新強記燒腊飯店

营业中

休息中

星期日去到佐敦返學，女友介紹依間新強記燒臘店，lunch time 時間人客不少，但好彩都有位坐，我哋坐張靠牆的小圓檯，佢係屬於舊式同冇裝修嘅燒臘店，所有食物都寫曬上牆，我見到乳豬單同雙拼都只係$50，又唔貴喎，所以叫左"乳豬油雞飯一碟"$50 ,而女友叫左"燒鵝飯一碗"$45,依間店有少少奇怪，通常燒臘店係碟上多啲貴啲，碗上少啲平啲！但佢而家碟同碗係同價，同埋係一樣大份！同埋叫左少飯佢仍然比咁多你！點了飯之後，另一店員馬上比兩個好大碗的例湯比你，裡面有雞腳同燒豬腳仔，佢係屬於燒臘店送嘅例水中，佢係幾好飯，好夠味！之後到兩個飯上，我碟乳豬雞比我想像靚同大份，佢乳豬分開兩部分，皮燒得非常脆同好食，斬得又靚又整齊，下面有骨連肉，味道也相當濃郁！油雞雖然不是好出色，但亦都中規中舉交到功課，唯一係佢啲薑蓉油份唔太夠！而女友的燒鵝飯，白飯是分開，燒鵝是分開上的，份量亦相當多，有少少似人哋例牌嘅份量，我哋仲好彩斬左隻肶我哋，皮亦燒香脆，肉質也燒得剛好但脂肪都幾多！雖然比起一樂、陳記都係差啲，但以$45嚟講有依個味道依個份量，仲要有肶，你話邊度揾！不過話是話，我建議大家最好坐中間圓檯，唔好靠牆同周圍

門口永遠見人排隊賣燒味, 但從未入內試過燒味飯. 內裡比想像中污衊, 檯面、座位和餐具都立黏黏, 幸好每檯有一大樽熱茶, 可以作清潔之用.叉燒燒鴨飯, 送例湯, 西洋菜湯, 夠熱, 味精度一半啦. 叉燒半肥瘦, 蜜味適中, 少少甜, 燒得剛好, 七十五分. 燒鴨一般, 鴨皮不算太肥, 但鴨的肉質又實又硬, 好似放了隔夜, 咬落沒有燒鴨的香味.老員工的態度不太友善, 感到混身不自在. 但只收$25, 實在超值.

說起燒味, 叉燒必定是首當其衝人氣排名第一位的.其實現今港九新界也有不少店可以吃到質素甚高的叉燒.今天經過佐敦, 友人又介紹了一家燒蠟店, 說叉燒跟燒肉都做得非常耍家,口講無憑, 當然又要馬上去証實一下.外賣回來一盒HKD$30, 份量也蠻多的.叉燒肉質非常柔軟, 肥瘦適中, 吃下去肥脂也非常的爽, 而且肉味濃郁, 也不會燒得太焦. 唯一是蜜汁不太夠, 如果再多一點相信會更好, 不過現在就這樣吃的話也十分好吃, 不會很甜膩.當然這裡的叉燒要跟酒店級那些相比的話還是有點距離,但以這價錢來說能吃到這個質素絕對是十分抵吃了!!

佐敦好多舊式燒味擋，因租金昂貴而結束營業或者轉入內街呢間新強記在佐敦多年仍然支持至今，是晚九點多鐘路過見肚餓想食燒味飯又見門外師傅準備收擋情況，問吓有無得食店員話仲有請內進入到去除了在角邊有細四方枱就剩下兩三張圓櫈成間都空空如也店內除了我一名顧客，還有一隻貓幫襯選了一碟燒肉切雞飯跟例湯燒肉雞飯份量很多燒肉肥瘦均勻且有肉香而皮還脆雞都算嫩滑，況且加上薑蓉簡直係一碟十分開胃又好味一碟飯例湯見到好多料，但除了咸味都飲吾到有肉味，可能係收擋加少少水同味精滾兩吓交貨所以無飲，進食期間店內枱櫈

我曾說灣仔再興的义燒不算很好，今天我便介紹其中一間比再興更好的燒臘店———佐敦的新強記燒臘飯店。該店旁本來有另一間燒臘店，互相競爭，今天再臨，見那店已結業，是否競爭有了結果呢?Shirley 每次經過均會買這裏的义燒和燒腩回家。 她說時常見這裡的員工將一串串熱辣辣的义燒由後舖拿出來，並非批發來貨。 這裏的义燒有明爐烘燒的美味，肉質結實，沒有明顯的醃味； 燒腩皮脆肉香，卻仍保留了豬肉本身的濕潤，不過火，可謂功夫獨到。我未吃過再興的燒肉，但論义燒的味道我便較喜歡新強記了!

佐敦附近的燒臘店差不多全都試了 最好的莫過於是新強記!! 從小吃到大~雖然在跑馬日, 店員的態度是會比較惡劣一點啦~ 並且有些時候會比較對自己人好一點...何謂自己人嘛?! 就是本土的家庭主婦, 因為當有賓姐姐和印姐姐到店買燒臘時, 可能給予的燒臘部位不是最好的~ 這些, 就是街坊老店的特色吧!! 這天, 爸爸買來了叉燒加餸, 本來還想買生腸頭的, 但很可惜售罄了 叉燒還保持一貫水準, 肥瘦適中, 而且燒得剛好...既有色澤, 亦有味道, 歸功於出色的蜜汁, 跟師傅控制的火喉!! 燒臘的功力, 確實是要年月累積下來的...說著說著, 開始掛念他們的燒臘飯盒下次到佐敦時再到那一會吧!!

十月上旬‧晴談起，才知我對佐敦附近的燒臘舖所知不多，那不是辦法！來看一看。記憶中，這邊有三間燒臘舖，好運、凱旋門及這裡。看過，好像這裡最像樣子，就要了一碗叉燒飯（要焦叉），扣底，免浪費。例湯看來是青紅蘿蔔煲豬肉，但在裡面撈出叉燒...我知，呢碗例水是送的，好明白。叉燒看上去已不太像樣，肉質厚且乾。吃起來蜜味淡，沒味，還好肉質不算太韌。不過還有個小優點，就是份量多，一大堆叉燒，加扣了底的飯是怎樣也吃不完。叉燒$20一碗，怕不飽？加$1，要一碟叉燒飯也只是$21而已。不pass，再找。

今日午飯時間偶然行過上海街，想食燒味飯，見有兩間燒味店並排開舖，但一間其門如市，另一間門可羅雀，想必事有蹊蹺，於是行入去試吓！入面地方唔算好乾淨，都係麻甩佬式燒味飯店，而且仲要等位。等位期間，聽到個個都嗌一個冷門嘅配搭—叉燒燒肉飯，於是我又不甘人後，又叫咗個食。雙拼飯一碟都係廿蚊，仲有例水送，已經係平。碟飯一到，叉燒有大半隻手咁多，而且肥瘦比例啱啱好，食落口爽口又冧，汁濃肉香，如果各位食過「再興」叉燒，實在係有得揮！跟住啲燒肉仲驚喜，啲肉一啲都唔鹹又唔太肥，而且啲肉唔係死實實，塊皮最出色，竟然可以做到好似乳豬皮咁又薄又脆（真係好似紙咁薄）。間舖仲有分開燒腩、燒鴨、燒鵝嚟賣，開頭我都唔明點解會賣咁貴（燒腩飯成50蚊），但食完個飯就明哂！下次一定要試吓其他燒味！