新泰東南亞餐廳 (興旺閣)

营业中

休息中

一直都好鐘意食既泰國餐廳🫶🏼假期冇得飛泰國 要去食一下泰國野 😂冬蔭公湯 $98推薦度： ☺️☺️☺️☺️☺️兩個人叫左細冬蔭 酸同辣度都啱啱好 好開胃馬沙拉咖喱 (雞肉）+ 印度酥餅 $108+$42推薦度：☺️☺️☺️😣甜咖喱 唔辣 選擇左雞肉 很好都係雞髀肉因為好唔鐘意食雞胸肉好配合薄餅一齊食馬拉盞通菜 $88推薦度：☺️☺️☺️☺️☺️通菜都好嫩 炒得好香，味道好好越式蟹肉炒粉絲 $118推薦度：☺️☺️☺️☺️幾多蟹肉 味道幾好 仲有d 札肉 菜 泰國椰青 $62推薦度： ☺️☺️☺️☺️☺️好清甜 d 椰青肉都可以不嚟食餐廳位置都好方便 mtr 行5 分鐘唔洗就到星期4 晚飯時間幾full 上左二樓食兩個人食左5 樣野 超級飽 仲有好多款未試到要再去食其他菜色！

喺灣仔利東街附近，發現一間裝修幾靚，坐得幾舒服嘅泰國餐廳，雖然小貴，但食物份量算大，同埋我地唔算食得辣，都好多選擇，所以好值得。睇下餐牌先舖頭環境泰式柚子蝦沙律$118柚子用左泰國金柚，非常多汁爽口，仲落左大蝦同魷魚，醬汁方面有椰糖香味，就算走辣都好夠味。香芒軟殼蟹米紙卷 $98芒果同炸脆嘅軟殼蟹，配生菜同紅蘿蔔，點酸魚露，好食，但俾頭先好突出嘅沙律搶曬flow 。越式燒春雞釀香茅黃飯 $228一般喺街食燒春雞，皮脆唔難做到，但好多間就算雞髀，啲肉都可以好鞋。呢度做到嫩滑多汁，所以裡面用香茅同黃薑粉炒香嘅飯好好用，本身乾身，但又可以吸收雞汁，一物多用更正。隔離伴碟嘅菜絲沙律，原來又有特別嘅，有一般沙律嘅酸甜，苜蓿芽同紅蘿蔔絲上面加左花生碎即刻惹味左好多，但繼續可以解膩。侍應哥哥仲話呢款沙律無得散叫啊！泰式凍奶茶$48味道香甜，奶香夠滑，都可以龍眼冰$55好多龍眼沖嘅，清甜，不過感覺有另外加多左糖。雖然要增加穩定性，但可以落少啲。芒果雪糕配糯米飯$68店員推介呢個甜品，原來上枱用椰青裝住咁精緻。裡面有芒果雪糕、芒果肉、椰青肉，同埋主角，暖暖地又有椰子香味嘅糯米飯，糯米飯唔係太硬，仲做到冰

放假出去灣仔拍拖，經過依間泰國菜，覺得裝修好靚又新淨，忍唔住入去試下依間泰國餐廳有兩層，職員安排咗我哋上去一樓食，餐廳裝修同擺設充滿泰國特色坐低咗之後，職員好熱情咁樣拎咗個餐牌俾我哋同埋同我哋介紹菜式我哋依餐總共嗌咗四個餸同埋兩杯嘢飲第一個餸係叫咗麵包焗咖哩軟殼蟹咖哩好香好濃，配麵包一流同埋咖哩唔係太辣，啱曬我依啲唔係食得好辣既人麵包係有少少硬度，浸完咖哩都唔會淋軟殼蟹件數目都唔係少，仲有炸得好香脆食到一半都忍唔住叫多個印度薄餅去點咖哩，因為咖哩個量都多，同埋真係好好食！另外我哋都叫咗個馬拉盞炒通菜，份量都唔細，炒得啱啱好，成碟清曬之後我興起就叫多個泰式沙律，又係好大份鳳爪去咗骨好方便食，同埋個調味汁好惹味，啲鳳爪同沙律又吸曬味，真係好正！野飲我就叫咗個蕃石榴沙冰蕃石榴味好濃！成杯飲品好fresh！女朋友氣管敏感有少少咳，職員好好人推介佢飲熱香茅茶，會舒服啲好開心今日發掘咗一間好食嘅泰國菜，下次一定要再食埋其他野食！

今日去到灣仔搵野食，行到大王東街附近，就見到一間３層樓高既舖頭「新泰東南亞餐廳」，入到店既氣氛唔錯，店內不時有人排隊等位同埋拎外賣，今次我同朋友一行二人入去，唔洗點等就可以入去；店員都好客氣同埋主動咁招呼我地；睇完餐牌，最後揀左３樣菜分別係：燒豬頸肉，香芒軟殼蟹米紙卷同埋日本南瓜焗海鮮飯。上菜既速度都算快，一道接一道；燒豬頸肉肯定係必點既菜單之一，而呢間既豬頸肉特別之處應該係脂肪比例較高，所以口感特別軟滑，吾會太油膩或者太硬，最正都係醬汁，酸酸甜甜咁，好惹味，再加少少辣味，整個感覺好清新🤩而另一道菜就係香芒軟殼蟹米紙卷，米紙卷個皮唔係好簿，米味唔算突岀，餡料嘅味道亦都普普通通最後就係日本南瓜焗海鮮飯，呢個十分出色，南瓜焗完可以原隻食用，咖喱海鮮飯亦都好入味，值得推介。

灣仔地鐡站A3出口行幾步到大王東街門口全棟3層及光亮既招牌一望就見到室內裝潢十分亮靚光鮮、雲石枱面簡潔厚實梳化位更有咕𠱸坐得闊絡舒適大部份肉類以燒焗為主、需時但成品別有特色味道亦以東南亞偏香料風味取勝價位適中而份量相對頗多約埋三五知己除左可試多幾款更十分扺食越式燒春雞釀香茅黃飯 $228即使用上春雞但都十分大隻多肉表皮猛火燒至焦香鎖住肉汁釀入炒至均勻的香茅飯香氣撲鼻雞油滲入飯中提升層次而不覺油膩甜辣清爽既越式沙律更為每啖飯後調整味蕾雞肉及黃飯份量太大兩人實在食唔晒青咖哩羊架 $188巨型羊架厚度十足、長度接近女仔手掌!爐火純青的火力令表面焦香可口翻面處理充足使厚身的羊架熱力十份平均椰奶味偏重的青咖哩不會搶走羊肉本身鮮味更襯托出各種香料及燒肉的昇華配搭配菜亦以爽口清甜的蔬果埋尾三件羊架的肉量及味道都十份滿足值得ENCORE芒果雪糕配糯米飯 $68暖熟既糯米飯放入冰凍的椰殼放上新鮮的椰肉絲及甜蜜芒果粒芒果味的雪糕及濃密的椰汁令整個甜品成度高份量不多但作為收尾的甜品係不錯既選擇

見到呢間好評多多嘅泰國菜 今晚黎開灣仔就一試餐廳環境設計都好有泰國feel 有種置身係泰國嘅feel食物性價比都好高 有幾款自己特別鐘意😚泰式去骨海南雞 半隻懶人必叫😂冇骨=啖啖肉 肉質又鮮嫩 正！雞肉肉碎生菜包平時都係食開豬肉碎生菜包 好少見有雞肉 好特別☺️肉碎份量豐富 雞肉一啲都唔鞋口 雞肉加左辣椒一齊炒 十分惹味🤤泰式青咖喱牛青咖喱唔算好辣 容易入口蕉葉烤鱸魚魚肉帶有蕉葉味 好有風味 食得出係心機之作越南鮮胡椒炒牛腱大大件牛腱 口感十足

Dinner @Sun Thai ! We ordered five different dish tonight!First is their hainan chicken! its quite tender and juicy, and you can dip it in the sauce, which makes the chicken more flavourful!we also order the green curry beef. It was unexpectedly very tender and they give a lot of beef! its flavorful but at the same time its also quite light! We also had fish baked in banana leaf! the fish is cooked perfectly and it has thai style seasoning inside, overall the fish tasted so well especially if yo

If you're craving a taste of Thailand in Wan Chai, look no further than the Thai restaurant tucked away in this vibrant neighborhood. From succulent chicken, beef, and pork satay skewers to the delectable Flying Heaven Watercress, Mango Maki Rolls, Garlic Scallops, and Green Curry with Crispy Pancakes, this place offers a tantalizing array of Thai dishes that will transport your taste buds to the bustling streets of Bangkok.Let's start with the star of the show: the satay skewers. Whether you op

泰菜一向受歡迎！朋友們大家在灣仔返工近近地係番灣仔食啦!R小姐介紹「新泰東南亞餐廳」！入面共有2層！一入到去見到大大少少嘅泰國裝飾及擺設都以木為主！相當有泰國feel，今次安排坐樓下！旺場到平日由入去食到走也坐滿人！芒果軟殼蟹米紙捲清新可口！值得推介！泰式蝦炒金邊粉賣相吸引！飽肚之選！泰式甜品拼盤樣樣甜品都有！絕對夠多元化

今日屋企人生日，係灣仔揀左間東南亞餐廳，之前都有食過幾次，知道唔係特別平，但味道都幾好😋我地5個人，叫左6樣野~1. 蒜茸越南牛油雞翼 $98- 正常發揮嘅雞翼，唔會好油，但係份量係有啲小🙈2. 香芒軟殼蟹米紙卷 $98- 依個有啲普通，個皮唔係好厚，但係味道唔特岀，同埋每咩餡料嘅味唔太分明🙈3. 串燒羊肉（4串） $128- 每舊羊肉都好juicy，佢前前後後會同啲生嘅洋蔥/菠蘿串埋一齊，甜甜辣辣再夾埋啲羊味👍🏽估佢唔到，又幾夾嘅其實🤣4. 泰式柚子蝦沙律👍🏽👍🏽 $118- 依個係我每次去都會叫嘅，柚子甜甜地，個醬又帶有酸酸甜甜少少辣嘅，啲蝦同魷魚大大隻，仲有啲腰果脆卜卜㗎！😋😋依個好推介要試下！5. 原個菠蘿咖哩蝦 $138- 係用半個新鮮菠蘿🍍裝住啲炒飯，味道唔錯！不過呢~份量都係偏少🙈同埋菠蘿肉嘅量5個人都唔夠份😅😅6. 越式蟹肉炒粉絲 $118- 粉絲正常發揮，軟硬適中，味道好味嘅！值得一讚係蟹肉嘅份量，好夠！每啖都可以食到🤣🤣

灣仔個間Laksa 湯粉唔熱，又甜，最差嘅一間食Laksa 😫！焗香芋海鮮飯食無芋頭亦無芋味☹️☹️！趕住交貨趕住叫人走，加一但無服務水平，Overall 比尖沙咀店還更差

新泰除咗有經典既泰菜， 仲有好多款海鮮燒烤， 好多枱都點左咖喱炒蟹， 但今次得兩個人食， 而且份量非常多， 唯有留返下次再試！👨🏻‍🍳食物：豬肉肉碎生菜包：開胃前菜， 微辣， 鍾意辣的要加辣。肉碎份量多過生菜， 唔駛慳住包。麵包焗咖喱軟殼蟹：軟殼蟹炸到乾身，咖哩味偏甜配濃郁蛋香味， 唔會太熱氣。 點埋傍邊的脆脆包，非常飽肚，白飯都唔駛叫。鐵板蠔仔炒蛋：特別之處係蠔仔洗得好乾淨， 洗到白雪雪又飽滿一啲都唔腥， 配上好多肥仔芽菜， 爽口，唔會太油膩。 青咖喱羊架：肉質鮮嫩， 肉多過膏， 所以唔會好重羊味。點青咖喱比薄荷醬更夾。 🏙環境：餐廳好大， 有三層， 好難喺灣仔搵到適合一大班人聚會的好地方。 每張枱都好濶落， 非常舒適。 叫多幾碟餸及飲品都放得落。 樓梯及餐廳內放東南亞的擺設作裝飾， 非常有特色。 💰價錢：$200-$400/位😋抵食 : ⭐️ ⭐️ ⭐️ ⭐️

同朋友行完灣仔會展，大家都想食下泰國菜，於是在open rice搵到呢間新泰東亞餐廳，walk in 等咗45分鐘先有位，坐低叫咗嘢食送餐時間都幾快。佢嘅泰式烤豬手同 麵包焗咖喱軟殼蟹都好好味。麵包焗咖喱軟殼蟹泰式烤豬手

有同事farewell揀咗新泰，一早book定位，平時都好多人喺門口等位，難得冇乜人等。入到去坐地下卡位，我叫咗香辣豬頸肉炒河，辣辣地好惹味，分量都多，d粉食唔哂，嘢飲叫咗熱啡，因為泰式奶茶🥤要正價，同事叫咗海南雞飯同芝士焗香芋海鮮飯，睇落都唔錯👍🏻祝同事前路一路順風 ✈️

I recently had the pleasure of dining at Sun Thai Restaurant in Wan Chai, and I must say it was an unforgettable experience. The moment I stepped inside, I was captivated by the charming and festive decorations that adorned the restaurant, creating a warm and inviting atmosphere. Even during the Christmas season, their attention to detail was remarkable, adding a touch of magic to the dining environment.Now let's talk about the food, which was the true highlight of my visit. One dish that immedi