121
13
6
港铁佐敦站 D 出口, 步行约2分钟 继续阅读
电话号码
27356722
55781002
营业时间
今日营业
08:00 - 23:00
星期一至日
08:00 - 23:00
付款方式
Visa Master 现金 银联
其他资料
Wi-Fi
酒精饮料
自带酒水 详细介绍
切蛋糕费 详细介绍
泊车
电话订座
加一服务费
电视播放
食记 (152)
等级4 2021-04-10
216 浏览
Easter有五日红日,搵左日同屋企人拜完山一齐食晚饭,老人家特别锺意食怀旧菜,知道新新酒楼有个套餐有怀旧菜之余份量又足又抵食,就同屋企人黎食。新新酒楼系一间几十年老字号酒家,以前喺对面新乐酒店入面,後来新乐酒店执左,先喺而家哩度改名重开。因为回忆,亦因为香港人闷喺屋企太耐,所以当晚酒楼座无虚席,仲要有人等枱,咁嘅场面喺香港真系唔知几耐冇见过,好彩我地一早book左枱。哩度嘅价钱同一般茶楼差唔多,唔系特别贵,不过套餐比散叫更抵食,我地叫左个四人套餐,包左五餸一汤一饭,仲有寿包同糖水,包埋茶芥酸菜先$988,加埋一都系每人二百几蚊。花生四个人有一碟,冇受潮正正常常。上汤焗加拿大龙虾  -  龙虾啖啖肉,肉质结实弹牙,每人都分倒两三件,下面仲有伊面底,每人大约分倒一碗,伊面吸晒龙虾同上汤嘅味道,话咁快就俾我地清晒。怀旧金钱鸡 - 金钱鸡虽然唔系咩名贵菜式,但由於功序多,所以而家唔系好多地方有得食。佢系用叉烧、鸡膶同肥猪肉串起黎烧,叉烧松软,鸡膶膶味突出但唔会太粉,下面嘅肥猪肉就用左玫瑰露黎腌制,食落好爽口。海皇烩燕液 - 汤羹杰度啱啱好,非常大窝,每人大约分倒两碗,入面除左燕窝,仲有好多虾仁、芥兰粒同萝卜粒,口感好丰富。翡翠炒龙趸球 - 哩道菜系龙趸两食嘅其中一道,龙趸球几厚肉同弹口,配菜西兰花都几多。清蒸头腩  - 哩味系龙趸两食嘅另一味,鱼腩加左云耳同草菇一齐清蒸,虽然冇龙趸球咁香口,但口感就比较腍滑。霸王香妃鸡 - 香妃鸡虽然得半只,不过因为个餐本身已经都好多野食,所以哩个份量其实都好够。香妃鸡入味得黎唔会太咸,肉质未算好滑,不过都可以接受。蟹籽海皇炒饭 - 炒饭超大碟,每人都分倒两碗。饭炒得够乾身,唔会太多油亦唔会痴埋一齐,除左蟹籽,中间仲有好多虾仁、芥兰粒同炒蛋,味道唔错。蟠桃寿包 - 寿包系迷你版,所以食完咁多个餸之後都仲食得落,入面除左有莲蓉馅,仲有蛋黄,食落冇斋莲蓉咁甜咁漏。绿豆沙 - 糖水系晚市每人都有送,唔会太甜,仲食倒臭草清香味,食完大满足。总结,食物唔差份量亦好足,四人套餐连埋加一每人唔洗三旧水饱到反艇,如果唔系特别大食其实够五至六人食,非常抵食。 继续阅读
(以上食记乃用户个人意见 , 并不代表OpenRice之观点。)
等级4 2021-04-06
310 浏览
因为疫情,减少了和家人或是朋友多人饭聚,但发现新新酒楼,还提供了些4人套餐,一个价钱共有6餸1汤1饭,还有寿包,套餐价钱还包了茶介和餐前小食,食物份量一点都不少,只需额多付上加上费用,确实经济,难得有朋友生日,当然前来一起庆祝一下。新新酒楼已有60年老志号易名重生,所以保留不少怀旧菜式供应给食客,现位於佐敦庄士伦敦广场,从地铁站前来也很方便。来到广场,还有电梯直达高层,所以很快便可以进入酒楼之内。****************************这个4人套餐 HKD988,一个价钱共有6餸1汤1饭,还有寿包,套餐价钱还包了茶介和餐前小食。当中包括了一鱼二食,还有龙虾和鸡,怀旧菜金钱鸡都包括在餐单之内,已经难得。最後还有一个燕窝汤、炒饭,寿包,还有酒楼免费送上的是日晩饭糖水 ,确实有其吸引力。上汤焗加拿大龙虾,还包了伊面底,伊面可以分为每人一碗,龙虾都几大只,每人都可以吃上3件,啖啖龙虾肉,肉质又弹牙,虽然用上上汤而不是芝士,一样煮得很美味,单是这道菜式已经吃得满足。怀旧金钱鸡,在酒楼发现,怀旧菜式是每件收费,金钱鸡单件是HKD38,最少2件起。金钱鸡共分为3层,第层是义烧、中间是鸡肝,最後便是肥猪肉。这样的功夫菜式,新新酒楼还是保留着,要用上时间去,玫瑰露腌制,才可以把肥猪肉如此弹牙。用上义烧夹着肝和肥猪肉一拼吃上,3款味道混起来才可以吃出如此风味,确实难得。海皇荟燕液,单看菜名便知道,除了有海鲜之外,还加入了燕窝。当喝上这汤时,确实发现汤中有不少燕窝,虾仁粒、带子粒,絶对是真材实料煮成。翡翠炒龙趸球,龙趸份量一点都不少,切成片状,吃上口也有啖啖肉的口感。翡翠用上西兰花,一样炒得够爽口,味道也炒得不错又惹味,无论是龙趸或是西兰花,份量一点都不少。清蒸头腩,一般都是一鱼二食,所以炒了鱼肉,鱼腩便是清蒸,所以也是用上龙趸鱼腩部位,加入云耳、草菇蒸而成。龙趸鱼腩份量也不少,吃上鱼腩部位,肉质嫩滑,最重要是吃龙趸的皮,口感嫩滑,骨胶原满满,对皮肤甚好。而简单配料云耳和草菇一样好吃,虽然是清蒸,味道做得一样出色。霸王香妃鸡半只,单看卖相,这香妃鸡一点都不肥,半只份量也不少。霸王香妃鸡肉质也很滑溜,简单配上姜葱油已经很美味。蟹籽海皇炒饭,这炒饭份量足够6人所吃,炒饭之内也有不少虾仁,炒饭口感炒得很乾身,味道也有镬气。蟠桃寿包,一客共有4只,刚好一口一只,没想到这寿包除了莲蓉,还有咸蛋黄,很多地方所吃的,都只有莲蓉,絶对保留着原有寿包风味。酒楼还送上是日晚饭糖水,绿豆沙,吃上一口感觉有点意外,绿豆沙味道不会很甜,还有臭草的清香味道,海带和豆的份量比例相当好,比街上糖水店所卖的绿豆沙做得更好吃。真的没想到,吃上这顿晚饭,份量如此多,味道又不错,像是抱着一个大肚腩,满足地离开。 继续阅读
(以上食记乃用户个人意见 , 并不代表OpenRice之观点。)
等级4 2021-03-24
822 浏览
呢间有几十年历史嘅酒家,由原本地舖搬左上呢个广场嘅十一楼,升降机门口贴上各演艺明星黎食饭嘅相片,有佢地嘅"加持",水准靠得住传统酒家装修格局,大鱼缸/电视/烧味部/枱上有辣椒酱及花生,有点儿返去细个跟父母去饮茶感觉肚饿指数高,叫住个小食食住先,呢客沙姜鷄脚 ($48)又点睇呢?!鷄脚本身唔算太有沙姜味,好在另有碟沙姜加味,想浓想淡味自己话事太耐无食过红烧乳鸽啦,呢度有得食仲唔叫返只($52)咩?!  价钱反映大小,唔算太大只,只鸽卤得相当入味,趁热食点喼汁就系我最爱食法见到隔离枱实物相当吸引,自己忍唔住都叫脆皮烧鷄 ($118/半只)皮薄无咩脂肪,烧得够香脆,鷄肉唔乾身,点配烧鷄汁仲好味道呢个姜葱粉丝鱼云煲 ($108),价钱相当超值,街市买个鱼头都唔平,呢度仲加埋粉丝同姜葱煮成一个煲,超级推荐!鱼头经过油泡处理,变得香脆,一D鱼腥味都无,鱼云滑溜,加埋香甜葱度,千万唔好留咗佢; 粉丝可以当主食,正!粉丝食到尾都仲保持热度健康有营之选 - 杞子云耳浸菜苗 ($88),少盐少油,除了云耳及白菜仔,仲加入芹菜条,偶然食到香甜杞子,黑绿中一点红!承传传统酒家"美德",晚饭後会送糖水,呢碗臭草海带绿豆沙唔系"行货"呀,少甜充满臭草嘅香味,热度十足,如果要比钱食我都OK架!呢度仲有怀旧菜式,例如虾多士,怀旧金钱鷄等,价钱大众化,份量相当对眼,侍应主动加茶及换碟,下次可以同长辈黎用味觉黎怀念过去喎 继续阅读
(以上食记乃用户个人意见 , 并不代表OpenRice之观点。)
等级4 2021-03-17
1042 浏览
今天去佐敦  新新酒楼,  舒适地享受了一个中式晚餐, 好理想.餐厅座位阔落, 装修美观,  侍应生又有礼,   值得一去.我们坐下, 点了铁观音茶,  水滚茶靓, 配脆花生小食, 开胃也助消化.餐牌有多页, 食物选择多, 价钱适中.有散叫菜式, 亦有套餐. 我们两人点了超值晚饭自选套餐每位168, 有 24个菜, 任拣....先来 蜜汁叉烧.   暖暖的送到.  叉烧入味又松化, 肉质美味,  口感不错, 酱汁蜜味清甜, 调味刚刚好.老火汤 粉葛煲鲮鱼汤, 足料靓汤, 有煎鲮鱼, 粉葛, 赤小豆, 扁豆, 眉豆, 猪肝, 瘦肉, 汤底很甜,  煲 得够火喉.接着是 上汤焗开边美国龙虾, 每人半只热辣辣的送上,  龙虾好大只, 色香味俱全. 配备刀叉.龙虾肉质饱满紧实, 鲜甜多汁, 味道鲜美.配以高汤汁, 好滋味. 口感丰富, 龙虾钳好 肉,  非常满意, 餐厅好服务, 不单给我们抹手纸, 还送上一碗热茶洗手.蒜香脆皮鸡 (半只)半只鸡份量足, 皮脆肉嫩, 蒜香味浓, 炸得不油腻, 肉多骨少, 有鸡味, 点埋老抽酱汁真系好惹味, 有水准.另散点了, 咕噜黑臀肉卖相不错, 黑臀肉炸脆,  肉质松软, 好咬口, 外面炸粉极薄,伴碟用了新鲜菠萝, 红绿椒, 好爽口, 酱汁调味适中,  还有沙律菜同车厘茄, 鲜美. 餐後完毕, 送糖水:  紫米露奶味浓, 入口好滑,  唔系太甜, 好滋润.招呼好, 唔错, 食物用料新鲜, 大件抵食.  厨师厨艺有水准, 吃得优越 !乘电梯时, 才留意到此餐厅有多位名星曾是座上客. 大家考考眼力. 继续阅读
(以上食记乃用户个人意见 , 并不代表OpenRice之观点。)
等级4 2021-03-12
969 浏览
酒楼的装潢比较传统,电梯口贴了很多艺人照片,看来之前几出名。精选孖宝C | $238蜜汁叉烧皇叉烧例牌好大碟,朋友觉得接近有一斤,每旧叉烧都厚切,好抵食,淋上了蜜汁叉烧又够热,咸咸地餸饭一流。果皮蒸大连鲍鱼 鲍鱼有六只,淋上了熟油吃起来有油香味,又带有点果皮及葱香,蒸的时间按制得好,不会老身。鲍鱼洗乾净起殻,吃起来十分方便。上汤焗美国龙虾 | $198龙虾肉弹牙爽口,虾殻有稍为敲过,方便拆肉,龙虾钳好大只多肉。伊面不会煮得过淋,够多汁。整顿饭食完後,即使我没有喝茶,又吃了很多酱汁,也没有感觉到口渴。饭後仲有糖水送一人一碗红豆沙,食埋真系好满足。餐厅的服务好好,店员都好有礼貌,执枱员会主动准备柠檬水,好让我们食完龙虾可以洗手,也会主动换骨碟。 继续阅读
(以上食记乃用户个人意见 , 并不代表OpenRice之观点。)