新天地 (裝修中)

如果唔係同事帶我去，都唔知荃灣工廈有個隱世新天地。😂呢度位於銓通工業大廈，佢都有做晚市，夜晚格局似酒bar地方濶落，裝修有型。Lunch set選擇都幾多下，我地叫左豚肉生薑燒定食 & 冷稻庭烏冬配天婦羅，附送飲品，免收加一。《豚肉生薑燒定食 》賣相ok, 豚肉嘅份量都算多, 但係唔夠醬汁。《冷稻庭烏冬配天婦羅》炸物唔夠多，但主要食烏冬就無計，烏冬幾好食，夠咬口價錢約7，80蚊左右，如果Lunch一次半次食好野都Ok嘅。

隱世火鍋話說周末假期同班friend去睇完電影🎬，有朋友知我鐘意打邊爐所以就介紹我地去呢間餐廳試o下😬 佢位於工廈入面環境唔錯望到荃灣海旁㗎🌊 仲有d好日式風格添！一入到去焦點放左係知懷舊咪高風嗰度原來有得點歌唱K 㗎坐低左一陣個服務員就好細心咁介紹呢個餐有啲乜嘢食d前菜頭盤好特別幾正宗日本feel有我最愛嘅魚生拼盤😋主角終於出場啦呢個籌喜燒湯底好特別 去面有一大舊綿花糖 店員會一路淋個湯落去 超治愈😂紗布紗布點可以冇牛肉呢 個和牛好滑入口即溶 當時第一眼見到點解有壽司可以打邊爐嘅原來呢壽司入面係墨魚滑好特別！之後我哋就切左一個日式部隊鍋出嚟😍😍對配料都好充足如果多啲肉類就好啦再黎有日式路端串燒 同埋燒玉子個玉子不得了 入面係流心芝士😋最後個甜品非常精緻係日本嘅和菓子 食完有啲衝動飛去日本添！

香港南豐紗廠附近的美食新天地位於荃灣西站附近的TheMills南豐紗廠們最愛去的一個景點，這次去就是距離南豐紗廠，走路10分鐘的日式串燒小店一直是很多港女們打卡聖地，這店是在銓通工業大廈6樓，裝修環境都非常有格調，食物都 非常有質素，我去的時候是下午3:30左右餐牌上所有食品六折優惠，還有一罐啤酒附送的，他們家星期一至五下午三點至六點全部食品都做六折優惠，優惠至8 月31號啊！ 即場 @他們家IG已經看到優惠券，讓大家參考超級推介荔枝豬肉捲燒魚也是非常好吃，所有食物都是即叫即，燒店內還可以有KTV唱，絕對推介各位朋友們去！

吃喝玩樂日式火鍋🍲有老友生日，有人提議來e間餐廳，因為除左有得食日式火鍋之外，還有可以唱k一上到去餐廳環境很不錯，服務員服務都不錯，我地先點左set，之後玩陣唱k先再開餐。 頭盤，好精緻又好食😋，刺身（五人份）份量吾少，D魚文魚又厚切，蠔又夠新鮮。主菜日式火鍋🍲：有棉花糖係鍋上😍開爐加上湯之後融後，湯底甜甜我最愛，D 牛都不錯，如果多幾塊會再好D。不過之後仲有串燒，沙律🥗，日式炸雞🍗，兩客玉子燒同甜品🍮份量同味道都不錯，食得好飽。 食飽之後再唱陣K先走

今日約左一班朋友食飯，去左一間近期fb大熱既新餐廳大家都衝着雲朵壽喜燒而泥內部環境不大，平時閒日只做午市期間限定套餐都好豐富$398一位，拎住英雄片票尾有8折，計返都係3百零蚊到一位，有折抵食好多，仲有得唱k四格前菜有鮑魚、青瓜漬、芥辣八爪魚、青檸三文魚子漬、柚子蘿蔔漬、淮山⋯⋯隨後送上刺身好豐富有三文魚、生蠔、帆立貝同牡丹蝦職員提議我哋將刺身蝦頭轉做炸蝦頭，又變左另一個唔錯既小食到主角出場雲朵壽喜燒職員幫手淋上壽喜燒湯底，隨即棉花糖溶入湯底內，亦提提第一轉既湯底會偏甜火鍋配料方面，有提供左北海道雪牛、牛小排、豚肉、芝士竹輪、蘿蔔同看似是壽司，其實是墨魚滑像真度好高，還有蔬菜籃同鳥冬淥三、四下牛肉就食得，口感很軟腍食串燒最開心就係同一班好友一齊吹水串燒真係唔錯軟殻蟹沙律、一口炸雞粒同蛋捲都中規中矩最後上埋甜品和菓子，今晚真係超級大滿足

有朋友介紹黎左位於荃灣既呢間新天地， 呢間商廈裡的新天地 內部裝橫都好骨子，有別於一般既樓上cafe 佢既食物並非一般既cafe小食或意粉類, 而係主打時下流行既日式雲朵壽喜燒套餐.餐內配有魚生刺身，日式串燒， 天婦羅同自家玉子燒甜品仲有好精美既和菓子. 我想講佢$398 一位， 我初時都覺得有d貴 但當佢d食物上到我面前後我就反而覺得值啦. 因為佢地肉類並非普通放題既質素而係用上北海道大雪牛既牛肉, 入口鬆化 最正既係個場感覺好舒服又有得唱下K咁. 感覺好relax!.. 簡直係一個開party包場既好地方..成個餐好豐富, 由其係佢個自家玉子燒, 整得好好味:, 基本上我同朋友們5 個人食真係食到攬住個肚走。

睇完戲之後，我哋一行五人嚟咗呢度打邊爐，因為見到個雲朵壽喜燒好吸引！黎到感覺好溫馨，都係木製嘅枱櫈，有棵大樹做裝飾，窗外仲望到海添，成個感覺都好舒服，好適合三五知己嚟聚聚舊。店員仲介紹食完野之後可以試吓佢哋嘅唱K設備，不過我哋實在太口痕，忍唔住邊食邊唱，太興奮啦，野食又好味，又有得唱k, 歌好新，音響質素好靚，真係得呢度先有！講番啲嘢食，晚市做緊呢個壽喜燒set, 超級豐富呀！仲要冇收+1, 整體味道係超出我期望，非常有水準！首先嚟嘅有四格前菜，最鍾意個Wasabi魷魚，好惹味，有嚼頭。其餘仲有青瓜，原隻鮑魚，明太子沙律，魚子等等，一共有8款，開心～然後就有四品刺身盤，燈櫈～好吸晴呀，望落就覺得好新鮮，有生蠔，三文魚，帆立貝同埋牡丹蝦，入口好鮮甜，果然係靚野。蝦頭仲可以幫我地炸埋黎食。然後就嚟萬眾期待嘅雲朵壽喜燒，個鍋上面有好大舊棉花糖，實在太可愛啦，店員慢慢倒入壽喜燒汁，朵雲就慢慢融掉，先試一啖湯，甜度適中，不會死甜。然後就到配料出場，好豪華呀，每款材料都拾級而上，我哋由最頂開始食起，一次過擺晒啲蘿蔔，芝心竹輪入個鍋度，同行友人好有心機擺到好靚～最特別嘅配料，莫過於有墨魚滑扮成嘅壽司

Happy Friday跟同事一起食lunch，電話訂枱及預先選定套餐，去到唔駛等，即刻有得食。地方都幾大，唔會坐得好迫，仲有大投影屏幕。嚴重選擇障礙，款款都太吸引了唔駛加一，包飲品。最後選了D，好豐富先食右上開胃沙律，左上的蟹柳勁大條，而且份量多，面埋壽司飯、玉子蛋，感覺好清新又唔濟。左下的壽司有少量的蟹糕，但因為少得可憐，基本上食唔出。右下西瓜清甜兼無核。面埋麵豉湯及煎茶，實在fantastic

同事話開左新餐廳就上黎試試，但講到餐廳名呢，就無乜邊個同事肯定到，好奇怪啊。是日上到餐廳一睇，又真係有好多名喎，餐牌門口等都寫叫鮮味工房，但收銀隔離又寫叫新天地，地下大堂水牌寫叫金水壽司，咁究竟呢間餐廳叫咩名呢…？午餐第一枱客，揀個二人位坐先，店內寬敞冷氣足。仲有大電視，唔知夜晚有無波睇呢？落完order即刻出單，睇睇先，午餐唔使加一喎。跟餐送的冬瓜茶同煎茶，兩杯都揀了熱的，冬瓜茶清潤少甜，煎茶夠香，兩杯都夠哂熱好飲。B餐－鹽酥雞配台式滷肉飯（$58）小試牛刀，來個熟食穩陣，套餐賣相不俗。滷肉幾入味，但略少唔夠撈飯，而飯很軟綿又大碗，一碗絕對夠飽啦。鹽酥雞香脆，啖啖雞肉粉唔厚，可以鹹多少少更好，可能自己重口味啦。醃漬木耳，酸酸地幾開胃。F餐－天婦羅蝦雜錦便當（$78）同事點了天婦羅餐，賣相靚仔。有炸蝦，炸薯餅，魚餅，沙律，螺肉等，味道大眾貨式不過不失，飯加了芝麻海苔幾有誠意，仲有碗麵豉湯，份量對得住價錢。埋單後有雪米滋送門口明明叫鮮味工房，點解入面叫新天地？我估佢夜晚做火鍋叫另一個名，anyways，openrice只找到新天地，就咁叫佢啦。味道唔錯，份量大，價錢合理，加上近公司，應該

同事說銓通六樓開了新餐廳，食完之後很滿意，見她的相片也是很吸引，隔天同幾個同事就去try try，12點鬆d見到樓下有仕應在掛banner介紹新餐廳。上去之後就見到還未有人，我們是第一枱客人，餐廳晚市做蒸氣海鮮鍋，所以座位設計很特別，三大張長枱上面有蒸爐，然後中間放一兩張細枱，有點迫及奇怪的感覺。牛餐選擇好幾款，台式三款包熱飲，日式七款只是包杯煎茶。不算特別抵食。點了和風蛋牛丼，賣相也是豐富的，丼用料也豐富，有西蘭花有d奇怪，飯唔夠熱，牛肉比較碎。面豉湯正常有些魚蛋，葱等，唔濃唔咸剛好。冷盤係蒜頭，幾特別，有些醬汁，蒜頭係爽口的，一點也不像，沒有那濃烈的蒜味，螺肉同青瓜正常。同事叫了鹽酥雞配滷肉飯，加15元特飲係橙雜，也幾靚同好fresh解渴的。鹽酥雞賣相少少唔同，顏色十分淺色，有d炸了的紫蘇葉，另一碗滷肉飯也是正常味道，一碟木耳係辣的同有芝麻，雞肉有d不平均，一些熟一些唔熟，因為同事也沒有打算再食，所以沒有馬上反映意見。另一份係特選壽司套餐，四款指定，三文魚，帶子，蝦，魷魚，其他每天不同，鰻魚，牛肉，蟹棒，魚同加州卷兩件總共十件，跟沙律同湯，壽司也是新鮮的材料，味道也是好的。係有用心

昨天第一次來到新天地，環境舒適，地方整潔，冷氣位仲加了風擋，看得出老闆是個好細心的人喔⋯⋯期間侍應/老闆也有與我們交談，很有heart!餐廳提供台式及日式料理，外賣自取更享有8折優惠🤩。我點了蟹糕蟹肉飯配壽司便當，另外配有豐富的蟹子沙律菜和半個🍊，剩係賣相已經無得輸，顏色配撘很用心，好有兒童餐但大人版的感覺，唔捨得食；味道很豐富，蟹糕好香，食完好滿足呀！同事點了極尚魚生飯，有蝦、帶子、吞拿魚丶三文魚加溫泉🥚，超級新鮮美味，這是間性價比的餐廳，下次會再來食過