新幹線刺身外賣專門店 (已搬遷) 新店位置

呢間刺身店都開左22年...我未出世佢就開...記得細細個...就已經好鍾意食三文魚,又咁岩住新幹線對面...3.4歲就落街買,就算唔夠錢,d哥哥都好好人買比我同阿妹...有段時間搬左遠d住,就一排冇食過...而家搬返去ssp...就成日買...正題:估唔到而家仲咁新鮮,仲係咁抵食...半條三文魚..$538...仲有豉油同芥辣送客人唔多,做親都係熟客....聽講,間鋪就租滿...唔知之後會點呢...

慶祝媽咪生日, 又唔想出去吃飯, 就試下叫刺身外賣返屋企吃啦!!係網上搵左好多間外賣刺身鋪頭,好多都唔會在星期日送貨!但找到呢間"新幹線"肯星期日中午就送貨,見到佢地價錢都OK,好啦!! 扑搥落ORDER啦!!! 牡丹蝦(半打)正! 好大隻, 好肥美!!!好新鮮!! GOOD!!!甜味... 就一般啦!! 生蠔都好大隻, 唔算太腥!落茄汁食, 都幾好味! 肥美三文魚腩真係好肥, 同埋都真係好肥膩下!但吃左生蠔和牡丹蝦後, 實在太飽!!吃左一塊, 已經食唔落! 下次... 如果再叫呢間鋪頭的外賣, 可能會叫番普通三文魚,因為實在俾佢GE "肥美" 嚇親!!

某日遊電單車河經過見到有間好似魚檔咁既嘢，發現原來係賣刺身壽司架喎，於是就拎咗張外賣單睇下啦，都幾抵食喎...今日小兩口諗唔到夜晚食咩，我就提議試下佢囉！早兩個鐘打電話去訂，陣間自己出去拎。我一向大食，叫咗個A餐-三十件壽司&刺身拼盤，個拼盤有墨魚、榮螺、三文魚、立魚、竹節蝦、針魚同劍魚腩，每樣六七件左右，仲有一小板海膽。$480,外賣自取$430（送埋一枝豉油同wasabi)，實在好抵食！我咁大食，食完飽到唔想郁！講味道，元氣好過佢，但佢ｄ料其實唔算差，不過刀工就有改善空間啦！無論點，咁既價錢，確係好抵食！網址：http://www.newmainline.com.hk

食過一次就上穩的特肥三文魚, 脂肪奇高, 不過忍唔住每個星期都要食一次。

老公生日又唔想出街食，於是就買壽司刺身外賣返屋企~$330套餐，有三文魚刺身40塊 + 什錦壽司30件。刺身新鮮，切得厚身；壽司大件夾抵食，用料都好新鮮，唯一略嫌D飯太大件同硬o左d，少梗d醋味~但全家人都食得開心，最緊要冇肚痛，證明都係新鮮貨~老公Happy Birthday~!!

平安夜X\'mas Party, 我哋係「新幹線」度訂咗兩盒Party Set,一盒係刺身拼盆, 有魷魚片加蟹子、赤貝、立魚、三文魚、北寄貝同原隻甜蝦,好新鮮, 好足料, 正! 特別係啲原隻甜蝦, 正到暈~~~~另一盒係壽司, 有三文魚、鮑沖墨魚片、蟹子軍艦、熟蝦同北寄貝,都係新鮮嘢, 仲好靚仔添! 兩盒加埋都係$385, 仲送埋成支Wasabi 同一大樽壽司鼓油比我哋, 好抵食喎!又好食過Super Market 個啲, 下次再開Party 叫到會一定要考慮下呢間!其實間唔中老公都會係呢間嘢買一盒仔三文魚我食架~~都知道呢度啲刺身新鮮, 但就未正式食過佢\其他嘢,同埋呢度仲有生蠔、龍蝦同象拔蚌, 有機會一定要試下!!

經常去買個度外賣，刺身真係好新鮮，每次必吃三文魚‧有一次仲見到個師傅現場表演劏魚，即切切pack，勁正。壽司就不過不失，有時候d飯太琳，所以都係食刺身好。

I ordered Shshi and Shashimi from them so many times. The price is very reasonable and the quality is always great. The beauty of delivery is so convenience. I can stay home and play with my WII while waiting for the order.I highly recomment it.Recommend item:SalmonOysterGeoduckLobster..

發薪的日通常會同同事叫外賣返嚟一齊食，今個月我哋再叫外賣魚生壽司，前幾個月叫過一次，大家都覺得ok，所以今次係叫一盆物卷24件，雜錦壽司30件，一磅魚生，total唔過$400，但果度要滿$400先送貨，所以店員就將我哋個魚生湊夠$400！送嚟嘅時間比預定早咗半個鐘，食物都新鮮，唔馬虎，魚生夠鮮味，包裝得好整齊！所以長叫長有！

本身好鍾意食三文魚,老公介紹呢間畀我試,價錢同超級市場差唔多,但又真係新鮮好多、好食好多喎~不過有d都幾貴架~但咁新鮮,都值既~~

咁價錢其實無咩要求。母親節去訂壽司，店員應承6點半做好，去到佢話無，要等多陣，7點再去，又話要等多陣，7點半再再去，店員再再話未得要等多兩分鐘。見住門口都仲有一班人等緊，有d係早過我order，於是發火再三問店員幾時有，佢先懶懶閒話比我聽邊個客到先就比邊個。咁仲乜要我預訂，仲乜叫我等。真係好離譜，佢地一定認為自己生意多到做唔完，唔稀罕一個半個客。食平價野就要受d咁氣，下次情願唔食。

Highly recommended...Sushi, little abalones, lobster and cherrystones are all really fresh and yummy! Price is absolutely reasonable! It's worth to eat but u need to be patient cos it takes quite a long time to wait for the sushi.

呢度d野唔錯, 不過只可以買走,但係d野好新鮮,有時仲會見到佢將一大條三文魚o係你面前劏開~感覺好新鮮,o係出面好少見到~價錢都ok,好過去食迴轉壽司~

我買過一次,其實真係冇特別,壽司比較細,不過都比元綠好食,比元綠平好多.不過以lee個價錢黎講,真係抵,算唔錯.

呢度唔係料理店,只可以買走<br />我貫左象拔蚌,係你面前磅, 好均爭,幾抵。