影片
电话号码
67092369
营业时间
今日营业
11:30 - 15:00
18:00 - 23:00
星期一至日
11:30 - 15:00
18:00 - 23:00
以上资料只供参考，请与餐厅确认详情
食家推介
同朋友经过葵涌，本来想去茶餐厅，但系可惜都9:00收，无意中来到这间小馆小店，门面简单平凡，座位空间尚算宽敞，我朋友想食生菜包，和很久没有喝的泰国出名的冬阴功汤，我就比较怕辣，所以叫了青咖喱鸡，泰式香辣炒蚬，𩠌菜一道的时候，生菜包和肉碎配合得非常有泰国香味，生菜很新鲜，肉碎和葱的比例少小辣！和泰国香味香叶，配合得分当回味，冬阴功汤，辣到刚刚好好适合我个人的口味，里便有两只大大只的淡水河虾！味道越饮越辣，但系越饮越想饮，青咖喱鸡，里面的豆角和翠玉瓜非常新鲜，配上白饭！很快就将白饭食晒，最后叫上两个饮品泰国龙眼水，泰式青柠梳打，当堂10分饱满！可惜我们两人都食得很饱，很想吃那个出名的芒果糯米饭！只有为有打包回家吃！
继续阅读
之前晌「屏丽径」试过间泰国小店，今次完咗聚会，又到揾食时间，今次试另一家泰国小店「新泰国厨房」，不过对好多区外客嚟讲，佢嘅位置都几偏，睇住地址亦好易行过笼，而呢间泰国小馆，喺葵涌老友嘅在地推介，扎根于此好多年，睇铺面嘅招牌都晒到甩晒色。 店内装修比较平实，无话有啲咩泰国元素，墙上贴满食物照，挂咗个细电视晌餐厅尾，唔睇餐牌，同本地啲茶记无咩分别。只喺略嫌啲椅背较浅，唔喺太好坐，不过，我哋都喺食餐晏仔，无谂住打趸，唔会坐好耐，都无乜所谓。 午市嘅餐牌，有两大页纸，分别印晒小食类、饭品、汤粉及饮品，选择非常多，定价亦相宜。最得意喺菜名，无论小食定主食，都加有泰式二字。 门口有啲外卖单张拎，攞张睇睇，顺便贴埋出嚟俾大家参考，到晚市就会有更多选择。友人话虽然疫情减退好多，但呢度以前午餐时段，汤品及沙律喺任食，此刻呢个安排仍未复常。 泰式香叶猪肉碎饭+荷包蛋 $52老友赞其香叶猪肉碎饭正，所以，翻兜再试，的确，睇到啲猪肉碎揾咗好多香叶去炒，隔个位闻都闻到好香，而且，啲肉碎唔好多肥肉，亦唔会太过碎湿湿，加埋笃穿只蛋黄，捞饭食真喺唔错。 泰式海鲜清汤汤粉 $48老婆选清汤，但嚟错咗个冬阴功汤，店员知道落错，唔介意更换，咁我都OK嘅，咁我同老婆就对调嚟食。个冬阴功唔喺话好深色𠮶只，辣度相对温和，带微微酸同少少香料味，饮落几醒胃，海鲜料有啲蚬肉、鱿鱼同鲜虾，质素唔错，金边粉即喺幼身嘅河粉，口感滑溜，份量又十足。 泰式菠萝炒饭 $50小弟本身就拣炒饭，因汤粉嘅问题，就转咗俾老婆食，不过，我都帮佢食咗小半碟，因为着实份量唔少。啲饭炒得够干身，饭粒分明，除咗有唔少菠萝，仲有好多杂菜粒、蛋碎，仲加咗啲肉松，混埋一齐，食味真喺唔错，无肉对老婆嚟讲仲啱佢口味，而且，无话炒到油淋淋添。泰式奶茶平时多数晌茶记，先会拣奶茶，不过，见餐牌有款泰式奶茶，亦想试试。对比茶记，泰式似乎落奶比较多啲，茶底亦无咁浓，明显跟港式几唔同吓。 泰式咖啡呢个唔晌餐牌中，餐牌只会写住冻咖啡，即喺比较港式，喺啲同乡、熟客先识叫。不过，咪睇佢色泽比较深就以为好浓，其实咖啡味唔重，兼少少偏甜。好唔好饮就好睇个人口味喇！ 同枱仲有其他人选唔同嘅菜式，无影相就费事写，不过，听佢哋嘅评语都属于唔错嘅水准。服务方面，除落错个清汤汤粉外，位阿姐都几好礼貌。
继续阅读
新泰国厨房的青㗎喱鸡饭个汁少少辣好香滑，捞饭超正，鸡无骨，啖啖肉，配菜有茄子，青豆角同埋红椒。猪手饭有好多无骨猪手(切片)，又够腍，个汁好野味，配菜有青瓜、菜心，仲有半只蛋。两碟都跟好多饭，一定够饱。饮品要另加钱，龙眼水+$3, 青柠梳打+$7。
继续阅读
环境一般但食物一流， 价钱唔贵 。 我哋一早book 位 ， 一行 11 人， 食咗$3000 ： 包括 两种炒菜、 生虾 、猪颈肉， 烧鸡、炒粉，冬荫功汤，蒜蓉包、 薄饼、烧乌头、 㗎喱蟹、肉碎生菜包， 所有嘢 都叫2 碟， 而且每人2 杯饮品 ： 青柠梳打， 龙眼冰， 泰啤。 上菜快， 热辣辣，好饱，食到一碟鸡要打包。 好抵食，真心推介， 支持葵涌隐世小店。出面泰国菜食咁多嘢起码$4000-$5000又要等位 又要限时间。 虽然唔近地铁站， 但搭巴士、小巴、的士都方便。 葵芳地铁站搭地士$30左右。
继续阅读
第一次写食评，食咗呢一间嘢六七年啦，平时都有喺出边留意泰国菜嘅餐厅，但系最后呢间都系我自己觉得最好食嘅泰国菜。海鲜冬阴功金边粉，大碗料又足，有鲜虾有青口，粉唔会煮得太耐吸到汤汁之余唔会影响口感，食嘅时候依然食得出一条条吸住汤汁嘅粉；冬阴公汤酸辣得嚟唔会太呛非常温和，容易入口。今日食嘅烧牛肉，有一股焦香味之余唔会柴口，配酱汁食可以冇咁易腻。蒜蓉包即叫即整，热辣辣嘅蒜蓉包配搭牛油同埋蒜蓉嘅香味，唔知点讲但系真系超正！另外一提烧牛肉同蒜蓉包趁热嘅时候加埋一齐食系人间美味。牛肉嘅软熟同油香配搭酥脆嘅蒜蓉包，牛肉嘅味道同蒜头嘅香味融为一体，系一个会令人会心微笑嘅味道。*记住一定要趁热食！酸辣虾沙律嘅味道对于平时唔系食开辣嘅人来讲可能太辣，但系如果配生菜食嘅话生菜会减轻佢嘅辣道，令成个沙律更加清爽开胃。
继续阅读