新潮餐廳小廚

营业中

休息中

呢間「新潮餐廳小廚」真係有細個香港茶餐廳嗰種人情味，一坐低姐姐會問「呀妹，今日食咩呀？」，繼續人手落單，唔係QR code，好有親切感☺️食嘅都係簡單傳統嘅早餐set。沙嗲牛肉麵味道做到足，份量啱啱好，味道唔會太淡，幾好食！雞蛋煎到少少燶邊好味，配埋一杯熱奶茶，好滿足🥰🥰🥰 老闆同姐姐侍應都好親切，成個感覺好有以前街坊小店嘅味道，值得再嚟！

阿仔補完習，就去咗呢間新潮餐廳小廚食下午茶，呢間茶餐廳一出地鐵站就見到，所以就貪方便揀咗呢間醫肚。叫咗個特餐，餐肉通粉，牛油方包配火腿奄列，同埋西多士。個特餐嘅奄列唔係全部黃色蛋漿，味道都ok，餐肉通粉嘅湯底都濃，質素屬一般正常水平。西多士表面金黃，裏面好多花生醬，鋪上面嘅牛油亦都好大舊，都拎走咗一啲先食，加埋蜜糖係好食嘅。凍飲方面，略嫌太多冰，如果少啲冰就更加好。

今日返老家，懶得煮，就在附近搵食。這個鋪位40年前是一間粥店，今時今日已轉手多次，現在晚市以小菜小炒為主。門口菜牌見到有椒鹽鮮魷，於是我就被吸引了入去。我們點了三個餸黃金鮮魷豆腐斑腩煲通菜炒牛肉小炒做得不錯，火喉夠。#香港 #美食 #小店 #土瓜灣

賣相和味道都很差牛肉很硬 而且整個飯是溫的雞蛋完全生的 吃完也怕肚子痛所以吃了幾口就不吃了 而且價錢也不是很抵食賣相太差完全沒有食慾向店員反映也是一笑置之完全很差的體驗不會再吃

星期日喺附近上堂，一出地鐵站就見到呢間餐廳，就喺度食個餐醫肚先😛外表睇落間舖好普通冇乜裝修，但入邊人潮滿滿，一點零午飯時段都幾多人堂食我嗌咗個沙嗲牛肉特餐，有牛油方包，火腿奄列，凍飲（+2）沙嗲牛比岀邊嘅係偏甜少少，肉質都幾淋身！但我個人會鍾意再濃沙嗲味多啲，但整體都唔差！中意食辣嘅朋友可以加啲辣椒油，會再好食啲🤭塊方包係我中意嘅白方包，不過我冇叫烘底(+1)。最驚喜係個奄列有雞蛋粒👍🏻好豐富！！

一出土瓜灣站(B出口)就見到呢間餐廳，同一班好肚餓嘅朋友二話不說就入咗去醫肚😋一坐低即刻嗌咗個特餐-沙嗲牛麵配埋奄列同牛油多士👍🏻個奄列好特別!!係火腿加雞絲🤩🤩幾好食! 個沙嗲牛都唔錯，牛夠淋，個沙嗲汁係偏甜😋食完成個餐好夠飽~~想快又飽嘅可一試!

星期日放假，中午只係想簡簡單單食個下午茶餐，於是同女友小熊落去新潮.好想食沙嗲牛肉，理所當然叫咗沙嗲牛肉麵，火腿奄列.先試試沙嗲牛肉，一入口，味道係酸嘅？再細心分析，先試試個沙嗲汁，無問題喎，相信只係牛肉變酸.為咗証明係咪我問題，於是再俾俾女友小熊試試，結果評價都係一樣.慶幸餐廳願意轉為餐肉麵.女侍應講咗句，未收過有客投訴，無投訴就等於無問題？唔講哩句。都唔會俾劣評.

呢間餐廳其貌不揚，但其實都好多嘢食，聽到廚房有鑊氣聲。叫左份水煮牛肉，份量足夠，配菜有芽菜、豆腐卜、杏鮑菇、木耳等，都算健康，麻辣味道適中。配飯和湯，整體低食。

從大埔跨區到土瓜灣辦事，肚餓又唔知食乜嘢好，求其走咗入一間小廚吃飯，感覺環境一般般，抱住餵飽自己就算的心態點了兩個餸，就點了一個乾炒牛河及一個薑蔥魚腩煲。過咗七、八分鐘左右，突然聞到好香的味道，想擰轉頭看一看是什麼回事，就已經見到侍應把乾炒牛河放在我面前，聞了一聞感覺真的很特別，吃到好濃郁的鑊氣味道，再過多一陣，聽到治治聲的薑蔥魚腩煲隨即上枱，薑蔥味很濃，薑蔥味很霸氣，其實這個份量已經太多，不過我還是能夠把它吃完，沒想到區區一間小廚，煮得如此的好味，抵讚！如果下次再過來土瓜灣，會有下次！