鮮魚湯的味道，齋飲魚湯都非常甜美！火鍋的配料，我們都選了一些普遍的試試。鮮蝦水餃，每粒都非常巨大，咬下去真是有蝦的！用料十足，吃得出是自家制的。肥牛，一大碟份量十足，肥牛的雪花花紋漂亮得令女同事都忍不住爭相拍照一下。放下湯裡，滾兩下剛好，鮮紅色的肉變成深紅色，肉質非常鮮嫩。這家的炸魚皮真是非常有特色，非常香脆，有點不捨得放下湯裡。但放下湯裡，兩秒後取回，又有另一番風味！蝦滑份量很多，而且非常新鮮，蝦肉爽口，味道鮮甜。嚮鈴一卷卷，份量頗多，放下湯裡，數秒拎上後，仍然爽脆，不錯！手打墨魚丸，每粒都份量均勻，打得不錯，不會容易散開，而且充滿墨魚味！薯仔，本人酷愛薯仔，打邊爐必定會點的，非常爽口。薯仔雖然很普通，但吸收了魚湯的精華，非常美味！…查看更多