影片
呢间嘢已经开咗好多年，屋企人成日都去食嘅。今日放假陪屋企人去买𩠌，顺便嚟呢度食lunch。每一次嚟我都系食牛肉炒公仔面，佢啲牛肉好腍好滑，但系又唔似系乸过好假咁。公仔面都好爽口弹牙。最重要嘅系佢炒得一啲都唔油。依间餐厅已经食到认得我哋，妈咪一段时间冇去，个店员问我哋系咪搬走咗😂点解咁耐冇去
继续阅读
店舖主打学生同街坊生意，住附近嘅我亦都系常客之一。自己最钟意食系佢嘅鸡扒炒乌冬，有辣/唔辣，而辣度可以再分小、中、大，佢嘅辣并唔系加一般嘅辣椒酱，而系一条剪碎咗嘅辣椒🌶️钟意食辣嘅朋友一定岩，因为小辣我都觉辣😅不过好惹味👍🏻 鸡扒之外仲有萝卜丝同青瓜丝，炒公仔面/炒乌冬绝对冇偷工减料，小店嚟讲真系好食，不过细店环境就比较迫但食物搭救😎🚩 新桥美食屋 (柴湾)柴湾小西湾道23号富怡花园地下43号舖
继续阅读
🔻位于小西湾富怡花园既新桥小店，汤粉炒饭炒面咩都有得食😋 自己试过之后其实就最钟意食佢嘅日式炒乌冬，有辣有唔辣！辣度有分小、中、大🌶，钟意食辣嘅我一定系拣大辣嘅😋😋😋📌日式鸡扒炒乌冬💲42🌟推荐指数：★★★★☆超级足料嘅乌冬， 有图有真相😆，虽然自己拣咗大辣， 但绝对冇盖过乌冬本身嘅味道，唔会太浓味，味道啱啱好😋 配料亦都好足！除咗鸡扒之外仲有萝卜丝同青瓜丝，绝对冇偷工减料，小店嚟讲真系好有诚意‼️绝对会再encore😆😆😆
继续阅读
今次食新桥嘅照烧猪扒饭，噉佢𠮶啲饭会有啲照烧汁嘅，啲饭佢唔会煮得太腍嘅，噉变咗啲汁捞埋啲饭嚟食会比较有口感嘅，另外佢个猪扒都煎得几香口同埋几松软。价钱36元，另外仲有杯嘢饮嘅。
继续阅读
鸡排炒公仔面 有时候经过就食或者每日中午都过去食。有不同的配菜，例如青瓜、红萝卜、芽菜等等鸡扒都算多。面的份量都足够，假如你大食的可以叫加底。如果你钟意吃辣的话，可以叫大辣或中辣。炒公仔面加咗辣之后，令到这个面非常嘢味。虽然是一间小舖，但是员工的态度是非常好的，与顾客有一种朋友的感觉。每次食完，都可以同老板一起吹水，这是小店的其中一个特色。经过小西湾的朋友，可以去桥底美食品尝一下，和体验小店的情怀。
继续阅读