影片
相关文章
得闲都会帮衬小店，但呢间小店较为远，用平台订外卖自取都唔贵。前后叫过两次外卖，一齐写下吧。招牌牛肉面 ＄60牛肉都俾得好多件，大大旧，牛味都浓，系略为实左少少。台湾面够厚身烟韧，汤带少许辣味都唔曾。台式拌面 ＄45干拌面无乜特别。古早味鲁肉饭 ＄38好多肉碎舖满饭面，仲有半只溏心蛋，味道对板，四十蚊有找价钱唔洗要求咁多。煎饺子＄15普普通通的煎饺子。盐酥鸡 ＄20追加小食优惠加二十蚊一份，炸粉都几多，肉仔细细粒。手工芋圆配仙草冻 ＄30芋圆烟烟韧，仙草份量都多，配上椰汁糖水，甜品不错。
继续阅读
装修过后的新东王，虽然舖头牌匾仲系写新东王，但从外观上，望落基本上同新餐厅冇分别马鞍山作为美食沙漠，新东王俾马鞍山人嘅印象系沙漠中的清泉，但此光景似乎不再今次试咗4样食物：牛肉面，麻酱鸡丝拌面，豆浆珍珠，同以前嘅名物芋圆牛肉面嘅牛肉，由以前嘅牛肋条，变成烹煮难度低极多嘅牛展。见到之后，基本上已经唔求牛肉有香浓肉味。再者，汤底系非常唔台式嘅青红萝卜汤味，令我谂起以前旺角区有间话自己好难食嘅牛肉面，但比𠮶间餐厅整得更差更难食麻酱鸡丝拌面，因为冇汤，所以更讲求面质，亦更突显面质之差：基本上一夹即断，而且毫无面的咬口，非常的差豆浆珍珠，豆浆嘅味道基本上系超市货色，珍珠就一pat pat，而且毫无味道杯上的「猪头」字样亦似乎话紧我知呢间唔再系以前𠮶间，珍珠系Q弹同浓浓黑糖味嘅新东王芋圆，睇相都知中伏同以前粒粒都有淡淡紫薯，蕃薯，芋头味嘅芋圆，呢碗嘅芋圆就只系3只色嘅粉团仲有，粉团咬落有怪味，中间亦有明显粉状质感，似乎厨师连煮透一样食物都唔太识总括而言，唔好晒钱入去试，伏嚟
继续阅读
话说前排想去新东王，结果装修隔咗一排，今日终于得闲，走左去食行到门口，见到贴左A4纸印住新东王，但系招牌改左，不过唔理照入入到去总共叫咗4样野，牛肉面，冬瓜茶，宜兰怱馅饼同爱玉冻首先嚟既系冬瓜茶，几大杯，味道清甜之后嚟既系爱玉冻，嚟到以为比错野，同之前既爱玉冻分别好大，未装修之既爱玉冻份量足，材料丰富，依家既爱玉冻就净系加左啲爆珠同棷果，柠檬味，价钱同之前一样$30，如果知道系咁一定唔会叫，同埋之前叫一定会问后上定依家上，依家就问都唔问直接上再嚟系牛肉面，嚟到全部都系牛展，一旧牛肉都无，如果话牛展系牛肉既一部分都算系既，葱花全部换晒做咸菜，无咗半粒蛋，汤同面就无咩点变。最后嚟既系宜兰葱馅饼，首先要表明我未系出面食过呢只饼，只系提味道既话我只可以讲同我食姜怱猪肉水饺一样，无分别，同埋个饼入面唔系充满肉汁，而系充满汤汁就更加似食水饺食咗$118，除咗饮品跟餐平几蚊，其他无优惠同无套餐叫最后装修过后既新东王整体质素都下降左，可能顶咗手或其他原因。
继续阅读
早前入去被誉为美食沙漠嘅马鞍山，果然，看得上眼嘅选择真系唔多😐，拣来拣去，最后决定试下新东王。叫咗招牌牛肉面套餐，配甜不辣同冬瓜茶。呢度嘅牛肉面最大嘅特色系比较多蔬菜，除咗红白萝卜之外仲有小棠菜，两款萝卜够甜够腍，好食，加上汤底清淡少油，感觉较为健康。牛肉厚切有咬口，炆得都够腍，唔错，仲有粒牛丸，算系少少惊喜。只蛋就一般，既唔太流心，亦冇乜卤水 / 酱油味，普通蛋半只。至于甜不辣同冬瓜茶就正常水准。食完呢个套餐，感觉颇满足😙。
继续阅读
星期六训到12点半先有意识，唔想自己煮，屋企都无咩材料煮，又到左叫外卖时间今日有啲凉，想食汤面，打开某个外卖平台Application，拣汤面第一个结果就系新东王啦。叫左个2人餐，包两个主食，拣左招牌台式牛肉面同埋脆炸吉列猪扒肉燥饭，2人餐会包两个小食，拣左3只饺子同埋台式蒜味一口肠，跟两杯饮品，另外加钱要多个10粒盐酥鸡～样样都几好味，牛肉质素有惊喜，流心蛋都几好唯有可以改善嘅系小食个份量既然唔多，系咪可以考虑将饺子同埋台式蒜味肠放同一个盒呢?
继续阅读