新南苑大排檔 (已結業)

我今日同朋友去咗位於牛池灣新開嘅大排檔，叫咗佢哋幾樣嘢同大家介紹一下。金牌咕嚕肉金牌咕嚕肉外面炸得金黃酥脆，裡面嘅豬肉軟嫩多汁。佢嘅甜酸醬汁調得剛剛好，不會太甜或者太酸，每一口都係脆脆、嫩嫩加上香甜。椒絲腐乳炒通菜呢道椒絲腐乳炒鮮脆口感加上椒絲嘅香味，炒得十分均勻。腐乳嘅味道好濃，帶出咗一種獨特嘅鮮香時菜鹹蛋肉片湯呢碗時菜鹹蛋肉片湯，湯底清甜，鹹蛋嘅香味非常突出，肉片係切得薄薄嘅，煮得剛好，柔軟入味。時菜唔會煮到過軟，湯水清澈透明。豉汁蒸䱽魚豉汁蒸䱽魚味道濃郁，魚肉鮮嫩。豉汁嘅香味同魚肉嘅鮮味融合得非常好，蒸得啱啱好，唔會過熟。…Read More

位於牛頭角市政大廈熟食中心的新南苑大排檔，可謂隱世好味之選。菜式款式多，小炒鑊氣十足，價錢親民，最啱三五知己晚市聚餐。推介必試韭菜豬紅，豬紅滑嫩無腥味，配上爽口韭菜，簡單但非常入味；咖喱魷魚香濃惹味，辣度適中，十分惹味；椒鹽鮮魷炸得外脆內嫩，魷魚新鮮彈牙；炸大腸處理得乾淨無異味，炸得酥香；生炒骨酸甜開胃，肉質嫩滑；而小炒王則用料豐富、香氣四溢，每道菜都令人食指大動。雖然係街市大排檔，但環境整潔，出菜快，職員服務親切。整體而言，新南苑係一間有水準、有味道、有地道風味的小炒好去處，值得專程一試！…Read More

與一班朋友在九龍灣牛頭角找地方吃飯, 其中一位帶我們去牛頭角街市, 一進去新南苑老闆娘衝過來, 眼看她誠意拳拳就試試看 😅 這是一個比較舊的街市, 環境上倒算整潔, 不過餐廳餐牌手感“黐笠笠”而且有臭的油膩味, 到底餐廳有沒有清潔餐牌的習慣? 🫣 我們重點都是要吃餐好的, 所以不計較餐牌手感了。椒鹽鮮魷 $70一條條魷魚鬚, 經過油炸後再加點乾蒜花生粒灑在面, 魷魚鬚彈牙惹味, 一陣子就已經吃光了 🤭脆皮小棠菜 $80這個菜非常特別, 中間除了小棠菜之外還有件墨魚滑, 利用春卷皮卷後再炸, 脆口之餘同不油膩, 蠻不錯 😊琵琶豆腐 $65豆腐上碟我才想起琵琶豆腐的樣子, 還以為是滑溜溜的 😅 豆腐加了鯪魚, 一般先蒸後炸, 再加上芡汁, 並不會吃到脆炸口感, 幸好口感不會太“潺”, 味道正常沒有腥味。咸魚蒸肉餅 $65豬肉不是好的出品, 口感上比較滑潺 😶 當中有朋友稱咸魚令肉餅加了分, 但我覺得肉餅中並沒有咸魚味 🙊 大概是兩者未有二合為一。蘿蔔牛腩煲 $70蘿蔔煮得不夠淋, 牛腩肉質也偏“嚡口”, 應該牛腩切得太大件所以需時烹調所致, 其實上碟看到牛腩大大件已經有疑問 🤨 味道上可以接受, 但口感上就要再改善。芝士牛油西蘭花伊麵 $75滿滿牛油鋪面, 濃稠與膩集合一身, 一看已經黑人問號, 加上我本身不太喜歡西蘭花 🫠 另外伊麵未煮熟, 部份麵底還有點硬 😐煎大蠔餅 $68炸得太過份使蠔餅又乾又硬, 整個蠔餅像被抽乾水份, 有些細小的更炸到全黑 🫣 吃下去有輕微油膩味, 值得讚就是蠔的份量不少。西檸煎軟雞 $65雞肉幼身一條條像雞柳般, 有大量醬汁, 同一般吃的大有分別, 鑑於前面吃了太多未如理想的食物, 這個已經沒有期待 🥲 雞肉沒有炸過, 醬汁超稀, 有朋友更覺得不像檸檬汁, 我則沒有這個感覺, 不過整碟西檸雞都有問題 😮‍💨由開始兩碟很不錯的炸品到後來每況愈下的食物, 期待值一直下降, 本身未有太大期望, 但沒想過會這樣失望, 唯一優點是老闆娘態度很好, 價錢也不昂貴, 可惜餐廳首先最重要還是食物質素 🫡…Read More

今天去家訪朋友，朋友介紹了在網上外賣平台註冊有優惠，所以我們就決定叫外送晚餐，看過食評，選擇了在新南苑大排檔叫外賣送餐，送餐在預定時間（1小時內）送到，我們總共叫了三個小菜：鵝片大併盤$188（原價）可能是外賣，質量一定沒有在大排檔內吃的好，鵝片感覺很乾很薄，分量也不是很多。😕但是我們下單是鵝片大併盤並非只是滷水鵝片，但送來的只有鵝片，下面用豆腐托住營造大份量的感覺，但怎看也並非併盤呀，如果這個是鵝片大併盤收$188，那麼價錢就相當貴了。😱朋友之前是吃過外送鵝片大併盤，是有其它鹵味如墨魚香腸等，我們馬上拍照向網上外賣平台報告並索償，翌日收到通知，說大排檔回覆表達並沒有送錯，所以沒有得到賠償，這個等於我多付出幾十元。有圖有真相。咸菜豬肚浸大蜆$148（原價）這盤味道不錯，但不是大蜆只是普通蜆而且部分有沙。京都肉排$138（原價）每塊都很大且略厚，沒有切開，咬落感覺鞋口，反而配菜洋蔥味道很好。外賣送餐其實已經在味道和質量上打咗折扣，如果送來的東西都不是你order的就更加令人失望，況且取回多付的金錢是應該的，也不能算是補償。幸好有折扣否則……😞…Read More

平時都會來新南苑大排檔，環境一般，不過選擇多，除左小菜，潮州打冷都有。今次食砵酒焗生蠔：用上加拿大蠔🦪有手掌甘大，生蠔外脆香口，啖啖肉好滿足😊彩瓜煮蜆：裡面有絲瓜，蜆，魷魚🦑豬皮，牛柏葉。一大盤好豐富，味道全靠湯底有算吾錯。芫茜🐟魚片湯：魚片很多而且大塊，仲有皮蛋，豆腐，係清熱好選擇。這裡之前食過好幾次，還有其他特別菜式選擇，如冰鎮芥蘭都幾特別😋味道吾錯而且大碟。因為係街市，如果不是太著重環境和不怕熱都可以試下！…Read More

最近涼涼地約咗成班同事去牛頭角熟食中心街市大排檔食嘢。當日我哋未夠七點已經去到，但係都需要等十分鐘左右位。咁我哋就叫咗豉油王鵝腸，羊腩煲，椒鹽鮮魷脆皮炸豬手，炸大粒蝦丸等等。咁最近天氣涼兩地最好就梗係整個羊腩煲食下先啦，羊腩煲冇分size嘅，羊腩肉同腐竹都不少，仲附送生菜一碟，羊腩炆得非常軟熟，仲好入味，生菜配埋煲中既汁黎食更加係一絕。脆皮炸豬手個皮真係好脆口，但肉就少左d,好我地人唔多都夠食，而椒鹽鮮魷就無咩特別，同出邊既差唔多，炸大粒蝦丸一炸起上枱時第一啖驚為天人，既彈口又有蝦味，而我最喜歡既都係豉油王鵝腸，鵝腸唔會煮到過熟又味美，但份量就少d，但最好味既竟然係下低既銀芽，吸曬成碟野既味道。其實黎大排檔食嘢最緊要去食個風味同埋你同邊個黎食，大大啖飲下野，大大聲傾下計咁就一晚，開心至極，最後埋單大概人均消費百零蚊，既實惠又好味！…Read More

朋友準備結婚派帖，但出面環境惡劣，德福同淘大商場都早關門，邊度都冇得去，於是近近地喺朋友返工嘅地方求其搵一間餐廳就去食。由於附近得譚仔同街市，於是我哋就上咗去街市市政大廈。上面環境都幾大，有好多張大約20-30張圓台，每一台嘅人塊面都係紅卜卜，一睇就知可以飲啤酒，但由於我哋個個都第二朝要返早，於是沒有飲。五個人，有男有女，叫咗四個餸，埋單$405，都幾抵。每個餸都大大碟，味道又唔差，不過都有改善地方。而且侍應都非常友善有禮貌，亦願意幫忙，食得幾開心。見到其他人都會食火鍋，都幾吸引，這個地方環境適合一大班人吹水閑聊。…Read More

同事放工話要去食飯，帶左我去係牛頭角街市上面既風味小炒大排檔叫左4樣野食：涼瓜排骨煲 - 夠晒獲氣，份量足黑椒牛柳粒 - 如果可以轉做薯仔黑椒牛柳粒配仲好食啲，而家因為其他嗰啲配菜我麻麻地， 不過牛柳係好食嘅椒鹽鮮魷 - 略嫌粉太厚，魷魚未夠新鮮，不過幾十蚊咁有鑊氣都冇咩要求啦蜜香一條骨 - 係好食嘅，但蜜糖味太濃，我朋友唔鍾意食甜野，所以我包晒底😂 下次再嚟試吓其他小菜睇吓係咪一樣平靚正…Read More

我地呢餐飯一行7人，點了8道菜。味道真系正宗大牌檔風味。-食店位於街市內，所以環境都嘈雜但睇出新南苑都幾受街坊歡迎，座位很不少但都坐滿左好多人。雖然系街市內但冷氣都好足夠，坐落都吾覺熱或者焗。-食物方面我地點左粉絲娃娃菜、招牌骨、沙嗲粉絲中蝦煲、避風塘茄子、炒蜆、炒通菜，桶肉等😋， 人數多所以都有機會品嚐到多啲菜。每樣都好岩配飯，尤其系個沙嗲粉絲煲。食店上菜速度都好快而且系即叫即整所以熱度足夠🤡…Read More

夜晚11點幾想食打冷，好多地方都關門大吉，同老公去左牛頭角街市醫肚。因為宴去既關係，想食既蠔餅同豬紅都賣哂，不過個度都有好多其他選擇，最後叫左豉油皇鵝腸，豉椒炒蜆，煱貼小棠菜。味道方面，鵝腸非常好食脆口有油香，點少少醋，味道一絕（可以一試）煱貼小棠菜都唔錯，略嫌菜既份量較少，但香脆而不油膩。豉椒炒蜆就唔新鮮，雖然蜆肉夠大但無哂彈性，而且有3份1既蜆無開蓋。食飽後，就轉場準備再戰糖水。呵呵（說好的減肥呢）…Read More

好耐冇食大排檔la! 今晚就約左兩個fd 黎新南苑試下， 7 點3 左右黎到已經冇左3 分2 座位， 坐底之後緊係睇下食乜東東 , 因為已經勁肚餓 , 我地叫左個白灼田螺， 豆豉凌魚油麥菜， 咸魚雞粒豆腐煲同埋椒鹽鮮魷！田螺味道因為白灼， 可以食到原味， 幾鮮甜配埋豉油芥末真係幾夾， 唔錯！豆豉凌魚油麥菜， 難食既或然率低， 菜唔會炒得太過火， 係火氣欠缺左d咸魚雞粒豆腐煲， 呢個份量ok, 唔會太多豆腐， 但味道就比較淡， 咸魚香亦欠缺， 所以一般！最後到我最愛既椒鹽鮮魷， 賣相唔差， 份量都ok, 但竟然欠缺椒鹽既味道， 佢只係鮮魷加脆槳去炸， 兩者味道都好似冇調味咁淡， 靠灑係面的椒鹽提高少少味道， 有d 失望， 整體黎講可以試其他野。…Read More

在友人介紹下和男友來到牛頭角街市的熟食中心，因當天是平日，客人不算多，座位尚算寬敞。到熟食中心內的餐廳從來不期望有很好的衛生，但基本上枱面及座位也是乾淨的。職員也很細心地給我們紙皮箱的蓋子擺放隨身物品。 新南苑脆皮炸豬手豬皮炸得非常香脆，肉質也很嫩滑，且份量很多，比較適合多人share。鵝片大拼盤滷水味道十足但不會過咸，份量也平一般餐廳多，但鵝片肉質較鞋。椒絲腐乳炒生菜因為當天沒有通菜所以轉了生菜，腐乳份量很多，但菜可能煮得太耐較為淋身不爽口。因新南苑每碟菜的份量比較多，二人吃或會比較吃力，較適合多人聚會。…Read More

二月中下旬星期一，夜宵時段。寫劣評的次數屈指可數，這家朋友們間中光顧，我是第一次，但環境驚嚇程度破表。[環境] 洗手間因為公廁的關係，衛生情況非常惡劣，跟從來未清洗過一樣，基於喝了酒，附近也沒有其他洗手間，硬著頭皮閉氣一下就過去了。地板臟得可以，濕濕的而且垃圾鞋底水跡什麼都有，友人有發現有小蟑螂在桌面，她只是一聲不吭的用菜單把它給撥到地板上...但是，重點的重點來了，吃到差不多，居然在頭頂上的喉管有老鼠跑過！啊呀呀呀呀！我已經嚇得不能發聲，朋友們竟然跟我說這是正常的！到這地步我已經如坐針氈，他們在聊甚麼也聽不下去了，只想快快埋單走人。食物的味道已經不是重點，這種惡劣的衛生情況實在難以忍受。我是一定一定不再在這種地方吃飯。…Read More

難得去九龍灣睇戲，朋友介紹呢間大排檔好食又抵食，咁就梗係要帶屋企大小皇帝黎試下啦！叫左個鮑魚比阿仔試下，雖然幾十蚊貨仔，而阿仔話都唔錯喎！炸豬手，唔怪得係呢度既招牌菜，皮脆肉嫩！正到不得了！黑椒牛仔骨，侍應未放低落檯已經離遠聞到香味，味道夠濃、肉質又唔"UN"！配菜既青椒更加係一流！馬拉盞生菜，熱辣辣一向都係大排檔既賣點，配上馬拉盞咸咸既味道，呢個生菜真係無得頂，阿仔食完一碟本來仲想ENCORE，而因太多野食，驚食唔晒，所以無再叫到！鹵水就比較普通，同出面既差唔多，而呢碟只需要65蚊，真係抵到不得了，出面食最少都要過百蚊啦！總括黎講，呢度真係又抵食又好食，下次再黎九龍灣既話，一定會再黎！…Read More

尋日又做完婚展 係九展果邊又累又冇咩食到野咁一收工梗係同我同事食D野補充一下體力咁啦咁我就提議食大排檔 岩曬我同事可以食煙果D一坐低叫蠔仔粥 點知賣曬 我一心就係想食蠔仔 好失望咁左3樣野 加左枝大青 爽…Read More