新南山冰室

营业中

休息中

本來揾定资料去南山邨一問叫嘉湖噶食肆, 殊不知去到, 佢居然關上門. 見佢左边有間属屋邨型噶茶記叫新南山冰室, 見价錢都係街坊价, 就佢啦. 點左下午茶餐XO乾炒牛河$39, 凍飲加$3.有驚喜喎, 出到尼色澤明, 調味恰到好處, 用韭菜洋蔥芽菜伴炒, 牛肉食到唔算韌, 尼個年頭,一碟似樣噶牛河都唔係話想要就即刻食到㗎.食到咁上下, 忽然見到女侍應攞住一客炒得幾似樣又知係乜噶嘢出尼奉客, 多口問下, 係南山特色炒丁, 即刻加碼追叫左一碟, 尼到昅下, 原來係用火腿虾仁同义燒去炒丁丁麵, 但食唔出佢有何特色有何性格, 但總体都算合格噶, 但講真, 都係XO 乾炒牛河勝幾筹. 話時話, 尼度D 辣椒油幾辣下,我都食開辣㗎,但都覺得幾Kun 下,另外,餐廳用噶傳统红辣醬（粥舖用嗰種）太粘稠,已告知侍應, 希望佢哋改善啦, 各位, 寫尼篇食評都用左我成四個字, 越坐越凍, 人客也越尼越多, 现在係16：00了, 係時候走人, 再見各位！

炒麵好好味，但係紅豆冰飲左一啖，覺得唔對勁，再飲一啖，原來 D奶酸左，所以成杯無飲。之前食過炒河同炒飯都好好食，就係今次飲品炒車。下次都係淨叫炒粉麵飯，不叫凍飲了。

昨日和家人到這間餐廳食飯 ，真係有平又靚，點了一個醉雞煲估唔到雞又滑個湯有正，招呼又好，好過出面好多大酒樓，又唔使加一 ，食物種類都算多真是一間可以在是的餐廳， 推介必食芝士西多士

南山邨大概有十年無踏足過，記得當年係又一城返工，放飯既時候都會同同事行過嚟食晏，南山邨有三間食肆特別記得，因為成日幫襯，沛華園、品香樓、新南山冰室，十年後既今日好開心重見到呢三間餐廳係度，畢竟係腦海都有段回憶。今次幫襯咗新南山冰室，記得當年有個拍 ”真情” 劇集既演員係度打過工，後來無做去咗做領隊，而老闆個樣無咩點變。當年只會食蛋包飯同焗海鮮飯，所以今次就叫咗下午茶餐既白汁海鮮焗飯，等咗陣就有得食，焗飯熱辣辣，而且重有好多配料，雖然唔係啲咩名貴海鮮，只有蟹柳、蜆肉、蝦、蘿蔔、蘑菇，不過味道唔錯，而且一路食回憶一路係腦海浮現 “味道背後總是留著一絲回憶”凍檸茶夠清新 👍🏻 時間過得好快，轉眼間已經十年，不得不承認自己真的老了。

讀大學果陣黎過幾次食蛋包飯！！！有陣時會冇得食架～好在今日都有！！！yeah～～～今次係去食下午茶！兩個人一人一個餐 😆 😆 😆 食左一個蛋包飯餐，咖哩汁＋雞扒咖哩汁係港式咖喱，吾係日式咖喱甘甜！我中意呢個多過日式咖喱！！！！佢既蛋吾會太熟！岩岩好雞扒夠多！吾會好少，不過大食既朋友仔可能就吾係幾夠啦！另一個餐叫左西多士加雞翼餐！食左個西多士先記得影相📸️ 因為實在太好食啦哈哈 一下子就食哂，真係屍都冇淨！哈哈大推！！！！大家去真係食下個西多士！佢吾會好似其他西多士甘，完全冇果啲好油既感覺！！同埋入面醬既比例very good ！！！！好正啊，最簡單既野真係最難整啊！！！

一個夜晚九點幾都未食野同女朋友一齊都唔知去邊食好好彩大家食乜都冇乜所謂啫咁夜晚係石硤尾其實都冇乜野選擇咁就去咗街市睇下有咩食但其實好多鋪頭都已經閂晒門好彩仲有呢間港式茶記但我係冇點叫到小菜食見隔離枱都係叫小食食飯咁而我係門口見到有個焗飯咁我本身係鐘意食焗飯所以點咗個白汁海鮮焗飯既一黎到賣相其實都OK接受到既材料都豐富有蟹柳尤魚等炒飯底比較弱 火喉唔夠 冇咗個種炒野既味道變得好單調既白飯加蛋底既焗飯材料雖多 但質素一般 超市一般既雪櫃貨但整出黎都係茶記質素既$48唔算平

將來可能不會太容易到南山邨這邊，無論是肚痛魷魚、品香樓、甚或是南豐、新南山，都是我常到餐廳。反正路經，不餓也吃下午茶-西多士雞翼，茶走。不算太肚餓，為了之後的長期作戰，路經南山邨的新南山，還是來了下午茶。點了一個雞翼西多士，不算等得太久，雞翼熱燙燙，而且不吝嗇，有三大隻雞翼。西多士雖只有半個正方形，亦即是三角形，但是內裏像一個小花生醬，熱辣辣，當然好吃。茶走的杯子不太吸引，奶茶味普通，還是較欣賞這兒的凍檸茶

出去行街肚餓，心思思想食個醫到肚既下午茶，去左間幫襯過幾次既茶餐廳食野。黑椒汁牛柳絲蛋包飯外賣要加$1，黑椒汁最適合用黎調味，但份量唔算太多，蛋包飯雖香，但內裡飯粒冇同茄汁一齊炒，缺少左種蛋包飯既特色。牛柳絲炒得既香又煙韌，同黑椒汁好夾，食落夠晒惹味，但整體飯質較乾，若嗌多汁味道會更佳！熱菜蜜味道偏甜，會令人覺得落得太多糖，會溝水沖淡先飲，若好甜者就覺得唔錯$35一個下午茶，份量適中，唔會太濟或太少，味道亦屬中等。

又到南山午餐。萄國雞皇飯-儘管黃色的萄汁的確較鮮色，有點像螢光黃色😨，但味道還不俗，沒有辣味，輕微椰汁味。除了雞之外還有洋荵、蘑菇、紅蘿蔔，多元化😁。此店自稱此飯為雞皇實在謙卑😌，大大件雞球令人大快朵頤☺️，與肯德基的「雞皇飯」相比美味而大件得多，肯德基的就像是碎雞粒；這個萄國雞則大件滑雞球👍🏿😁，完全沒乾雞。凍檸茶也比想像中美味得多。平日的新式茶餐廳，茶味都很淡，這兒的凍檸茶居然濃香😀，也帶檸香，鮮檸伴濃茶，一流！員工均服務殷勤有禮，但其實堂食$37，只匆匆坐了半小時，外賣$28的話的確划算得多🤔。

南山邨的食店價格大眾化，價錢不會太昂貴。今日就試了一間位於南山商場的冰室食晚飯。晚飯時間客人不算多，我們都即時有位。二人套餐的價錢十分化算，$138有2碗例湯、2個小菜、1碟蒜蓉炒時菜、和2碗白飯。所以我們二話不說就要了二人套餐。是日例湯是青紅蘿蔔佛手瓜豬骨湯。湯水熱辣辣，清甜，不會太油膩，味精味都不覺。蒜蓉炒時菜我們選了白菜仔。白菜仔爽脆，蒜蓉味重，不過不失。啫啫雞煲：青椒比雞肉多很多，而且雞肉只有雞骨部位，沒有肉似的，仿佛全是雞背。油膩得很，不值一試。斑塊豆腐煲：醬汁味濃，很好佐飯，但如果單食就略嫌太鹹。豆腐很滑，配上鹹鹹的醬汁味道剛好。斑塊就炸漿太厚，幾乎吃不到魚肉。雖然味道不算太好，但有湯、飯、菜、餸，結帳只是$138，都算抵食。但我應該不會再試。

 四個人去食，叫左個兩人套餐，兩餸連湯﹑飯﹑例菜，再加個晚餐精選，額外叫多碗飯，四個人食到飽飽。 豬骨西洋菜湯打頭陣，唔錯，熬得夠耐夠火喉，味精味唔重兩餸叫左西檸豬﹑魚香茄子，唔係自己點都唔知係豬，入口勁似雞，冇其他普通茶餐廳咁厚實，但層皮炸得唔夠好，起粒同一咬上去皮肉分離，汁調得幾好，但只在碟底，面頭個D索唔到；魚香茄子就一般，但勝在夠滿晚餐精選就叫左通菜牛肉煲，牛肉幾可口。再黎個例菜等於有多個餸，蒜香炒白菜仔，好鍾意佢夠鑊氣，蒜香野味吊香份量好足，同埋食食下會聽到有食客同老闆friend到講笑話賖數，下次俾 =)，人情味是另外既斬獲Chinese tradition Ice House, Chinese soup, lemon pork, water spinach and beef, Chinese white cabbage with garlic and braised egg plant

引言：看看食評, 上次有食家讚蛋包飯, 已是09年的事了...新南山冰室, 平日lunch偶有幫趁, 周末下午來吃蛋包飯, 已不是第一次~在這食過數次tea, 最推介是吉列豬扒蛋包飯！nono, to be exact, 係推介個吉列豬, 這碟飯比叫一般的茶餐等久一點, 上枱你便明白, 因為他的吉豬是現炸的, 外脆內嫩又熱辣辣.... 拍得住那些"吉列豬專門店"... 只是, 收$30/碟的豬扒當然稍會沒那麼厚, 但味道口感不遜, 的確炸得好靚且唔太油。  至於蛋和飯, 比起豬扒便來得失色, 蛋是有點太熟和鞋, 飯則有炒底但不夠味, 可以改進~p.s.)除吉列豬, 可選牛柳絲, 雞, 魚柳等等...  另我這碟是黑椒汁, 還可配粟米汁, 燒汁, 咖哩汁, 茄汏等, 任君選擇~   加$8轉配奶茶紅豆冰, 香濃幼滑又多豆, 是我的至愛 (平日要一杯奶茶紅豆冰+奶油脆豬包, 同樣係美味的配搭~) 

星期六返完學校傾PJ,之後同同學去左南山食晚飯,去到南山當然係去品香樓啦。去到品香門口見到人山人海,排隊都要排成個鐘,突然有位同學話食樓下的新南山冰室,佢話係FB見過,D野食好似唔差。 咁我地就轉戰新南山啦。一去到等左幾分鐘就有位,都幾快下。 咁我地5個人就叫左個四人餐, 有湯,有雞,有菜,仲有三個小菜,咁我地就叫左豬手, 西檸雞 同黑椒牛仔骨。D野食15分鐘就黎齊,快到冇人有。全部小菜都出奇地咁好食,仲好過品香, D員工又好NICE,真係唔錯,下次都會再幫襯! 最正的是埋單都係60多元,仲要食到飽到嘔。滿足!!

今日同老王喺公司做野做到唔知時間,見肚餓已經係8點几的事~於是近近地喺附近搵少少野食, 本來諗住去品香的~點知嗰邊要等位~我地呢D唔等得既,誤打誤撞入左呢到了~好簡單的茶餐廳各局,鮮紅色的櫈好搶眼~!服務員好似見我地唔到咁,任得我地自己搵位坐!一坐落鬼死咁肚餓乜野都想食,但係明知老王出名只係食少少,於是點菜要好小心..免得要我一個人食晒~最後叫左餐廳話好出名的德國豬手,西檸鷄套餐同兩技啤酒德國豬手 –第一次喺茶餐廳食豬手~好大碟呀~賣相唔錯,而且好香~豬肉好淋,入味又唔算好咸,拎黎佐啤酒真係一流~豬皮部份好脆好好味~真係令人食唔停口,加上有好多酸酸地的菜喺下面伴住食,感覺好開胃又唔肥膩!!正~~西檸鷄 – 賣相唔錯,份量又夠大,D鷄肉條唔算大條,炸粉厚左少少,酸味好夠,食得出係即時炸起,配合埋D酸味,整體感覺唔錯,套餐加送一碗例湯,好多料,好源汁源味.好似飲水咁~ 唔通我食左佢D重口味豬手,所以覺得D湯冇味?!可能唔係廚師推介,.所以出品一般..但願佢地可以有所進步~~真心的!!

真係未試過咁差的茶餐廳！！一坐落去，陣陣煙味，明明隔離大大個，仲高過個人的禁煙板。等餐又耐，叫個奶油豬都可以勁耐，最過份係朋友叫左豬排包并薯條加紅豆冰，但催左幾次先來，來到話冇哂薯條，又唔講冇薯條之後可以轉咩，叫侍應來，個侍應話計平我地，但計法係當紅豆冰同豬排包散叫，加埋仲貴過之前叫落的套餐價！頂！！之後叫老細來先搞掟，但臨走時個侍應勁唔小心咁把成杯茶倒落坐輪椅的人士到，真係未見咁差的侍應！！