影片
真是中晒伏的一餐呀，已经好耐无试过咁架啦，真是唔写出来唔得，今晚简直好黑仔呀 👿👿👿今晚放学后好肚饿，见呢间野写自己出名系鱼蛋王，而且又唔系贵咪走入去试下啰，点知咁就出事啦，难吃到救命呀我一入到去就叫鱼蛋河，以为会正常速度啦，点知后来的客人点的鸡饭，咖哩饭就快；之后另一位鬼佬来早过我，佢碗粉才刚刚先到咋；要我催佢地，先见到个厨房佬系冻椻度攞d 鱼蛋出来，我就心谂不妙啦，total 等左成15分钟碗粉先到。好啦，谂住快d 吃完搭车回家，一饮佢的汤哗淡到呢，又寡清清；算我都知唔洗有期望，点知一吃粒鱼蛋就出事啦，点形容佢好呢，好似有d 怪味定系臭味咁，简单d 讲就系仲难吃过d 街市鱼蛋呀，救命呀！！！仲有鱼片一样系难吃啰！！！好啦，同个女侍应讲话d 鱼蛋有怪味，好似变变地咁，以为佢会主动问我换其他野啦，点知佢话要试下先㖞，仲话可能系腥味姐，系正常㖞，我话唔系啰，佢先至问我要换什么？我问佢有咩简，佢话牛腩会快d, 云吞都ok 可以换5粒比我，于是我就要左云吞，觉得会比较稳阵d, 点知又系唔掂云吞馅里面的肥肉就大把，虾肉就少得可怜，猪肉麻麻，总之就系唔好吃我吃一半吐一半，真是救命呀呢26蚊真是超超超唔值呀！！！
继续阅读
一坐下两位靓女就面带亲切的笑容，给我介绍了几个小菜，有特级好味的猪手，花椒八角很入味， 绵绵而不松散（一绝）， 再嚟炸乳鸽，很大只但肉软软的一点都不会死实实，再到是蚝油介兰，正常的油菜一碟，最后到的也是最有惊喜的净猪杂，爽而入味，没有（苏味）也没有雪味，这小舖价钱十分大众化，服务又很到位，不需求多余的礼貌，但求实际的亲切感，在这人来人往，三教九流的地方，很用心的小店真的少之有少，希望他们能一直保持这份心机长做下去，我就不用再找其他地方吃饭😀。一流的猪杂大大只的乳鸽油菜一碟以后的饭堂二人餐很抵食
继续阅读