影片
入到梅窝走走，到中午时间又肚饿，系码头附近有间饭店就去试一试。店入面没有人招呼，自己去揾餐牌，佢哋无午餐，全部散叫，种类都好多，除左有小菜，还有饭，面等，不过可能已过1pm，好多款都无，西炒饭无火腿叉烧，又无茄子，又无斑腩，最后叫左椒盐猪扒饭。碟头饭即叫即整，大大碟 热辣辣， 都好多白菜，猪扒炸得好香透， 而且有好多件， 肯定够饱，又有镬气另外有一壸茶，系普洱茶，当然最普通个种椒盐猪扒饭$50茶位每人$5
继续阅读
近年，大屿山去得最多都应该喺机场，而另一边嘅梅窝，估计都应该有10多年无嚟，就算今次再嚟梅窝，已经唔喺好似以前咁搭船，而喺港铁到东涌，再转巴士入梅窝喇 。至于今次入嚟目的，喺与另一对夫妇朋友入梅窝嘅卫理园静修，无晌营地订饭，所以，晚餐走返出梅窝食，反正10-15分钟脚程，都好方便。朋友食过「新乐」，话味道家常，所以，晚餐就决定于此 。「新乐」喺村屋铺，所以，地方唔大，纸皮石地板，折椅胶櫈，防火胶板木枱，一派70、80年代屋村里啲茶居风格，少少怀旧味，但求干净企理就得喇 。而帮衬都喺村内街坊熟客多，对比银矿湾路大街一带，或巴士总站嘅冬菇亭，「新乐」显然十分幽静 。墙上贴有唔少推介外，而菜牌就做得颇简单，前后几版揭一揭就揭晒，或许有啲菜式无晌菜牌上，但一般大路粤式小炒都可以做到俾你，好似有款凉瓜肉松煎蛋，所以，我哋想点嘅凉瓜炒蛋就唔难做出嚟。 红烧豆腐 $65 豆腐裁得几大件，都算几香几滑，配菜有冬菇、草菇，淋上蚝油茨，真喺只可以话佢好家常。 凉瓜炒蛋 $65 差唔多可以讲喺凉瓜多过蛋，凉瓜味道甘苦，但唔涩，而炒蛋火喉几好，嫩嫩滑滑，仲带有少少蛋汁。虽然喺一道极简单嘅炒蛋菜式，但绝对无做得「求其」。 鱼汤什菜煲 $65依个什菜煲就麻麻哋，所谓鱼汤，入口无乜味；什菜包括：菜心、云耳、银芽，好清淡嘅菜式，亦可以话喺好健康嘅菜式。4个人，点咗3个𩠌，再叫4碗白饭（$10碗），喺咪食得好家常呢！茗茶$5位（但个餐牌标$4），唔收加一，平均消费每人都喺六十多啲。最后，都顺带想分享一下卫理园依个基督教营地，背山面海，清幽恬静，最估唔到连啲房都装修过晒，新净舒适 。偶尔脱离一阵烦嚣，都唔一定要离港去到老远，卫理园确喺个静修好地方。
继续阅读