新唯一茶餐廳 (已結業)

紅橋下午茶時段好多餐廳都好多人唯獨呢間另外，並唔係冇原因！坐底冇耐，女侍應不停講仲有午餐仲有午餐！餐廳食物種類比較少，唯有試 干炒牛肉河 加 凍奶茶！女侍應 仲話加埋例湯都係加8蚊，好抵咋....試下囉，反正唔好食都冇下一次！先飲凍奶茶，茶味淡如水，落好少奶！d冰又超大粒飲左兩啖已經放棄！例湯 飲得出有肉味，實際係一碗有肉味既水如果要加錢飲呢d野?真心想問值得嗎？仲要加8蚊 我寧願飲可樂算干炒牛肉河出事了，未食就聞到廚師炒得過火，呢d咁幼身既真係叫河粉？ 定係算裸條呢？先食牛肉，擺到明就炒過火，完全係un到咬唔到，佢唔係牛肉本身既問題，而係炒到過熟引致牛肉咬唔開，再到所謂既河粉，食落口就知道炒得太耐，豉油落得太重手，死咸！個底既河粉仲要痴埋一舊舊，真心係炒出黎，定係二合一？ 點解上面條條分明，下面d河粉會一舊舊為何炒河要加蛋？ 成碟野好難食！我係屋企炒出黎都好食過佢唔會再有下一次，明知中伏都要入黎食，我抵死

香港人的茶餐廳🍴喺屯門食個brunch ，$35蚊有齊飲品、粉麵、再配兩項食物我同老公11:00落去食，都可用優惠價食到出面九龍食個常餐都$40以上係屯門食，平好多兩個人埋單$63，想問香港地食個早餐仲有邊到比新唯一平？-重點，味道唔差，正常茶餐廳味道

堂食六點即止嘅食肆唔駛掃安心唔駛寫紙仔量一量體溫就入得阿姐安排我坐喺一個安靜嘅角落叫我坐低先慢慢諗食乜電視播住mute咗嘅chill club唔會嘈到人又可以觀賞到曾比特同林欣彤合唱 叫左碗叉燒湯意粉加菜心配茶走送到枱上我「嘩」咗一聲叉燒幾厚肉，份量唔少，仲幾稔身菜心乾淨爽口意粉唔會淋滋滋湯底好清無味（精）雖然杯茶走稍嫌唔夠濃不過$39俾到咁既味道同份量都無乜得挑剔間舖都有番咁上下歷史有歲月痕跡但完全唔dirty 枱凳唔會笠痴痴空氣通爽無怪味我坐正喺水吧/廚房對出坐左半個鐘都聞唔到油煙味論食物嘅味道，新唯一未必令人留下好深刻嘅印象（某程度上都係件好事）但就流露一種失落已久嘅情懷可能來自喺普通家庭可以食到嘅尋常味道又或者源於傳統老店而帶來的親切感覺同時亦因為環境乾淨而俾到客人嘅一種安心唔堆砌、唔造作成件事好「真」如果有機會再去新墟都想入去食返碗麵重溫返呢種咁地嘅茶餐廳文化然後先過隔離飲杯啡扮文青

今天時間冲冲，已經兩點鐘，只有半小時吃午餐，在虹橋兜了一圈，在門口看過餐牌，就決定入這間餐廳試下，我點了一個叉燒湯意，是意粉餐$29，還跟餐茶，朋友點了午市套餐A，是雙蛋蒸肉餅$40，跟白飯，湯及餐茶。叉燒湯意 - 叉燒味道及質感也不錯，意粉韌度剛好，湯則清清地很健康。雙蛋蒸肉餅 - 應該其中一個是咸蛋，製法比我想像中的不同，很少吃到還可見到蛋白的，幾特別又好味，餸跟白飯份量也不少，我也吃了四份一。抵吃又好味的一間茶餐廳👍

今日好想同大家介紹一間超經濟既茶餐廳飯堂。週末好多時同男朋友都會食完brunch，先外出開始個日既行程。而每次唔想用腦諗食咩既時候，總會衝入新唯一。相信連店員都應得我們了😂🔸早餐/下午茶餐 $28早上同下午時段都會有一樣既粉麵餐，亦係我黎依到食得最多既餐，差唔多任何時間黎都會食到。最常食既配搭係：紫菜上海麵 拼 餐肉煎蛋。外面餐廳雙拼麵好少可仲有得加榨菜肉絲/紫菜之類，所以新唯一$28真係好抵食！有時候再餓啲會+$3轉豬扒，煎到豬扒有少少脆，幾好食。飲品配茶走少甜，沖得唔差👍🏻．by VIN環境分數: 6/10食物分數: 7.5/10

屯門區老店比較多，一般是專做區內熟客，井財街正能找到傳統老店茶餐廳，隨便就試試這老店吧。 店面放滿東西店內食客頗多，環境一般，位置寛敞 價錢平民，選擇也多 例湯有瓜味，味道偏淡，喝下沒嗆喉，應該沒下味精 等了約10多分鐘才端出來的美食，外貌及色澤已很吸引，香氣樸鼻，十分有鑊氣，河粉很滑，份量很多，肉絲味道偏淡，配菜很足，河粉再加少許辣油味道再次提升，真的停不了一啖一啖的接着食，味道真的很配，可能是用了肉絲炒，食下去有小小不足（鞋了些），配牛肉炒會更好味。老店還是有他的生存方式，食物一定有驚喜

每一次需要提早到佛堂幫忙清潔，我都會有機會在井財街一帶飲飲食食。是日，我選了一家平日都是人來人往，座無虛席的茶餐廳，但最重要是網上沒有太多關於他的資料，充滿好奇心的我，就一定要來這說自己是唯一的《新唯一茶餐廳》。這茶餐廳，沒什麼特別，不過一入來就會令人知道這是一間深受街坊愛戴的小店。內裡的檯子已擺得密密麻麻，再加上全場爆滿的下午茶人流，在內吃東西，實在是有少少壓迫感。肚是餓的我，依然點上是日的午餐，屯門街坊的午餐，有湯有飯有飲品，價錢才不過40元，非常之經濟實胃，我以《胃》代替《惠》是有原因的，因為飯的份量是非常之巨。我點的是時菜雞球飯，時菜不是生菜白菜之類的東東，而是眉爽又甜的椰菜花，再加上大大片的雞件，入口香滑，汁多好送飯，再者，飯量是兩碗多的飯量，一碟，夠晒飽。例湯，如期望的很水，喝得出是西洋菜湯，但味道卻咸了少少。奶茶，既香又滑，奶味亦充足，我可能給一個很高的分數。很經濟，很飽，味道又不錯，難怪吸引到街坊的長期支持。