新泰東南亞餐廳 (興旺閣)

营业中

休息中

飛天通菜的奇異滋味中，彷彿置身於美味天堂。通菜脆嫩多汁，搭配獨特調味，令我驚艷不已。芒果糯米飯宛如一場口感與風味的極致交融之宴。糯米Q彈香甜，搭配豐富芒果香氣，每一口都是對味蕾的激賞

佔地三層既泰式餐廳果然名不虛傳，在灣仔旺區這麼多年，水準也一直keep 到，不錯！其中一道菜我來了多次也必點的，就是燒多春雞拼黃薑飯、配木瓜沙律。這個燒雞完美詮釋皮脆肉嫩，皮不厚一咬是即碎的口感，非常薄脆！雞肉非常緊實。【燒雞醬汁】口感有點像春捲的汁，比較濃味，想是燒雞汁，我就覺得單吃燒雞巳經非常美味，没有再沾這醬汁。黃薑飯算馬來西亞傳統美食吧，黃薑飯就是用黃薑烹調而成的米飯，並沒有很濃的薑辣味，反而還有點咖哩的感覺，不難接受！沙律配菜也超豐富，營養搭配滿分，酸酸甜甜的感覺開胃，又為黃薑飯解饞！份量非常之大，燒雞內塞滿飯，2-3人份量也可，再配些小食飲品巳非常完美的泰餐！

入會展參觀珠寶展，當然要先餵飽肚皮！大王東街旁發現一棟店三層的泰國餐廳，能容納這麼多顧客，想必也深收當區歡迎！而最難得的是，週末都有提供lunch set, 價錢亦相當吸引。所以我地叫了二個lunch set 之外，也點了一個小食泰式拼盤，泰式炸春卷、泰式炸蝦餅、泰式炸魚餅、香蘭葉包雞，每款各四塊，包羅萬有，一次試齊最出名的泰式小食！最推介是泰式魚餅，每啖吃出鯪魚肉味，貨真價實的新鮮材料，而調味也不會蓋過魚的鮮味，有驚喜！其次是泰式蝦餅，爽口彈牙，有粒粒蝦肉在內，唔錯👍香蘭葉包雞正常水準發揮店舖提無供了二款泰式醬汁配搭，相信一款淡口的是點春卷用😆

馬拉肉骨茶出前一丁Fusion菜😆集合了馬來西亞和香港美食元素的獨特菜品，結合了濃郁的肉骨茶湯底和彈牙的公仔麵，豐富的口感和風味體驗。肉骨茶湯底是這道菜的靈魂，它濃郁而香氣四溢。這種湯底通常是由豬骨、香料和香草熬煮而成，以獲得濃郁的肉骨風味。它常常帶有一點辛辣的味道，但同時也有豐富的深度和層次感。巴東牛展(另加薄餅)平時多數食巴東牛肉，今次竟然有牛展😝口感一流，肉質鮮嫩多汁，肉質相對硬小小嘅！不過調味啱啱好，唔會太希，點薄餅啱哂呀！越式蟹肉炒粉絲勁特別😆粉絲綿密軟滑，與鮮甜的蟹肉完美結合。仲加咗新鮮的蔬菜同香料，eg青蔥、紅椒和蒜末👍🏼炒得清爽又好食又入味，絕對值得一試，享受到越南美食的獨特魅力。椰青沙冰里個非常高質！飲到最後完全都唔會淡咗，一樣咁濃味🥰好正！

第二次去新泰食泰國菜，今次試下灣仔嘅分店，星期日12點去到唔多人，但1點鐘就坐滿，而呢度嘅裝修都幾有泰國feel，座位同空間都寬敞Set lunch其實幾抵，不過我同朋友就選擇散叫幾款野食，想試多啲唔同野🌟串燒沙嗲（雞、牛、豬）（6串）串燒啲肉醃得幾入味，淋得黎仲有咬口，而且燒得唔乾，沙嗲醬仲有好多花生，食落香口惹味🌟飛天通菜飛天通菜主要係用蒜頭、辣椒、麵豉黎炒，呢碟炒得唔算油，但味道如果再濃啲就更加好🌟冬蔭功味道幾正宗，酸味重而唔會太辣，入面好多香料同蘑菇，仲有隻大蝦🌟香辣海鮮炒河呢樣平時冇乜喺泰國餐廳叫過，估唔到原來幾辣，不過都算食得舒服嘅辣度，而河粉炒得唔油，但都唔會痴埋一舊，海鮮就有蝦、青口同鮮魷，幾新鮮🌟泰式凍奶茶🌟椰汁冰兩杯飲品都唔錯，椰汁冰拍得住上次飲嘅椰青沙冰，椰子味都夠香濃呢間泰國菜整體都幾好味，望落都企理衛生，食得過

嚟到灣仔做嘢，朋友介紹呢間泰國菜餐廳，嚟到餐廳門口見到好多人排隊，以為要等好耐，但齊人就即刻有位入得，餐廳好大，有兩層，裝潢都好靚，樓底好高，座位很寬闊舒適🫶🏻睇完餐牌，喺呢度食午餐，性價比非常高，抵食👍🏻🔆越式蟹肉炒粉絲粉絲經過炒煮後保持了彈性，與蟹肉完美結合。蟹肉鮮嫩多汁，散發著淡淡的海鮮香氣，好好食😋調味料恰到好處，增添了整道菜的風味🫶🏻🔆焗奶油大蝦伊麵伊麵煮得剛好，有著彈牙的口感，配上豐富的奶油汁和鮮嫩的大蝦，味道更加豐富。奶油的濃郁與蝦的鮮甜相融合，帶來一種濃香的享受🫶🏻🔆香草肉碎煎蛋配白飯肉碎經過香草的調味，炒得鮮嫩多汁。煎蛋的外層金黃酥脆，內部鬆軟滑嫩。搭配著香氣四溢的白飯，每一口都充滿了滿滿的滿足感🫶🏻🔆泰式炸春卷春卷皮炸至金黃酥脆，內部的餡料包括蔬菜和肉類，有著豐富的層次感和口感。搭配著酸辣的泰式蘸醬，口感絕佳，是一道美味的開胃菜🫶🏻🔆凍檸檬茶，椰汁冰，青檸梳打凍檸檬茶清新酸爽，檸檬的酸味與茶的香氣相互融合，喝起來十分解渴🌟椰汁冰帶有濃濃的椰香，口感滑順，冰涼有滋味✨青檸梳打清涼怡人，檸檬的酸味和汽水的氣泡交織在一起，正👍🏻

約咗喺灣仔返工的朋友們食lunch，有人提議呢間泰國餐廳。我哋五個人，叫咗一個四人套餐+一個巴東牛腩配白飯。牛腩好稔，醬汁好濃帶少少甜辣味，餸飯一流，多返啲香料味更好。雞、牛、豬各兩串。肉質唔乾，仲有肉味，略嫌沙爹唔夠香。炸過嘅大蝦爽口彈牙，咖哩汁比一般泰國咖哩稠，偏甜的椰汁味。蒜蓉包熱辣辣，香脆好食酸酸甜甜開胃沙律，豬頸肉份量足，味道正常，但菜比較少。食咗幾樣濃味嘅餸，食返個清淡嘅炒菜，感覺健康啲賣相靚，材料新鮮。雖然係最後上枱，但我哋係最快清碟，可能佢夠鑊氣啩我哋最失望係知道甜品是即日整，午市無法供應下次晚飯再食啦！

想與友人舒舒服服聊聊天，所以選了這間餐廳，餐廳有２ 層，位置寛廠，位與位之間有點距離，所以聊天時不會被隔壁打擾。雖有午市套餐供應，但選擇少，而且未曾見其轉款式。友人點了午市套餐：冬蔭功海鮮金邊粉$75 + 龍眼水$8冬蔭功酸味為主，不太吃到辣和其他味，海鮮竟是：蟹柳，魚片和冰鮮魷魚粒。金邊粉偏淋。另一份則點了，午市套餐：越式蟹肉炒粉絲$75 + 熱檸檬茶 $0雖然不是炒得很香，但至少乾身，不油膩，蟹肉的份量不少，甜點：芒果糯米飯 $78是雙色糯米飯，紫糯米飯及白糯米飯，忘了叫店員椰汁另上，令不太愛椰味的我有點卻步，撇除椰汁，糯米飯是是煙韌，有點甜味，沒有糯米的臭味，不太濕也不太乾，算不過不失的糯米飯，而每款糯米飯也有一個拳頭的大小。至於芒果，口感偏淋，有芒果味，但不甜，不過也不酸，沒有渣。想吃海鮮的友人後加：燒虎蝦（２隻）$138虎蝦配上醬汁虎蝦札實，也嫩。 

夜晚係灣仔附近搵野食，見呢間餐廳裝潢幾靚，所以就去試下😋泰式生蝦 $118 🦐先黎嘅係海鮮頭盤。生蝦全部都好新鮮，蝦下面擺咗啲凍，保持啲溫度凍。蝦上面有一簿片紅辣椒同蒜片，加埋附上嘅泰式秘製辣汁，好有泰國風味。鴨肉生菜包 $118 🦆鴨肉肥瘦比例均勻，加咗好多香草一齊抄，香茅味好濃郁突出。鴨肉都加咗辣椒一齊抄，好野味，所以都幾辣，不過加理生菜就中和返啲辣。巴東牛展 $118牛展份量好多，有5-6嚿，而且每嚿都好厚，啖啖肉。咬落好淋。咖哩汁完全唔辣，而且都加咗好多香草，加埋酥餅，真係絕配。蒜蓉抄貴妃苗 $98貴妃苗份量好多，亦都加咗好多蒜蓉一齊抄。

新泰喺香港有好多間分店，今次嚟到港島區呢間，環境非常寬敞，有三層高，裝修都好有泰國風格，好似去咗泰國一轉咁。試咗幾款主打海鮮同地道泰菜，果然有驚喜！海鮮濕炒河粉非常足料，有蝦同魷魚，仲有幾款唔同種類嘅蔬菜，河粉非常爽口，配上濃味嘅芡汁，非常滋味。泰式炒花蜆都非常出色，蜆肉份量很多，而且好新鮮好多汁，豉椒嘅的香氣食落更加開胃！馬拉盞通菜炒得好入味，濃郁嘅既馬拉盞醬配上咸魚豆豉，非常地道。咖喱大蝦非常有驚喜，蝦肉新鮮鮮甜，肉感好好，賣相一流。蝦嘅份量都有好多，全部都係啖啖肉，配上椰香味嘅既咖哩，同少少香料，口感豐富。Thai milk tea茶香同奶味濃郁，口感滑順，而且甜度適中，唔會太甜膩。總括而言，新泰既泰菜選擇非常多，每一樣都好有泰國風味，下次會再嚟試其他菜式。新泰東南亞餐廳 📍灣仔大王東街21-23號興旺閣地下至2樓

今日介紹呢間泰國菜館係灣仔都有一段時間. 由舊鋪搬左去新鋪後. 地方更大. 因為有幾層樓. 不過唔好以為佢有幾層會易搵位. 午飯時間過左十二點半後基本上都要等位. 大約等十至二十分鐘左右.每日都有set lunch, $75一個價錢. 凍飲加$3. 再加一. 大約一個人$85左右.海南雞飯係必定會有. 怕食辣的朋友. 可以試佢地的海南雞飯. 份量十足, 除左湯, 雞同油飯外, 重會有小量疏菜附上. 十分之好. 擺盤都好精緻. 今日我地無叫, 叫左個芝士焗香芋海鮮飯焗飯有時需要比較耐時間. 所以打算食焗飯的最好坐底就叫左先. 等位的時間最好睇定menu.個焗飯出黎時係熱辣辣. 食落整個飯都充滿香芋味. 配有不同的海鮮好似蝦同魚柳等. 份量絕對夠一位正常男士的胃口.泰式滷鴨湯河粉呢個湯河有豬紅(?) 滷好左的蘿蔔乾同埋鴨.豬紅有點"蘇"味. 唔同平日食個d. 但個蘿蔔就好入味. 好林. 最後個鴨外型似"臘鴨". 但食落去係林的, 唔係硬, 不過皮比較肥厚. 肉唔算多. 幸好個河粉好入味. 就算無餸齋食個湯河都已經好好味. 黎過呢間已經數十次. lunch menu係經常會轉. 一般食品都唔

好耐冇食過泰菜，今日經開灣仔就試下呢間 , 其實好耐前食過呢間喺灣仔既泰菜記得開左好多年 初開時得一間灣仔 而家好似有好多間分店 , 呢間都算好大 環境幾舒服 好多泰國裝飾。感覺好泰國 ,d staff整體都有禮， 有泰國人 , 食物上菜速度都算快 同埋有好多菜式揀 佢有個香矛黃飯好鬼正 成隻燒春雞 入面 d飯吸哂 d雞油 飯夠香 雞又燒得香脆 炒花甲 ,夠新鮮 辣辣地 夠惹味又入味 另外佢有個椰菜仔 好耐冇食過 泰國特有椰菜仔 細細粒但有好多層 好爽口有層次感！！

I recently dined at Sun Thai Restaurant, a Thai eatery located in Wan Chai. During my visit, I decided to try their lunch set, which offered a 20% discount if ordered after 14:30. We opted for the boneless Hainan chicken set and the fried glass noodle with crab meat.The food at Sun Thai Restaurant was delicious. The boneless Hainan chicken set was tender and flavorful, accompanied by a satisfying soup. The fried glass noodle with crab meat was a delightful combination of textures and flavors, wi

灣仔新泰餐廳係一間泰菜餐廳，試咗幾道菜都煮得非常地道，經理都好好客好健談，體驗一流～首先試咗大蝦冬陰功湯，湯底酸辣開胃，加埋兩大隻新鮮嘅大蝦，真係好味到停唔到口😋湯嘅香辣味道剛剛好，唔會太辣，又有啲酸味，作為一個頭盤暖暖胃吊起食慾非常合適。之後到奶油大蝦，大蝦炸得香脆，裹埋一層奶油醬汁，味道濃郁香滑。大蝦肉質鮮嫩多汁，同埋奶油醬汁真係好夾，而且呢個配搭好特別，同普通嘅香煎大蝦唔同，有驚喜～泰式炒花蛤新鮮彈牙，配上泰式醬汁，味道鮮香。醬汁辣辣地炒得好夠鑊氣，同花蛤嘅鮮味融合得好好，送飯無得彈。最後個飛天炒通菜炒得爽口無渣，帶有微微的辣味。通菜保持咗蔬菜嘅鮮甜，同埋炒得恰到好處，唔會太軟太爛。總括而言，灣仔新泰餐廳係一間值得推薦嘅泰國菜餐廳。佢地嘅大蝦冬陰功湯、奶油大蝦、泰式炒花蛤同飛天炒通菜都非常美味。服務態度亦都好好，環境舒適。下次再黎一定會試下其他嘅菜式！

#fafafoodblog泰國菜 #fafafoodblog灣仔🍴燒原條魷魚98 蚊🦑魷魚大條新鮮 切得厚度適中 醬汁帶 d香咸 再點埋惹味辣汁 正🍴泰式燒春雞釀香茅黃飯188蚊🐥🍚燒春雞燒得好香脆 一切開熱辣辣 入面既飯好足料 辣椒香料 香茅味夠 點 d甜酸汁 或者食下甜沙律菜都好正🍴泰式炒椰菜仔 95 蚊🌿泰式特別既椰菜仔 細細粒一層層 好爽口 配埋蘿蔔 同蒜一齊炒 正🍴泰式炒花甲108 蚊三色椒 洋葱一齊整 蜆夠新鮮彈牙 盡吸辣汁 好正🍴椰青沙冰58 蚊🥥椰青新鮮 整成沙冰 夠哂冰涼 🍴椰青班戟55 蚊班戟有 d暖暖地 咬落好軟熟 椰味香 咬落帶 d彈牙 有 d椰子香味 好正#泰國菜 #椰青 #沙冰 #花甲 #椰菜仔 #魷魚 #黃飯 #春雞Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#新泰東南亞餐廳灣仔大王東街21 至23 號興旺閣地下至2