新東江雞飯店 (已結業)

在大埔，大埔新東江雞飯店就像藏在市井里的寶藏小店，主打家常粵菜，最近我專程前去探店。首推店裡的半只咸香雞，雞肉剛一端上桌，香味就直鑽鼻腔。雞皮泛著誘人光澤，咬下去，清脆有聲；雞肉緊實鮮嫩，咸香風味恰到好處，每一絲雞肉都入味十足，配上兩碗白飯，風味一流。搭配的花生煲雞腳湯同樣出彩，湯頭濃郁，散發著質樸的香氣。這家店沒有華麗的裝修，卻靠著純粹的味道，征服食客的味蕾，價格也十分親民，很適合約上好友小聚，享受一頓愜意的美食。

This is one of the best chicken rice I have tasted I. Hong Kong . Tasty and well done with the chicken never one time it’s not uncooked or overcooked 老闆娘非常有心做食物非常美味雞的味道非常濃郁。雞湯也很好喝。希望這些良心店可以一路做落去大家多多支持。老闆娘會不斷用雞湯去淋隻雞令到佢更加入味 。我們經常專程來到大埔品嚐他們的雞飯。

今天中午已經是第三次幫襯，老闆娘的面口都是那樣黑口黑面，算數！我來求美味，不是來鬥氣，不過今次真係有火，上兩次叫碟雞飯，有一半係頭尾皮骨，咁都有一半可以食，個人係喜歡客家的沙薑麻油味，味道係可以的，所以今天再比多次機會佢，明白點解佢咁味道，生意仍然是老鼠尾般，今天真係坐了大埔直升機，伏；伏；伏！今天碟飯有4份3係骨加皮；好的部位係留比熟客，(坐我旁的兩位)以後都唔會再去，除咗你喜歡食雞背骨位。

Lunchtime唔想食連鎖店快餐, 行下行下見到呢間感覺老字號食雞專門店, 入去睇下餐牌, 除左雞, 原來仲有中式牛柳飯喎😍呢道廣東菜係由細到大都好鍾意食🥰屋企好難整得好食, 所以去大排檔, 食小菜夠鑊氣嘅地方一定會叫呢個餸😙中式牛柳飯🍛好快就上枱, 酸甜汁比例剛剛好, 牛柳肉口感好嫩滑無筋,加埋洋蔥絲, 一啖熱辣辣嘅飯一啖香噴噴嘅餸, 就是最佳配搭😊凍奶茶茶底唔錯, 夠香濃奶滑, 天氣太熱, 冰溶得好快, 飲到最尾都無變淡👍

所謂東江雞，又嚡又鹹，$172先得半隻雞同一碗白飯，貴夾唔抵初初食第一口，已經覺得很鹹又嚡，要食碗白飯先叫無咁鹹跟住食落去已經同飲海水冇分別，幸好有多一個人食，如果要一個人全部食晒真是活受罪出到去買半隻鹽焗雞都只需要八十五元，若果畀我揀我寧願食出面都唔食呢間嘢

疫情之下間食肆開餐都係一門學問，呢間好好，因為坐路邊，有新鮮空氣，而且同隔離枱真係隔得好遠，安心！呢間野主要係食雞，兩個人就叫咗半隻招牌雞，另外加咗本分雞雜，不過阿姐話疫情之下剩係得雞腸，問我地介唔介意，我哋梗係唔介意啦，有得食就好開心喇。半隻雞份量都幾足，雞肉味濃兼嫩滑，隻雞唔算肥，唔錯！雞腸有兩隻顏色，唔知點解呢？不過我哋見到深黃色嗰隻就多啲肥膏嘅，食落去邪惡啲但係又真係香啲喎，食咗先算啦！另外每人送咗一碗麗湯，幾足料，如果可以唔使隻雞唔算肥，唔錯！雞腸有兩隻顏色，唔知點解呢？不過我哋見到深黃色嗰隻就多啲肥膏嘅，食落去邪惡啲但係又真係香啲喎，食咗先算啦！另外每人送咗一碗麗湯，給足料，如果可以整多碗就無敵喇。

又唔可以話新不如舊，雖然好懷念以前雞皇一的味道，不過舊嘅唔去，新嘅唔黎，而且新的這家，其雞的雞味都很濃，你以為雞有雞味真係咁易咩! 呢間值得一試。二人前，點了半隻雞和半份雞什，份量好足沒有欺場。先講雞，不算滑但雞味濃，雞不肥，很喜歡。雞什有珍肝雞腸和雞腎，最愛雞腸，值得破戒。白飯叫了兩碗，阿姐特地送上雞汁，精華所在，白飯立即升呢，好好味。另外還有無味精的例湯，飲完先記得未影相，必試。菜芯也沒有影相，都好味。

在大埔生活多年，實在是有許多令我懷念的味道。當時還小，好多都只記得所在位置同食乜，而名字及其他的等等，都忘記了。近日，因為一個選美活動的冠軍佳麗，令好多大埔朋友、老饗都回想起一間消失了多年的大埔老食店《謝華記》。雖然，謝老闆早已經仙遊了，店子亦易手了多次。但，由《謝華記》、《美食居》、《雞皇一》同現在的《新東江雞》，依然在同一位置，繼續大埔的 "雞" 傳奇。前一陣子去了《新東江雞》一試。《新東江雞》承接了橋頭雞的舖，也承接了東江雞的雞味道。可以說，這不單是橋頭雞 4.0，也是東江雞的 2.0。來的當日，我也是沒太多時間，決定買一個雞飯就去太和邨 (太太外婆的家)，接小朋友。買飯就包一客例湯。主要用雞腳來做肉味的老火湯，味道濃濃的，而且，店方應該放了好多蜜棗，所以，湯味是十分之甜美的。雖然，這是這是大埔橋頭雞的 4.0。 但更正確地說，這是大埔墟東江雞酒家的 2.0。因為，現在做的，主要就是客家口味的鹽焗雞。用雞方面，店主用上了新鮮雞，肉的質感，皮的質感同冰鮮雞完全唔同。看起來有點老，但吃入口就感覺到雞肉滑，而肉質是爽口的。因為是鹽焗雞，外層有濃濃的淮鹽香，吃起來，比白切雞更惹味。是日的

入嚟大埔買嘢，經過發現有間看似很久歷史的小店，記起朋友曾經介紹，決定一試。室內座位得三張枱都坐滿了，不過室內座位冇咩冷氣同外面嘅座位冇咩分別。店舖餐牌好簡單，主要都是雞飯，55蚊雞飯 最basic而且係每人最低消費，坐低好快就有一碟雞飯再加沙薑醬提供。夥記好快又送多一碗雞腳赤豆湯。餐具略嫌不太衛生的感覺，環境亦是，不過老店一般是如此，斜對面是垃圾站。雞飯上的雞很有雞味， 和一般餐廳的雞感覺很不同 ，有點像農村走地雞的味道。不過飯粒有點乾硬.......很有雞味的雞配上沙薑醬很惹味，雞腳湯都不錯。如果想食有雞味嘅雞不妨一試，而且店員亦很親切。對面一熟客叫咗雞髀飯有啲吸引，下次要試下先

$55 碟頭雞飯好大碟，又有雞汁好味有雞味，環境乾淨，但好似冇冷氣⋯⋯店舖寫係用新鮮雞，不知是真定假，但幾有雞味，下次會到外買一隻雞試吓得唔得$320。晚上10點關門

新東江雞飯店，位於大埔舊區內的食肆。招牌菜就係秘製沙薑雞，皮滑肉嫩的雞肉，令人食指大動。再加多一碟白灼雞雜(雞潤丶雞腎丶雞腸)，鮮味十足，營養價值豐富，配上雞油米粉，簡直絶配！😋😋😋

推介依間食雞嘅飯店，或者裝潢不是太好，但雞嘅質素就冇得頂，雞味濃，有雞味，配合沙薑，真係多多都食得曬，55蚊依個價錢絕對抵食。鍾意食雞脾可以加17蚊食，另外佢哋嘅例湯都唔錯。

大埔少有既新鮮雞，唔同燒味店果種，今日點左雞飯再加個雞腳湯，老細淋d湯落去，刷熟d雞，雞肉剛剛好，好滑，有少少咸香，連飯都好香👍🏻👍🏻👍🏻餐廳就系停車場既隔離，泊好架車過黎，好方便。雖然裝修比較簡單，但有露天位置，勝在夠通風，而且有種大排檔親民既感覺。臨走時，再外賣多隻雞，今晚可以加餸，孝敬呀媽😝見到隔離叫左雞脾飯，啖啖肉🤤🤤雖然貴d ，下次都想試下。推介！推介👍🏻👍🏻👍🏻👍🏻

叫了碟机饭，全部都是鸡皮鸡骨，老板还说碟碟都是这样的，除非你吃鸡腿饭，我一点都没吃，就埋单，中伏了。以后都不会再帮衬。是我一生吃最差的鸡饭，价钱也不便宜。环境也很差。

去過東江雞食嘢嘅朋友都知道，東江雞唔係sell便宜，但係佢嘅食物水準一貫不錯，令到你 想食啲小炒晚餐嘅時候就會諗起佢！今次Order了椒鹽豬扒，蒜蓉炒白菜，砂礓雞，斑塊炒菜心，除了斑塊炒菜心外，其他嘢都值得encore！蒜蓉白菜夠大碟，豬扒肉炸得脆口，雞的咸度也啱啱好！大塊朵頤的一餐！🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺肥仔波指數：3/5分