影片
以上资料只供参考，请与餐厅确认详情
今日去左油塘呢间餐厅买下午茶外卖。下午茶餐有好多选择，特别系拼薯条或沙律餐，选择好多，例如香茅鸡翼🐔、猪扒🐷、鸡脾🍗、🐔我见顾客食嘅鸡翼色泽好靓，就心郁郁想试下😆鸡翼炸到金黄色，脆卜卜，仲有肉汁嘅，唔系干’争争‘，香茅味好香😍😍。唯一美中不足就系咸咗少少啰。薯条🍿都系金黄色，脆卜卜有口感。杯热O茶☕️都啱我口味。呢间舖头细细地，职员唔多，我等咗差唔多20分钟。楼面职员好有礼貌，不停讲唔好意思。呢间舖装修麻麻地，里面较局促，原先对呢间餐厅期望唔系太高，但系整体感觉唔错㖞，食物都算有水准，所以我哋唔好以貌取人呀😁
继续阅读
放假唔想出得太远，谂住求其落楼下揾下野食。今日大x营劲多人，咁就行过去嘉x商埸附近食。见到间新装修既茶餐厅，有下午茶食。地方细细，有几张卡位。餐牌选择都多，价钱唔算太贵。猪扒米腿米线，猪扒几好食。份量就比较少。鸡扒鸡蛋米线，鸡扒细块，米线都比较少。由于唔够饱，我地再叫多份西多士。可能要炸，等左15分钟。花生酱超浓，唔㶶，好味。整体其实唔错，可能系因为下午茶，所以份量比较少。个人好欣赏楼面姨姨，间餐厅其实都好多人食，全程只有佢一个人落单出餐又要收钱，大家都好体谅，尽量都唔想麻烦个姨姨，执野都自己搞掂。👍
继续阅读