影片
以上资料只供参考，请与餐厅确认详情
招牌菜
入味卤味店～平时系元朗卤味净系会食肥平平，不过今日晏左肥平平已经关门了～ 系附近转两个圈睇睇有咩食先～？呢间新潮丰潮汕卤味专门店其实都系元朗开左好耐，仲有得卖就等我试下先！老板都几热情招呼你入去，不过临收工已经无太多野卖，今次净系买左鹅翼，等左十分钟左右啦，啲翼唔算好大只，好入味既，觉得有点咸左，好在今日系送啤酒啫～个人都系钟意肥平平，重口味既朋友可以试下呢间～🏠店名：新潮丰潮汕卤味专门店🚘地址：元朗阜财街宏丰大厦18号#元朗 #元朗美食
继续阅读
去咗元朗其中一间出名嘅打冷朝圣 呢间已经有多年历史 一去到出面已经坐满哂人好热闹 之后好快有位坐 menu款式多 结果点咗5碟𩠌 全部份量大 性价比高 招牌马拉通菜同西兰花炒鱿鱼🦑🥦炒得好入味 唔会太老驰名西柠鸡冇面咁多汁 味道恰好唔会太甜 酸酸甜甜好开胃 不得不提系蚝仔粥 鲜香味浓 蚝仔份量多 碗粥多到好似汤饭咁 起抵食🥣最后仲点咗碟卤水拼盘 卤肉入味够突出 肉质软腍 价钱抵 4人食都够哂饱 质素唔错 打冷啱哂一班人gathering嘅好地方
继续阅读
人生第一次打冷以前以为得冷盘食今次先知原来系大排档咁呢间就好地道露天系大街食酥炸蚝仔饼只系＄90但系份量超大好难得炸皮非常薄下面全部都系流汁嘅蚝仔非常重料炒蚬镬气好够只只蚬仔包满豉汁嘅味道蚝仔潮州粥一样系份量超大最后三个人都食唔晒潮州粥好就好在质感好似汤饭咁唔会痴粒粒嘅囗感韭菜猪红40 几蚊但系𢦓碗都塞爆晒猪红一啲都唔腥每一啖口感都好饱满偶尔食一次宵夜邪恶但系好满足
继续阅读
好良心嘅店舖，俾饭真系唔手软，身为一个算大胃嘅女仔，真心食一半就食唔落，好大份今次食咗个卤水四宝饭加咗一只鹅翼，色香味俱全，个例汤都好甜，好清，应该冇落味精真心好食，推荐推荐！
继续阅读
离开元朗五年多无时无刻都挂住新潮丰嘅卤味饭选择多，最基本嘅卤鹅去到猪头皮应有尽有！可惜是一个人一把口食得几多呢？都唔紧要叫个四宝饭就可以食多几款啦！餐牌：其实任你拼，可以去窗口睇下中意食乜就点啦！例汤：每日唔同款，今日系木瓜猪骨要求不能太高四宝饭：印像中隔段日子就会唔同今次系腩肉，鹅件，豆腐，仲有只卤蛋腩肉半服瘦，唔会煮得好淋，仲有少少爽口，系我中意嘅口感(有D卤水店会卤到太淋，影响口感)卤水鹅：不用多讲，潮州冷灵魂，最怕食到过咸的卤鹅但新潮丰唔会，鹅油甘香，回味无穷呀！豆腐：豆香味都几重，内面都保持滑喐喐，好正！卤蛋：本人不好蛋类，所以走蛋了！入元朗必会再去的
继续阅读