新康記粥店

营业中

休息中

喺大坑好多年嘅傳統街坊老粥店。 皮蛋牛肉粥粥底幾綿，皮蛋同碎牛肉份量都滿意。 近排天氣太熱，如果唔係要生滾粥應該會更鮮甜同綿。炸兩腸粉質感幾滑。 至於入面嘅油炸鬼，如果多人幫襯，流轉速度更快，應該可以再脆啲，而家只能夠講話還可以啦。整體食物質素嚟講，又唔可以話咩美食推介，但起碼都係合格有餘嘅街坊粥店。仲記得幾年前話唔做嘅時候，突然間群情洶湧，食粥都食到排曬隊。 之後搵到鋪頭重新開業，而家又静返曬。 加上天氣越嚟越熱，同香港人口味嘅轉變，傳統粥鋪其實都唔易做。

對上一次離康記係以前嗰間康記，都應該係十幾年前嘅事 。雖然知道轉左手，但都想試吓可唔可以keep到以前嘅質素魚腩粥：粥係綿嘅，魚腩有三四嚿但幾腥皮蛋魚片粥：朋友話啲料比較少叉燒腸：腸粉冇以前咁滑，叉燒唔係好多，但又多肥肉，唔係好食到叉燒味炸兩：我期望即場食會脆，但偏腍見到佢門口個招牌拆咗個「新」字落嚟，但好可惜keep唔到以前嘅質素。價錢係平嘅，但我寧願佢貴啲但做到以前嘅味道 。難得嚟到大坑就食呢一餐，失望。

每逢星期日，同屋企人去完教堂，就會特登入去食返碗粥，呢一間康記粥店嘅粥品，價錢幾合理，生滾粥都只係$37 ， 而百搭粥品最平嘅白粥都係$12 ，我最鍾意食豬紅艇仔粥都係$25 ，真係非常抵，又大碗，我同屋企人好鍾意食佢嘅炸兩，同埋鹹肉糭，油菜都一定要叫！呢間粥店嘅營業時間係朝早七點到夜晚九點，逢星期二休息！炸兩必食啦！好味道！一碟一定唔夠喉！🤣🤣🤣油面都好好味，又唔會太油又唔會太乾！不錯🤣菜類就$27環境就一般，因為得幾張枱，好快爆滿，不過可以坐出邊門口，有兩張枱

近日，我和妹妹一同探索大坑地區，意外發現了一家隱藏在內街的賣粥小店。儘管位置稍微有些難找，但這也讓這家小店相對人少，成為一處寧靜的用餐場所。我們充滿期待地進入店內，點了魚片及第粥、皮蛋瘦肉粥、炒麵、炸兩和豆漿。首先，魚片及第粥。這碗粥用料豐富，特別是豬潤，份量十分多而且口感爽口。食材的鮮度非常出眾。而且，粥的煮得十分綿密，好好味。接著，皮蛋瘦肉粥。這碗粥同樣足料，皮蛋和瘦肉都十分新鮮。炸兩。或許是剛剛出爐的緣故，油炸鬼十分脆口，而腸粉則滑順可口。整體而言，這道炸兩令我們滿意。然而，炒麵的味道相對來說普通一些，但卻用了較少的油，比較健康。最後，我們品嚐了店家的豆漿。豆漿的味道有些淡，不過卻不添加過多的甜味。反而對喜歡少甜的我，更喜歡它的健康。總體而言，我們只用108元的價格就享受到了如此豐盛飽肚的餐點。這家小店的性價比非常高。這樣的抵食又好味的體驗讓我們決定將來再次光顧這家店。

康記粥店喺呢區算係幾出名，雖然唔知新康記同舊康記有無分別。今日lunch嚟到都無晒位要坐出面，呢個天氣下都係唔錯嘅選擇。我叫咗雞粥，份量大大碗，都有雞味，但雞肉就唔係好見到XD 覺得食粥好矛盾嘅係，食到一半就會有啲飽肚，但好快又會肚餓然後再食。不過，37蚊一碗粥嚟講都算係咁了。老闆攞錯咗碗粥比我地，但朋友堅持唔要，老闆就再煮過，於是都等咗一陣先有得食。朋友叫咗湯粉同炸油條。老闆好忙，我地需要自己去隔離枱落調味料，可惜嘅係無麻醬！

極度之差既體驗，受氣指數100分，難食指數90分，風和日麗既weekend已被完全地破滅左，超伏呀！幾個人同行，除左每人嗌左碗粥，另外都追加左幾樣小食。我地禮貌地問店主可否要碗仔方便食小食，店主即刻黑曬面話🙎🏿‍♀️（唔會俾碗仔！要碗仔既話，你地下次唔好再黎😠）除左勁受氣之外，食物都真系好一般，粥水真系水既比例好高，啲瘦肉好鞋同埋超咸。炸兩入面既油炸鬼都非常硬我真系唔敢再幫襯！各位請三思而後行😖

開完會晚上7點，有d餓，經過粥店，不如就係呢度食粥。點左免治牛肉粥，齋腸粉。粥比想像中好，腸粉一般。見到唔少街坊黎買外賣。應該幾好生意。依家想搵間懷舊粥店唔容易，好值得珍惜。

最近多左落大坑搵野食,見到間好出名既康記粥品 今晚就決定試下佢既粥底係咪真係咁堅先!粥既選擇有差不多30幾種,真選擇勁多!生滾粥好吸引豬紅滑牛粥 $37 ,豬潤肉片粥 $37 油器一件$9,腸粉$13腸粉係用竹板拉腸粉,特別香滑,個腸粉皮係好薄 加花生醬同甜醬好好食粥份量適中牛肉十分足料 值得一試 粥底本身好香甜和綿滑稠身的粥底有米花 粥面灑上香脆花生蔥花食落更香更好食肉片粥 碗粥底也非常綿滑和足料 味道特別入味 沒有雪藏味道大坑京街9號地舖消費$100評分8/10

話說午餐不出街食留在家中叫外賣，換來一肚氣！艇仔粥呢個真係要好佩服師傅嘅手感，我成碗粥居然得一塊豬皮！魷魚就像牙籤一樣嘅粗度，感恩呢個有四五條！免冶牛肉，就像碎牛一樣，有十幾粒！成碗粥嘅配料感覺就好似人哋食淨一樣，少得可憐🥺花生又無，呢個真係奇蹟，我成世人第一次食咁嘅艇仔粥！及第粥第一口入口，就有好強烈嘅鹼水味道，呢個我都明白內臟嘅嘢係要少少鹼水去拿，到我食舊豬潤，又霉又爛，一浸臭味你正常乸過嘅豬潤係爽口！打電話給店家解釋換來嘅答案仲搞笑我跟他說那些豬膶有咁臭味！她居然答我『新鮮的昨天買』琴日買你就唔好話新鮮啦⋯⋯炸襾外賣來講都算可以，仲係脆身的但居然得包豉油係無任何醬料的！這些經驗一次就夠

傳統粥店已經賣少見少，要尋回兒時的味道，這間小店一定不會令你失望。老闆夫婦每日零晨就開始煲定粥底，又會親手做米漿蒸出各式新鮮腸粉，炸油炸鬼、咸煎餅、牛脷酥等，你亦可以點各式粥品，其中魚雲魚腩粥和炸兩最多人鍾意💕

🧂呢間店之前因為加租曾經結業，宜家喺隔離舖位再開！呢啲老店真係越嚟越少，仲堅持手拉腸粉，佢啲腸粉嘅口感真係同出面唔同，而且仲好有米香！炸兩可以揀炸一腸、炸兩腸同炸二腸，封面張相係炸兩腸，但我打錯做炸一腸🙈佢哋其實都只係大、中、細嘅分別😆佢嘅豬潤粥啲料都唔少，塊塊豬潤都好厚身，而且仲有好多塊，食完其實都幾飽㗎☺️-成日幫襯大集團，不如支持吓啲小店啦😚

5點幾去大坑揾食...本來想食車仔麵，但原來已經收左舖，行過路過見到呢間有粥食，好耐冇食又有位，就同朋友入左去😀叫左個炒麵，豬膶腸同皮蛋瘦肉粥，一齊share食 D野上得幾快，炒麵同粥黎先，個麵個頂好多芽菜，麵份量ok , 不過D芽菜好似冇煮過咁，有D生同腥 。個粥幾多料，就是略咸。個腸粉終於黎啦！個皮算滑，幾好食~但D豬膶就有D怪味同有比較碎，唔太中意。冇食晒！ 總括黎講，尚算可以。到俾💲個時，佢加多左1蚊，問番佢，先知原來share食個碗要俾💲，因為佢話冇碗，俾左外賣碗 我地 。咁都得！！之前又唔講，分別呃人因為趕時間，所以都冇理論 。用D咁既手段，雖然只係1蚊，但係印象分跌到谷底 大家小心唔好中招！

今晚想清清地食下粥，大坑新康記都吾係第一次食，皆因佢粥底綿綿，食到最後都吾會水浠浠，腸粉有口感，所以每次去都係指定必食的，還有佢地既炒麵，不論口感、味道都吾錯。

去完旅行食太多唔太舒服，喺醫院睇完醫生要揾啲嘢食先返公司。上網揾咗呢間粥鋪，天氣太熱唔理咁多入去試一試。入到去都係正常一個人帶位落單上菜，門口無人就指咗我坐門口，開揚啲會熱啲。我叫咗一碗粟米粥同一碟鮮牛肉腸，希望會夠飽。粟米粥應該係用罐頭粟米，粥夠米量無偷工減料。鮮牛肉腸都好足料，每一嚿都有牛，不過腸粉一啲都唔滑，非常厚身，只求填飽個肚而無乜功夫可言。整體而言，價錢合理，質素正常，食得飽，環境一般，飛蟲難免，區內無乜粥店，唔要求太高嚟呢度食都還可以。

上次結業黎過一次，記得腸粉伯伯係門口捲炸兩今次睇完醫生黎順便再試試雞蛋腸粉粟米粥同埋炸兩～～～～～～～～～OK唔錯，不過又未至於要特地入黎食普普通通不過不失啦！