105
12
3
港铁佐敦站 D 出口, 步行约2分钟 继续阅读
电话号码
27356722
55781002
营业时间
今日营业
08:00 - 23:00
星期一至日
08:00 - 23:00
付款方式
Visa Master 现金 银联
其他资料
Wi-Fi
酒精饮料
自带酒水 详细介绍
切蛋糕费 详细介绍
泊车
电话订座
加一服务费
电视播放
食记 (129)
等级4 2020-06-11
2174 浏览
Booking未够钟,搵个地方hea先,想坐得耐除左咖啡厅,茶楼就系一个好选择,到左庄士伦敦广场的新新酒楼饮个下午茶。平日下午时段唔多人,唔使排队等,哈哈。茶楼都唔使等位喎,坐左靠窗的一张枱,光线唔错。好快就开到壶茶,洗洗餐具求个安心。开左壶铁观音,茶叶下得重手,水够滚茶又浓,好正。未食晏加上成半年无饮过茶,好多野都想食,一口气点左五样点心,一个人食会唔会太夸张了?!哈哈,但最後梗系食哂无浪费啦。蟹籽烧卖皇半肥瘦猪肉加上大大只虾,很鲜味,一口一颗,入口满满的肉香。陈皮牛肉肠特价点心之一,但无将货就价,一样系大大条肠粉同满多牛肉的,肠粉嫩滑有咬口,配上甜豉油就系好味。香煎腐皮卷同样系特价点心,呢度个腐皮卷入面包满虾胶,唔系蔬菜卷黎喎,虾胶弹牙鲜甜,腐皮煎得香脆,意外地不油腻,点一下喼汁更鲜味。椒盐鱿鱼须想食炸鱿鱼须好耐啦,见有得点即刻点返碟先。炸浆略厚,但十分香脆,椒盐咸咸地啱啱好,大大条鱿鱼须有咬口,而且好大碟,正啊!新新流沙包外表平平无奇的流沙包,但刚蒸起十分烫手。咬落去好热加上爆浆,稳阵起见,都系搣开一半先食,流沙馅好澎湃,奶黄甜美蛋黄咸香,混埋一齐又咸又甜好正,边个发明流沙奶皇包?食一只停唔到口,一口气食晒一笼。窗边位几好景观㗎~特价点心纸,点左两样都keep到水准。正价点心纸,款式唔算好多,一般大路点心都有。唔错唔错,点心好味,茶又好饮,饮左三大壶茶,哈哈。 继续阅读
(以上食记乃用户个人意见 , 并不代表OpenRice之观点。)
等级4 2020-05-24
1591 浏览
朋友生日。本想去那些大酒楼。因为最近大部分都有折。点知因爲疫症缓和。很多都暂停优惠了。所以就决定试些平时很少机会试的菜式。刚好发现这里有一个名叫「金钱鸡」的菜式。所以就想嚟试一次。这里可以用whatapp订位和收菜单。详情可以打去酒楼查询。都算几方便。因为有时开饭网的资讯未必最Updata.讲返今次经历:首先我想讲餐厅今次比的位置系近窗口。听落都好似几好。因为这里都算高座数。但其实我想讲系零景观。只系见到对面大楼。还有最重要的事情就系超多蚊子🦟。劲讨厌和恐怖。我自己都拍死咗两只。其实我都好唔明白。根本间酒楼就只有几张客。唔明白为什麽唔可以比张大点的桌子。这方面真系好反感⋯⋯讲返食物的:首先食的就系鸡。因为容易处理和比较快完成✅。这只鸡都还可以。四人份量都算大。我地刚好食晒。上汤焗龙虾有伊面底。都算大份。都系四个人刚刚好。上汤都够多和够味。这个就碗上。开始时都唔知份量多少。但原来都可以每人两碗。寿包就不过不失。一人一个。当做给朋友生日的一个好意头。这个炒饭其实真系只作填饱肚。这两个龙趸两味都几好食其实今次最主要系试食这个金钱鸡。本人从来都未接触过这味菜。一人一个其实都比较少。食落口感好有趣。唔算太肥。这间餐厅今晚无咩客。可能因为疫情关系。或者佐敦美食太多选择。这里的环境很差。唔算高级餐厅。但价钱都算大众化。希望可以改善酒楼格局。但听说已经装修过应该唔会再试晚餐。因为想试的已经试咗。份量又唔多。唔叫套餐都唔知点选择⋯ 继续阅读
(以上食记乃用户个人意见 , 并不代表OpenRice之观点。)
等级4 2020-08-13
314 浏览
工作大佬要调职,大家约出嚟食饭欢送佢,同事订咗呢间饭店,去到是旧式酒楼feel,地方大,我哋订嘅房都大,一张大枱之外,剩余地方都可以好松动放了梳化及细枱!风景先惊喜,望到弥敦道,好开扬无压迫感!不过刚入房有弹霉味,要开大冷气先开始散去!佛山燻蹄($52)薄切肉皮弹牙,肉唔嚡沾醋好味海蜇凉拌莴苣丝($58)莴苣丝无乜,不过海蜇弹牙爽口,又腌得入味,加上芝麻香口好食!酒席全包($6080)前菜六小碟:怀旧金钱鸡:件肥猪肉太惊吓,我唔敢食,食咗嘅同事话好好味陈醋云耳:爽口弹牙,酸酸地开胃杭椒葱烧鲍鱼:鲍鱼仔弹牙,咁嘅煮法我第一次食,虽然辣,竟然好夹鲍鱼,好惹味(平时唔喜欢鲍鱼嘅我都觉得好味金砖豆腐:炸得好靓,外脆内滑,香口好味卤水猪仔脚:我唔食猪脚,,食咗嘅同事话好好味青瓜海蜇:青瓜爽脆,海蜇弹牙,腌得入味,好食鸿运乳猪全体:皮脆肉唔太肥,好味盐擦奄仔蟹:超正!焗得透,咸香好味!加上爆膏!膏好香浓软滑!半只真系唔够喉粉葛鲮鱼赤小豆猪小肚粉肠汤:够火喉,汤起晒沙,够味唔味精,唔喜中汤嘅我都饮咗两碗豉蒜凉瓜燘沙巴虎斑:我唔食凉瓜,第一次食呢种煮法,汁煮鱼肉都滑,多了汁酱嘅味道丰富口感!(不过我喜欢清蒸多点,比较清爽)清汤萝卜牛坑腩:牛腩肉质弹牙够牛味,萝卜比较唔够入味,啖汤先系精华,好香饮咗两碗豉椒炒大蚬:惹味,大蚬无沙!好味艇王浸芥菜:唔食芥菜(因食唔惯嗰种涩味)招牌豉油王炒面:炒得乾身,面弹牙!豉油味香!真系忍唔到食咗两碗(明明已很饱都食咗两碗)糖水—紫米露:足料,唔会过甜!好味滋味椰汁糕:软滑唔过甜!清爽好味食物好味,店员好落力,基本我哋带去嘅酒水跟得足,换骨碟上菜,即叫即做好勤快!很尽兴的一餐($437一个人) 继续阅读
(以上食记乃用户个人意见 , 并不代表OpenRice之观点。)
等级2 2020-07-14
250 浏览
屋企人生日 搵地方晚饭, 众人表决唔想去连锁式酒楼, 搵搵吓搵到去佐敦『新新酒楼』。 原本应该系新新酒店入面,不过酒店现在好像停业了, 酒楼搬到去庄士敦广场。传统旧式酒楼嘅格局,不过都乾净企理嘅。有好多孖宝,特惠套餐。 价钱一般 唔算好贵,但又冇一蚊鸡噱头嗰啲咁平。『芝士龙虾伊面』呢个系小朋友指定要嗌, 虽然系本地龙虾,不过肉质也算鲜甜, 伊面底加芝士酱汁大人小朋友都啱食。衆人最满意竟然系『蜜汁叉烧』, 肉质松软, 入口甜美,当然最吸引系佢嘅半肥半瘦啦。龙趸两食, 这个是老豆最喜爱的小菜, 无鱼不欢。 龙趸炒球够镬气味道标准!清蒸嘅都唔错,不过调味可以稍为浓一点。片皮鸭个个都举手要食, 因为人多分享冇咁滞!蒸笼里面嘅 面粉皮也实在太厚,有点似煎薄撑。片皮鸭热辣辣 即叫即片, 不过衬番个薄饼皮都系好厚切~ 厚厚的肉连脆皮食落冇咁过瘾, 亦比较难咬开。Order了两食,另一款是『凉瓜炆鸭件』, 凉瓜够晒入味, 吸满鸭肉嘅精华, 味道唔错!『豉油王煎大虾』, 睇相以为大虾得4,5,只, 还好用了中虾 😉👍足够分配 每人份量, 煎得很乾身酱汁又惹味!『果皮蒸鲍鱼』, 鲍鱼嘅鲜味就欠一点点, 肉质有点韧, 果皮够香,不过酱油唔够味道,提不起鲜味。生日点可以缺少寿包, 莲蓉香滑仲有蛋黄!饭後有红豆沙糖水赠送, 今时今日已经好少酒楼有糖水送, 唔使你另叫, 有惊喜!😋 继续阅读
(以上食记乃用户个人意见 , 并不代表OpenRice之观点。)
今天佐敦收工,同事提议就在附近的新新酒楼食晚饭,有人推介最好不过。疫情下酒楼防疫措施做足。看看推介,酒楼正在做超值晚饭自选餐,都几吸引,有龙虾、有斑、有汤、有自选小菜,都系讲紧每位168,都真系几抵食。超值晚饭自选餐两位起每位$168上汤焗开边龙虾(每位半只)啖啖龙虾肉,用上蒜蓉调味,弹牙又惹味,肉厚有饱肚感。即日炖靓汤(位)先来炖汤,滋润一下。我们两个人所以可以点两款自选小菜(每位一款),清蒸沙巴虎斑仔和黑椒茄子牛仔骨煲;清蒸沙巴虎斑仔大条,肉厚又嫩滑,蒸得刚好没有过火,淋上蒸鱼豉油更加惹味,下饭一流。黑椒茄子牛仔骨煲,茄子和牛仔骨份量多,而且有镬气,茄子挂汁又软稔,牛仔骨香口又入味。我们还不够喉,另再点了一只红烧脆皮乳鸽$52,不算大只但烧的可口,外皮香脆,金黄油润,肉质腍嫩多汁,都够入味。最後店员送上番薯糖水,好足料,吃得饱饱,十分满足。 继续阅读
(以上食记乃用户个人意见 , 并不代表OpenRice之观点。)