新斗記 (已結業)

夏天，真係唔想煮飯，一行入廚房，就會身水身汗，所以，作為無飯煮婦嘅我，當然就係出街食啦，乾手淨腳，食完拍拍蘿柚就走得當然我會揀去新斗記，通常唔需要點等位就入到去，地方有少少迫，不過食物質素高粟米斑塊，炸得夠香脆，粟米汁分開上，絕對唔會沈淋件炸魚柳蒜蓉粉絲蒸元貝，一個字，鮮！元貝肉厚，粉絲爽口例牌乳豬分量少d，最好就係起埋d肥膏，貼心荷葉蒸蟹飯，蟹夠肥，頂曬肉，炒飯底香泥鯭粥，魚肉已起骨，有果皮香鹵水掌翼。送酒一流，開胃前菜最後仲有糖水送…查看更多

初四七大一小開開心心去食飯，食完一肚氣，每碟餸份量極少，啫啫生菜等於平時街市買一棵，價錢又唔係平，九點半未叫理單就拎張單找數，仲要熄冷氣！侍應態度非常惡劣，沒有下次！…查看更多

知客阿嬸態度極度惡劣初三諗住同家人去飲茶，訂咗位11點我哋11:05分去到竟然話無枱俾我哋話我哋遲到俾咗其他人佢話我哋冇打電話叫佢枱，我話電話無人聽之後佢就勁大聲話我哋。佢爭粗口未講出嚟。極度惡劣係電話無講到無hold枱時間，講到明遲一分鐘都唔得就講聲無問題。跟住我同知客講咁訂枱嚟做乜，叫哂屋企人嚟就無枱，佢話佢公司係咁㗎喇，遲到又無講就係咁。即刻起哂鋼，激冇禮貌唔憂做，鬧返個客轉頭，仲話我好有問題。…查看更多

早一天致電訂枱12點，就話無12點，要訂就12點半，若早到有枱也可安排入座。這天12點到，知客話未有枱，但見好多空枱，她在叫已取飛的入座，就問佢要唔要取飛，這時這位知客好不耐煩的，擺出一副晚娘臉孔説：「我哋新斗記文化係訂位優先！」無耐下叫另一位家人轉頭去取排隊飛，取了10位的一號飛。到12點15分，這位知客就叫10位的一號飛入座，我問佢點解唔係俾我先？她竟説你未够鐘就晤俾你！這時我的家人取出10位的一號飛，我同佢講你唔好俾呀！她竟大大聲的同我的家人說，唔好攞呀！你哋可以走，唔做你生意！…查看更多

今日係荃灣食嘢好多地方都冇位、見到呢度有位就去食啦點左個炸子雞、啲皮唔脆嘅、啲肉正常唔鞋又唔係滑但勁多血、叫咗個川芎燉魚頭湯、正常、同埋蒜蓉蒸蟶子皇、有啲硬有沙！好明顯奈左少少！同埋個菜！兩個人食、埋單七百幾！比現金六百九十幾、嘢食已經唔好食㗎啦、問有冇甜品送、個女經理勁臭串、第張甜品紙嚟、送就冇啦自己叫甜品啦⋯⋯咁我哋點兩個糕點、見到有個男經理走過來、我有問佢有冇甜品送、即刻攞咗兩個紅豆沙過嚟！原來之前個女人根本就冇幫我地點到紅棗糕同埋椰汁糕😑呢間野我除咗覺得個男經理係比較識做人之外、嗰個女人簡直不知所謂、返到屋企有少少攪肚痛、我覺得間野啲嘢食應該唔係太乾淨！因為我中午之後都冇食任何野！呢間新斗記同澳門嗰間爭好遠！唔會再過去食！…查看更多

第一次寫食評就貢獻左俾佢！今日一定開心慶祝父親生日，點知一肚氣！心情完全被破壞。首先，菜單種類小，而且價錢與款式不成正比，最後決定揀了一個二人餐 及叫了一碟牛柳 速速吃完離開吃其他。二人餐份量小還可理解，但牛柳是另外叫的也只得4件，價錢卻收你$128 ！第二， 職員態度惡劣，其中一碟豉油王海中蝦， 蝦仲未熟就上檯而且只是暖，同個職員講，黑住面唔想換 ！到餐後送糖水，揀左三碗喳咋一碗紅豆沙 但就黎左一碗喳咋三碗紅豆沙！同職員講佢又沒反應，我地見係送既都冇要求佢換 但一句唔好意思都冇仲要黑面 仲見到佢做口形講左句痴線真係唔明點解仲可以生存到！第三，食物味道一般過一般。雖然呢間酒家曾經好出名，但態度款式價錢份量味道完全不成正比，一定唔會再幫襯！…查看更多

-今日係放假日，晨早流流就約咗屋企人飲茶。 我哋今次去咗荃灣廣場嘅呢間新斗記，因為貪location方便、 同層附近都好多茶樓比人選擇， 可以分散下人流，唔使點樣等排隊等位。其中有兩款點心，基本上每次嚟親都會叫。所以真心想推薦畀大家！！！ 流心煎堆： 出面係平凡嘅煎堆，入面就係 漏曬心嘅奶黃。 好特別嘅組合，同一般酒樓嘅煎堆好唔同。沙鍋炒腸粉： 呢個真係堅呀！！ 可能因為有個沙鍋裝住啲腸粉嘅關係，由頭到尾都係熱辣辣。__________地址：荃灣海壩街4至30號荃灣廣場6樓615 - 620號舖…查看更多

呢間分行簡直影衰晒其實舖! 個經理簡直不知所謂! 先講食物. 我叫個著名的栗米魚塊竟然送條(毛).同佢個女經理講.佢竟然好似冇乜大不了!對吾住都無聲!跟住講服務態度重衰!佢係經理不過搵吾到老闆連總店D人無個識喎?重話淨係知有糧出就得! 呢D咁嘅服務態度和食品質素一定公諸於世!明早一定會至電它辦事處和食環署.…查看更多

有朋自遠方來，荃灣廣場位置便利，由西鐵站行過黎只需五分鐘，附近仲有一田同AEON，系聚會閑逛既好選擇。呢間餐廳位處頂樓，門外玄關可以直望烤豬火爐，等緊位都可以好奇一下。我地叫左個十二人餐，第一道菜系佢地既招牌乳豬。呢只乳豬既擺碟真系幾特別，仲有兩只手仔腳仔皮薄肥膏唔多，可惜質感過於乾身。另一道菜系炒聖子，味道一般，生粉落得重手。呢只雞既肉質頗為嫩滑，雖然系香港永遠都食唔到新鮮雞蒸魚有d老，蔥花亦唔夠香至於呢味蝦子蒸柚皮認真麻麻，柚子既苦味仲好突出。呢款炒牛肉都系不過不失，似乎呢位大廚特別鐘情生粉。最後既銀芽炒面都幾清新，芽菜爽脆，面線乾身。整體黎講，食物素質一般，招牌菜既乳豬都燒得強差人意，確實失望。似乎當年既米芝連推介對佢系一種自滿，系退步既始端。…查看更多

首先部長態度差，服務生都係，正所謂上樑不正下樑歪，完全表現哂呢句說話！！共點8個點心，除蒸點心外，全部都係唔熱，只係好微好微既餘暖👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻唔會再來…查看更多

食咗一餐一套氣飯，有乜理由，一個蠔煲收收198，只得4隻蠔。一個孖寶，收408，得6片魚，4隻蝦。半隻乳豬收人410， 得幾片真過份。收得貴唔緊要，但唔係當客係水魚。同經理了解，嗰位阿姐又串咀，又話一向都係咁，份量正常，講到我哋好唔正常咁。咁嘅份量，咁嘅收費，好趕客。以前都有幫襯，係有點貴，但從來唔會覺得食完要再去食過先飽！…查看更多

每次經過都很多人在等位我真的很想知道有這麼好吃嗎今天試了之後我終於明白主因不是食物質素 是價錢瑋般我們四個人在鴻星要六百多玩今天在這裡只是三百七十幾 平成半食物中規中矩我們點了十個點心 評語如下椒鹽豆腐粒⋯好味 推介 外脆內軟 又夠熱濃湯腐皮卷⋯太多芹菜 我本人唔喜歡北菇棉花雞⋯難食 啲棉花一pat pat 雞有雪味 千祈唔好叫蝦餃⋯ok喎 皮唔厚米網窩貼⋯普通 窩貼內冇肉汁椒鹽白飯魚⋯一啲都唔脆 失望叉燒腸⋯可以 皮稍厚鮮蝦腐皮卷⋯呢個好食 皮脆又唔太油蘿蔔糕⋯有胡椒粉味 正叉燒酥⋯熱辣辣 不錯由於價錢確實ok 下次還是會去的但會試其他點心 因為不是每樣都好吃餐廳確實非常小 坐得不舒服和鄰台十分近 有點嘈而且餐廳十分重油煙味 環境一般…查看更多

9月1日星期六。時間上午1130門口取位2個。给803号枱。說1300(即個半小時後)交枱。男部長帶去2号房內，是張6人枱。我話唔駛咁大張，他說照坐啦，無問題。時間1151落單。吃了45分鐘左右，叫一碗腍义燒飯。轉頭另一男部長，問除了义飯外，仲有冇其他野，截單。不久，女侍應遞張單给我們，我們話飯未食就要埋單？她離開。等了十分鐘多，送来超肥豬义飯，話換腍义飯，女部長(矮，短髮有金毛)黑臉地說要腍係咁。因為我以前吃過多次，知道佢是亂作，當然緊持要換。未到1230，那男部長又遞張單來。我話飯未食喎。佢話1230要還枱。我答門口同事清楚說1300還枱。他說是1230，我叫他去弄清楚。之後，腍义飯到。约1240，我們吃了大半，那位金毛女部長走来，又遞張單给我。我非常愕然，已經第三次，說不要騷擾我吃飯，未夠鐘。佢態度非常差，話1230要還枱，嘈吵，呼喝。我叫她離開去弄清楚才再來，不要在我們面前嘈。她嘈著出房外，繼續鬧，又鬧同事。我完义飯之後，我叫佢入來，我要她找話事人來。她稱我便是。我跟她說他們的錯，她說門口登記的伙記寫1245。我話很清楚_是說1300交。我話1130到，她認是計個半鐘，怎會是1245。遞3次單！落單纸寫時間1151，她就說我坐了很久才落單！又話我同其二枱(801及2)一齊入，其實我坐下時，兩枱人已經滿枱點心，吃了一斷時間。她狡辯，態度差劣，是在說我們做客的說謊，不願交枱。最後埋單走，時間1300左右。總結是，服務很差，主管態度差劣，管理不善，混亂！(插曲……在以上期間，801枱客人剛坐下，落單轉頭即有侍應遞單叫埋！)。食物已經麻麻，服務加態度差劣，以後不會再去。…查看更多

因為帶了兩位小朋友，加BB椅後會較高，疊起兩張大人椅的高度比較方便進食，所以就疊起了椅子讓小朋友坐，之後問服務員取兩張成人椅但比拒絕，理由是待會有客會不夠坐椅，但明明全場不滿坐但仍不肯多給坐椅。…查看更多

服務差，員工黑口黑面態度差，趕客埋單，坐低拾零分鐘就問你落單叫野食未，因為我地未齊人所以未叫野食，叫d伙計開多壺水又話冇壺，結果無開，食物質素差，地方紐感覺坐得不舒服！飲了90分鐘叫我地埋單！話有客等緊枱，我地係只可以飲個半鐘㗎咋！如果一家人難得去飲茶只可以飲個半鐘，我一定唔會飲！總結絕對不會再來呢間飲茶！…查看更多