219
70
28
港铁湾仔站 B2 出口, 步行约2分钟 继续阅读
电话号码
25749172
开饭介绍
虽然是咖喱小厨,亦有招牌的咖喱饭座镇,但最街知巷闻的还是这里的乾炒牛河,平时食牛河嫌佢成碟都系油,新景园就能够做到无油底,加上牛肉炒得入味,够火喉,单是这样己经值回票价。 继续阅读
营业时间
今日营业
全日休息
星期一至六
11:30 - 14:30
18:30 - 20:30
星期日
全日休息
付款方式
现金
其他资料
支持防疫
电话订座
食记 (362)
等级4 2020-09-05
1884 浏览
岩岩遇着晚市开门唔洗等位,我地二人即刻冲入去本来想叫乾炒牛河,但店员话下午生意太好,卖晒,咁试晚餐咕噜肉$90同驰名咖哩猪排饭$88啦先黎跟晚餐的雪耳猪骨汤,油菜及跟猪排饭既可乐。可能非常多人叫外卖,上面既餸菜到左半个钟先有主菜。雪耳够晒淋,个汤好润。另外猪骨靓,有肉香,猪骨既肉唔柴。主角炸猪排,点解可以咁好食,惊为天人! 非常有肉汁,调味有少少甜,讲唔出系咩味,好似五香粉咁。肉质刚好,位置有少少脂肪纹理,所以咬落真系好juicy!其中一块好厚另一块超薄。 不过我钟意薄呢块既口感, 友人就钟意厚既。其实都几好,因为厚薄口感真系会有 d 分别,而且两块厚真系食唔晒,我已经叫少饭。咖哩汁非常香浓,只系我同友人都觉得太辣,食到少少咋。晚餐咕噜肉友人话非常有获气,我自己食都觉得同出面唔同,无出面果种鲜红色,反而有黑醋既味。同样,调味都好正。而咕噜肉既肉位置真系正宗位置,中间有层筋位既部分,煮出传统水准!店内装修传统,但充满街坊人情味。我地第一次帮衬,已经见有好多熟客,店员会问佢今晚食咩呀,又会有食客送饼比 d 店员打气。而煮好既菜式又会由师父专承拎出黎放系客人枱面,讲唔该既话,所有店员都一定会回敬唔洗客气。虽然多食客,但店员都无话催客,仲可以同店员之间或食客有讲有笑,真系配服!总之系好食得黎又拎人好舒服既餐厅,推介推介! 继续阅读
(以上食记乃用户个人意见 , 并不代表OpenRice之观点。)
帮衬了多年,每一次都同自己讲要试下其他野食,但无奈每次都系忍唔住叫番咖喱猪扒饭。先讲猪扒,基本上唔会系一早炸定,每次上菜块猪扒都热辣辣。猪扒肉质肥瘦比例均匀,口感一流。再加上执猪扒大块到系食唔晒,冇投诉。咖喱汁方面,唔好用大家食开既印度或泰式咖喱比较,佢哋应该算系港式咖喱,香带辣,唔食得辣既可以叫小辣。唯一美中不足系咖喱中既薯仔可以淋多小小就perfect!价钱是否合理,我就觉得我行入求其一间茶仔叫个咖喱猪扒饭,块猪扒细块过张十蚊纸,埋单都要60以上,值唔值就真系见人见智。近年好多餐厅都有意冇意参考新景园既喱猪饭(例如XX地),但始终都冇新景园果份味道,所以我多年排队排餐死都冇投诉。 继续阅读
(以上食记乃用户个人意见 , 并不代表OpenRice之观点。)
等级4 2021-01-17
0 浏览
呢间新景园唔洗我多讲,应该好多识。日日都好多人帮衬,无论外卖、堂食一样咁多人。左边条队系外卖,右边条队就系堂食。店舖开11:30am,唔洗5分钟店舖已经坐满人。▫️咖喱猪扒饭(HKD85)全间餐厅最多人叫嘅应该系呢碟猪扒饭。见到店员好忙碌咁出餐,大部分都系呢碟猪扒饭😝咖喱汁跟饭分开上,唔会整到块猪扒淋晒👍同埋味道系够辣㗎。我食嗰日天气都几冻,食完之後成个胃暖晒。▫️咖喱鱼柳饭(HKD85)一碟有5大块炸鱼柳,同猪扒一样即时炸起,热辣辣好正呀。不过我都系锺意炸猪扒多啲😆咖喱猪扒/鱼柳饭都有做外卖,价钱$45平过堂食呀。不过猪扒就冇咁大块喇。 继续阅读
(以上食记乃用户个人意见 , 并不代表OpenRice之观点。)
等级3 2021-01-16
47 浏览
At Sun King Yuen, you don’t need to frustrate yourself on what to order. “咖喱猪扒 乾炒牛河” were the 8 words that explain everything! A huge deep fried pork chop served with a creamy and local-styled curry sauce. The pork chop crust was so crispy that it reminds me of schnitzels in Austria. Tenderness in the middle showcased the quality of produce used here. Apart from curry, the HK Classic “Beef Chow Fun” - made with stir-fried sliced beef, flat noodles and bean sprouts, the noodles were so smooth and rich in soy sauce. What’s best was the “Wok Air” of this dish! The service here was also remarkable, their sincerity may be the secret behind the lines in front of the store at lunch everyday! 📍Sun King Yuen Curry Restaurant20 Spring Garden St, Wanchai#curry #porkchops #schnitzel #rice #stirfry #beef #noodles #local @hkdiningco 继续阅读
(以上食记乃用户个人意见 , 并不代表OpenRice之观点。)
等级4 2020-12-14
667 浏览
俗语说:「眼见未为真,耳听未为实。」所以小妹我从来不信人们说好好味的食物,我要亲身试过才会相信到底是真的那麽好味定还是名大於实。这间店相信大家绝不陌生,门外人流永远络绎不绝,但在湾仔工作已有一段日子的我却是第一次买外卖,那次我和同事去买外卖, 食物的味道果然不俗,而且价钱大众化,可惜的是等待的时间就等到天荒地老,就连一起的男同事对我都略有微言,说以後不要预他。说到食物, 这间餐厅的咖哩吉列猪扒饭和干炒牛河可谓远近驰名,它的咖哩猪扒饭的确是价廉物美,猪扒的份量十足,咖哩汁够香辣惹味,咖哩中带有微甜,而且猪扒外脆内软,猪扒炸得恰到好处,松软得来唔会鞋口,而且食起来没有油腻感,是我食过的猪扒之中数一数二的好味,再配上咖哩汁和白饭,十分夹,而且很饱肚。整体而言,咖哩猪扒饭的质素和传闻一样很好味,名不虚传,难怪平日人山人海,至於价钱方面,如果唔配饮品,比起堂食算是十分抵食。 继续阅读
(以上食记乃用户个人意见 , 并不代表OpenRice之观点。)