影片
以上资料只供参考，请与餐厅确认详情
招牌菜
相关文章
今日收工又冇约人食饭，所以就打算试一间未试过既素食餐厅。湾仔其实都有几间选择，而我今次拣咗一间印度餐厅叫「新派素食」。其实我系比佢个名吸引咗。我本身都几喜欢印度菜，始终好多素食选择，再加上「新派」🤔可以有几新呢？所以决定去咗呢间。环境⭐️⭐️⭐️⭐️地点位于湾仔正中心，修顿球场附近。其实好方便，而餐厅环境舒适，地方干净而餐厅面积几大。所以其实可以坐得几舒服。价格⭐️⭐️其实食物唔算好贵。但比两粒星主要系我觉得性价比低。虽然我order超过一人份量，但越对唔系一条友$321。我冇刻意睇价钱去点，但一个咖喱，一个黄饭，一个Naan, 一份咖喱角=$321(我觉得唔值)。由其系个黄饭竟然收$68。而其他印度餐厅收$20-30。个菠菜芝士咖喱仲离谱，$82 (出面通常$60)。个价钱比起平均贵20-30%。睇完张单，心直头尖叫咗一声🙄👎🏼食物⭐️⭐️印度咖喱入面我食得最多就系菠菜芝士咖喱。呢一间嘅菠菜芝士咖喱𠮶只绿色直头觉得系人造色素咁。我食咗十几年都从来未见过咁鲜色。只色鲜到似Spray Paint喷出嚟咁😅，但重点淡而无味。连送饭，点Naan都唔够味去承托。黄饭又唔够香，同埋唔知佢放菠萝入去做乜。个咖喱角仲伏。🙄，咬入去只感受到一Pat冇味既豆蓉。成餐饭我都好疑惑咁谂，其实我食咗乜?竟然食一餐饭可以令我怀疑人生👍🏻Overall本人对呢间餐厅表示极度遗憾，完全唔明点解佢改个名叫做新派。其实就系一间普通嘅印度餐厅，完全feel唔到佢新喺边。如果将来有任何朋友想约我去呢间餐厅，我会同佢割袍断义🤫
继续阅读
成日话印度菜特别多素食而且味道仲要唔错添今日黎到呢间湾仔近金钟既素食店发觉店员好识sell野叫完主菜问你要唔要配饭之黎又问你要唔要饮品够晒主动!!!个番茄汤超级咸唔知点解可以咁咸不过最后我都饮晒呢个素菜卷好干身就咁食几乎无咩味不过如果配本身每枱都有既酱汁就唔同讲法建议落右面酸酸甜甜果种加埋柠檬汁就好食好多小心最左手面只酱好辣架!!!我最初睇个名以为系芝士火锅点知原来系类饮咖哩酱配印度芝士粒酱汁非常浓郁芝士口感特别而且果种香味好正唔会膻非常浓滑但系又无西式芝士果种臭味值得推介乳酪比较酸少少唔能够空口食可以淋落nan bread度食一冻一热有啲啲味觉上既冲突块nan bread好味较坊间所卖既薄就咁用手食都唔会沾到油脂而且就咁食同点乳酪甚至乎点芝士锅酱汁都唔错炒饭味道其实几似中式唯独系米粒质地唔同比较细长同硬身最钟意既就系腰果奶昔用腰果黎整都系第一次听好似唔系间间印度店都会有得卖佢果种味道好特别加埋奶之后唔似坚果类会有既味道虽然唔系好识形容但信我效果系令你喜出望外的!!!
继续阅读
印度友人约请自助素午餐，选了湾仔印度新泒素食餐厅。自助餐包一杯饮品，我们都要了青柠梳打水。青柠不酸，不用加糖都可口。前菜有新鲜青瓜、蕃茄、洋葱、西生菜等。当然还有各款餐前小食如印度脆饼Padadam，很脆口并有些黑胡椒带适中咸味，开胃好吃。吃Papadam 也可以加上蕃笳香菜吃。另外有印度炸圈Medu Wada，外脆内软, 点些绿色菜酱吃，味道不错。煎米糕 Fried Idli, 质感软身。亦可沾入Sambar印度扁豆杂菜汤汁吃。主菜有杂锦烧烤tandoori platter, 有辣的椰菜花、杂菜卷、炸薯角。脆炸波菜Palak Pakoda，沾些扁豆酱吃。香料菜蓉薯仔Jeera Aloo，可尝到印度香料特色。还有焖黄扁豆Dal Tadka 可配饭吃。我则不太喜欢印度米饭的质感及散粒状。值得推介是黄豆碎粒Soya Keema 味道口感都做得不错，可配煎饼烤饼吃，有些像中式生菜包的饀肉，咬口及味道都很好。自助餐有即叫即做的印度烤饼naan，新鲜热腾腾带有蒜香及牛油香味，是我所爱。印度煎饼dosa 亦是我喜欢的，像春卷皮，但dosa更软薄，脆得来没有中式春卷皮的硬质感，印度朋友还叫了masala dosa给我试, 薄片内夹有薯蓉，又另有风味，也好吃。最后，甜品有西瓜及牛奶甜食Seviya Kheer，通常印度甜品是极之甜，但这奶食微甜加上粉丝及腰果粒，我完全可以接受且味道口感也不错。印度菜尢其是辣的非我所爱，不过今天的素自助餐很满意，尢其是印度烤饼及煎饼，非常好吃。
继续阅读
响亲湾仔饮野都会揾野食既！今日就去食印度素菜，每次黎都会试下佢地唔同既咖哩。坐低侍应会先问你饮乜野，我叫左个Lassa, 似乳酪饮品，有分咸或甜，我当然要甜啦，佢地仲有芒果味既，但今日我只想饮原味。坐低就会送上一个头盘，红色酱汁最甜，仲间绿色有青柠有薄荷味，最尾既系辣味而且有咬口既野。杂锦烧烤卖相一d 都唔吸引，除左啡色同绿色既素卷，有白椰菜，椰菜底，青瓜伴碟同埋硬芝士。最后呢d 咖哩有秋葵，蕃茄。唔系几食到芝士！初初食都唔觉辣既，但食到最尾，d 辣味涌出黎就食唔到喇！我地叫左两份nann, 一份芝士味，一份蒜蓉味，个人觉得䒬蓉味配呢个咖哩好味d.呢度既份量偏大份！两口子就唔好叫咁多款喇！
继续阅读
印度菜，数数手指都只系食过两次，两次都唔系主动安排，抱住试吓无妨心态一班人去食。今次亦唔例外，不过比较特别的系首次食印度素菜，果然系叫新派素食！餐厅位于湾仔商业大厦内，似乎有点历史，但餐厅环境都算企理宽敞。一坐下就会附上一种辣辣喊喊嘅薄脆饼，可以任添，不过对我太辣了。看看menu其实有点无从入手，因为唔系样样菜式都有相，不过第页都有个温馨提示，可选大中小辣。几经讨论叫了如下：特色印度焗杂菜串：淋淋的几条混合焗菜，没有印度菜的浓烈香料，算系几啱食。薯仔炸圈 & 另一样唔记得系咩：好味，因为本身钟意食薯仔，又不是辣，推介！香炸素菜咖哩角(绿豆及薯仔)：跟普通咖哩角差不多，不会过分辣，同样好味！印度咖哩-以下有相两款已搅唔清系咩咖哩、而另一款芝士菠菜(无相)：有相嘅两款咖哩，钟意食印度菜的会钟意，而我就各浅尝一口。反而另一款芝士菠菜唔辣唔太香料浓，啱我食！Naan (原味烤饼、蒜蓉烤饼)、薯仔千层煎饼：其实仲有叫多款烤饼，但都分不清是什么，唔配咖哩就咁食一样好味。「新派素食」整体都算OK，奈何我对印度菜都仍是陪食程度，钟意食印度菜嘅朋友应该要一试！
继续阅读