新永成茶檔 (東廣場) (已結業)

係觀塘難搵餐廳就係人都知某日去觀塘做完野再去東廣場覓食見到呢間新嘅茶檔行完一個圈都無野特別啱食就試試佢啦最主要係個下午茶嘅生炸雞髀🍗同西多都好掂檔下次經過觀塘都會食返呢間✨炸雞髀🍗生炸唔係翻炸 厚肉兼嫩滑睇圖就知🙏🏼 no bullshit真係炸到啱啱啱啱好🤏🏻所以雞骨位仲會有紅 介意就咖好叫了間間茶記都有炸雞髀🍗不過要生炸&厚肉就真係買少見少🥹 ✨西多士依家啲西多士仲奇怪港式西多本身就係麵包夾住花生醬再沾蛋漿拎去炸🍞坊間有啲鋪頭個menu會寫- 西多士 $2x- 西多士有花生醬 $2x+$2真係R曬頭西多士無花生醬仲叫西多士咩🤨🤨呢檔個西多都幾surprise 唔單止係厚多士 仲要係3️⃣層真係大癲咁足料先值得我嘅quota🥹

叫個沙爹牛肉意粉$39…落單阿姐不停問我邊度沙爹牛肉（佢望住牆上面的餐牌）…我講左三次，佢仲要攞住本menu指住常餐既沙爹牛肉，問我係咪呢個，我話唔係常餐，我指住牆上寫得沙爹牛肉…佢終於扮睇到了，跟住落單！之後我話要杯熱檸茶（牆上餐牌寫住加$3 熱飲）佢又扮睇唔到，我話牆上面寫住，佢先死死地落單…之後俾張單我,寫住$49⋯⋯！$39加$3 …幾時等於$49？？之後我叫落單阿姐，我話$42喎，跟住佢話：呀，呢張單唔係你既..佢再寫過一張正確既單$42俾我…ok.都算！諗住你真係唔覺意俾錯我..跟住，熱檸茶到了….再過一陣，落單阿姐話，杯野飲要加$18！What!?!?我問點解要加$18…牆上寫住加$3 熱飲..我頭先落單個陣，你自己都話加$3 熱飲..而家同我講加$18⋯⋯我問左佢兩次點解唔係加$3⋯⋯寫住！？佢完全無回應過我，只係不停攞住本menu話，你叫常餐，送熱飲…🤬🤬🤬🤬😡😡😡😤😤😤咁你一早講話無得淨叫粉食啦！你個menu廢架？已經加左價，仲要咁唔老實！你個menu無寫粉麵只係下午茶時段先有喎！咁即係幾時都可以叫啦！🤬🤬咁唔老實！呢世都唔會再幫襯呢間垃圾！

原本諗住食下呢個鮮牛肉湯飯外賣 點知一打開 只見到湯 了下個湯底哇…得6舊細牛肉仔仲有飯就得3啖 想問下咁就$47蚊？真係有啲過分搵食都唔係咁呀咁都可以賣出去？唔會再去嫁啦 痴線嫁真係

早前經過入面見到有港式茶檔就試下竟然有豬潤麵食 驚喜豬潤米($44) 湯底清甜 豬潤彈牙 可惜無得加餐飲凍奶茶($18) 嚟茶檔真係唔可以唔飲奶茶 正價飲 好彩都無失望 茶底同奶平衡得唔錯 甜度適中 耐咗都無變淡今次有機會都會再食

三點三下午茶時間🥪，喺觀塘呢個美食沙漠介紹間唔伏嘅茶檔比大家☕️呢間咁有地道風味嘅茶檔喺東廣場入面，見到呢張手寫單d茶記回憶就返晒黎💯————————————————👅蜜汁叉燒煎蛋菠蘿包餐（$32）👍🏻 呢個黯然銷魂包幾巨型，菠蘿包烘底加港式叉燒煎蛋🍳可惜嘅係菠蘿包個皮有d薄同唔夠脆，不過配餐$32 CP價算高（熱飲唔洗加錢）👅常餐（$45）👌🏻 叫左個豬扒米粉，大大塊豬扒4件🐖 跟餐仲有炒蛋同脆豬，只係比👌🏻係因為脆豬唔夠脆，同埋精粹嘅煉奶唔夠多🥺👍🏻 凍奶茶抵讚嘅，夠凍同夠滑———————————————— 💡凍飲加$3，不過咁熱都要加架喇📍新永成茶檔：觀塘成業街7號東廣場地下G52號舖

係觀塘行到肚餓🧟‍♀️，明明返屋企就食晚飯，都忍唔住係個下午茶，肚腩就係咁養返嚟🤰🏻！Any肥，係東廣場見到呢間頗有地道風味嘅茶檔🫖，同細細個食開啲茶餐廳好似樣，坐低食個tea回味下！————————————————👅蜜汁叉燒煎蛋菠蘿包餐（$32）🔸 菠蘿包的確幾巨型，可惜菠蘿皮軟左又薄，少咗菠蘿包嘅靈魂👻，包底可以烘得再脆啲，叉燒重叉燒醬味，加埋煎蛋、番茄同生菜，呢個配搭似港式漢堡包🍔🔸可$26單點，亦有下午茶B餐配飲品👅抵食常餐（$45）🔸有4款肉類選擇，秘製豬扒有4件🐖，份量唔算少，叫咗米粉係自己加味粉同調味油🔸炒蛋太油淋淋，脆豬有烘到但偏軟熟，一咬煉奶嗶出嚟好正兼好肥🤪！————————————————🚩總結：食得茶記預咗肥😋———————————————— 🌟注意：凍飲加$3，免加一————————————————📍 新永成茶檔地址：觀塘成業街7號東廣場地下G52號舖.

印象中記得呢間餐廳既奶茶幾唔錯，好有港式茶檔口味。今次嚟試下佢啲貴價菠蘿包。今日食下午茶餐30幾蚊左右，有一個包同埋嘢飲（凍飲加三蚊）。先講下個叉燒煎蛋菠蘿包。叉燒塊數都幾多，食到啖啖叉燒，同埋好濃嘅叉燒醬味（可以嗌少醬）加埋煎蛋，味道幾夾。個味都算理想既。不過菠蘿包有啲失色，冇想像中果種香脆口感。凍左、淋哂。其實如果佢可以叮一叮番熱，我覺得會好食幾倍。個Friend叫左個手打芝士漢堡。因為要有Social Distancing, 我冇食佢嗰包呀 XD佢話味道都okay, 不過我目測塊牛肉比較細。下次都係乖乖哋食番啲港式餸菜算啦XD

無意中係觀塘發現東廣場🧐裡面都幾多間食肆，有間細細間嘅《新永成茶檔》意想不到嘢食好好味😋我哋叫咗2份餐🍽價錢好合理好抵食👍🏻🔹$45常餐👉招牌生炸雞全翼，一碗通心粉配炒滑蛋，香脆奶油豬，凍奶茶🥤佢個生炸雞翼超好食仲要係有2隻嫁👍🏻👍🏻👍🏻炸到唔會乾爭爭，唔係翻炸，仲有肉汁，我食到個雞翼味好似係用咗南乳同有少少酒調味😋😋佢個奶油豬都好正👍🏻焗到脆口😋唔係焗定Hea比我哋，杯奶茶都好好飲🥤唔澀口🔹$36下午茶餐👉香脆吉列魚柳配薯角.凍奶茶🥤🔸佢個魚柳都有2大塊，魚柳肉質都好正👍🏻👍🏻👍🏻肉質好結實（唔係梅肉），魚柳個粉漿唔會厚，好香脆😋薯角都好多嫁好飽😌😌

系觀塘食飯既打工仔，除左好食，最緊要一個字 —— 「快」，皆因觀塘晏就真係好～多人，有時買飯都用左4️⃣、5️⃣個字，都無時間慢慢享受個午餐。今日小編去左平時好多打工仔聚集既東廣場，試左依間「新永成茶檔」，有D人係堂食，但大部分都係外賣既。🍜 焗芝士咖哩牛腩飯 （價錢： $50）評分： 3.5/5雖然話焗要時間，但好快就有得拎啦！ 一打個蓋，就見到有D煙噴出黎，原來仲好熱辣辣🔥，依2日天氣轉涼，食返D熱辣辣既野食，心情都靚D😆。咖哩汁係港式微辣既咖哩，份量超多，包你每啖都有咖哩汁送飯，而且仲有唔少芝士，增添左咖哩香味，比較失色係牛腩，牛味唔太濃，不過味道都可以接受的👌🏻。聽講依度既生炸雞翼係比較出名，下次小編都要試下先得！😋————————————————————————🐷 整體食物： 3.5/5🐷 環境：-🐷 可達度： 4/5

原本想去東廣場買拉麵外賣，但係拉麵舖因為公眾假期休息，所以係東廣場行左一個圈，發現呢間餐廳外面都有一班人排隊，所以就去試一試啦。今次叫左個美式雜扒煎蛋飯🍚再加左$3要左杯凍奶茶呢個餐有牛扒🥩、豬扒、炸雞翼、腸仔、煎蛋🍳各一件仲有幾塊蕃茄添。牛扒嫩滑，唔會好韌亦都唔會鞋颯颯👍🏻豬扒肉質鬆軟，而且好夠味生炸雞全翼外脆內嫩煎荷包蛋🍳係我鍾意嘅流心蛋黃😍腸仔係用廚師腸個飯仲有得揀黑椒汁😋整體來講呢餐飯唔錯，起碼對得起個價錢

商場地下的小店，綠色的牆身很顯眼。鋪面不大，分為兩邊，一邊店是製作食品用，另一邊是座位。下午茶時段：秘製豬扒配牛油果雜菜沙律，今次併的豬扒是切成塊狀再炸，方便吃之餘，豬扒亦醃得入味。另一次唔配牛油果雜菜沙律，改配半份西多士，同樣鬆軟香脆。吉列魚柳配牛油果雜菜沙律，有塊半的魚柳，是即炸的。魚柳肉質是硬中帶軟，唔係水泡泡的魚肉。炸得香脆。牛油果雜菜沙律是沙律什菜混有芝麻醬和新鮮牛油果蓉，仲有蕃茄，清新又開胃。

東廣場出名多嘢食，不過堂食就真係唔係咁多選擇，通常去到已經無哂位lu，呢間茶檔有堂食但都係成日full ga，所以都係外賣自取吧.茶檔好似最出名係撈麵，但今日我就試下佢既焗飯.焗芝士手打漢堡扒煎蛋飯 （$48）送熱飲.等緊嘅時候見到都幾多人幫襯，眼見最多人等係呢間.焗飯都要等一陣，加上都多人幫襯，但唔算好耐既.焗飯分量好多，成個飯盒都係滿既，d汁係勁多，粒粒飯都比d汁包圍住🤣 漢堡扒勁厚身，但味道就一般，總括而言係不過不失啦！

東廣場港式茶記🇭🇰餐廳既坐位比較少 見到都有幾多人係門口等外賣🥡但堂食既上菜速度都幾快 坐低等左7 8分鐘左右就有餐廳入面每張枱都會有酒精搓手液提供而且餐廳主要係用即棄餐具同碗碟雖然係唔環保😖但乾淨同衛生重要好多！.今次叫左焗白汁芝士雞扒飯 $50再加左$3要凍飲🥤.個飯底係普通白飯黎有啲失望😖因為通常食焗飯都係炒飯底不過個飯都比較多汁 會好餸飯啲～雞扒係炸過既 食落比較香口而且塊雞扒都幾大塊下 同幾厚身份量黎講 我覺得ok啱啱好 (女仔).另外凍華田偏淡唔知係咪太多冰既關係下次可以叫濃啲～

不知點解 , 我好鐘意用 Open rice 的 apps 去買外賣. 一來可以在 lunch time 落街行下 , 二來又有折扣.今日 , 街上好多人 , 而且觀塘呢到在 Lunch time 找個位食飯也不是易事 . 所以 , 我就再次係 Open rice 找外賣叫.無意之中 , 見到呢間餐廳有做 promotion , 豬扒雙蛋飯只是 ＄30 , 仲要連一杯飲品. 在 Apps 內落完單就去取 , 由我行去 5分鐘 , 到步後原來已經準備好.味道就一般般 , 始終呢個價錢 , 不會有 complaint , 而且份量沒有減少 , 總之一定食得飽 , 起碼好過食快餐！

觀塘最出名多嘢食，但係真係要有門路識捐窿捐罅先得，今次嚟到東廣場搵到間比較舊式嘅茶檔今日一個人食飯食咗個豬扒蔥油煎蛋飯，唔好睇佢係一個咁簡單嘅食材，佢啲蔥油炒個10分濃味，每次都叫侍應要加勁多蔥油😆😆😆豬扒外脆內軟10分入味😍😍配搭埋蔥油可以食兩碗飯🤣🤣另外凍檸茶埋單都係四十幾左右下一次你要食埋佢嘅叉燒，見到隔離枱食已經好想試，如果平時喺觀塘返工嘅你lunch可以你試吓👍🏻👍🏻