影片
港铁黄埔站 A 出口, 步行约3分钟
继续阅读
营业时间
星期一至日
07:00 - 23:15
公众假期
07:00 - 23:15
公众假期前夕
07:00 - 23:15
以上资料只供参考，请与餐厅确认详情
茶记黎讲，环境叫几好既，野食都叫ok。但缺点太大：侍应态度普遍都差，试过有个女侍应因为我转枱而系道闹，个收银就奉旨冇反应，冇多谢，块面黑到好似你杀左佢全家咁。我黎系帮衬，唔系问你攞钱。上次仲要比我见到有米奇出没。无下次，红磡又唔系无第二间。
继续阅读
食物质素冇问题，人手亦够，只系啲阿姐都有唔望客嘅传统，只有一个半个比较热心，想落单真系要等等，赶时间时真系要考虑一下，希望店主可以望到我意见，培训一下，我就会想多啲帮衬，因为食物都唔错。
继续阅读
Lunch间唔中都会帮衬贵店，更称赞贵店焗猪扒饭好味，可惜每次听电话个呀姐极度唔耐烦，想问有咩餐、更是闹客人，天天如是，唔通我日日讲比你听有咩食，如果唔想听电话接外卖建议贵店唔好用公司电话、或者update下个系统放上网比大家知有咩餐，听电话个呀姐完全极度有问题，想请问是否老板娘？如果是，我绝不会再帮衬！叫个外卖要受气，不知所谓，如果系咁忙麻烦检讨下人手问题，唔系揾客人出气，唔想做唔好做啦，凭咩闹人？
继续阅读
今日嚟呢度叫咗个招牌炸鸡髀配薯条下午茶好少会叫呢啲野食，因为见到系炸既，又惊啲肉厚，未必好整得好食但因为想食薯条，见其他餐好似无得配（热狗餐有得配，但唔想食热狗）所以就左呢个餐试试薯条固然之好味，好有儿时放学买薯条食嘅感觉依个炸鸡髀都好好食因为够juicy，唔干，啲肉又滑，块皮仲炸得好香好脆我自己会再encore 我觉得新澳比其他茶餐厅收费更合理做餐厅最重要系食物嘅味道佢亦都做得好到位所以经常经过都会见到入面坐满人系正常的希望佢愈做愈大，继续为大众带黎好味地道既野食啦～
继续阅读
今晚帮衬左呢间茶餐厅嘅煲仔菜晚餐，叫咗粉丝虾米杂菜煲同埋劲香姜葱鱼柳煲，都系$79 ，包白饭一碗同埋餐饮，不过不失啦。佢个粉丝虾米杂菜煲都几大煲，个样就Hea啲，不过胜在味道唔会太咸。至于佢个劲香姜葱鱼柳煲个名就认真夸张，佢唔讲都唔觉，讲咗就觉得佢一啲都唔香，可能落多啲姜葱芫荽蒜仔就做到劲香嘅状态啦。鱼柳就系平时𠮶啲炸鱼柳啰，不过个肉质OK嘅，唔系林pat pat𠮶只，所以呢个煲封返个汁之后都Ok啦。
继续阅读