影片
以上资料只供参考，请与餐厅确认详情
食家推介
一早已听闻位于沥源街市内的小舖，卖的是卤水食物，口碑不错。今天来到这街市买菜，顺带便探一探这舖。～卤水鸭（半只）卖相不俗，件件鸭件斩得大小相若、整整齐齐。盒面的鸭肉厚身，放底的是鸭颈和较少肉的部位。胸肉和脾肉吃起来啖啖肉，肉质一点也不会韧，又不肥腻。鸭肉卤得味道适中，既不会过咸，又不会淡。若沾上附上的卤水汁，味道会更突出。若沾上附上的酸醋，味道又变得更多元化，酸咸味道也讨人。另一亮点是盒内的菜脯粒，爽口入味。整体来说，这卤水鸭真的不错；既入味又不会过浓。有机会的话，我也试试其他的卤水物。
继续阅读
见到open rice评价都唔错就去试下，店舖位于街市尾尾位置，老板好friendly, 店员都好老实，第一次去，样样都想试，叫左卤水鸭，豆腐，猪耳，鸭肾，猪手。同佢讲只系2个人食，佢都会话，咁会有d多，于是猪手下次再试。卤水非常入味，真系好好食，不过有少少重口味，食得清淡既人可能会觉得有d咸。虽然唔系食卤水鹅，但鸭肉都好鲜嫩入味，唔会比鹅差，佢送既豆腐粒菜甫都非常好食，可以送一碗饭。咁大一盒都唔洗100蚊，真系好抵食。
继续阅读
⭐️新创发卤味专门店⭐️📍:沙田沥源街6号沥源邨街市7号舖⏰:9:00am-7:00pm平时喺沙田谂唔到食咩 同事介绍咗我去呢间卤味店 行过去沥源街市亦都好近我哋 呢间卤味店超多人排队 见到佢哋嘅烧味好吸引 价钱亦都唔贵 所以就买咗返去当lunch！店家推介我地食卤水鸭 喺呢度招牌嘅特色菜 同事都话好好食 所以就买咗返去加𩠌 店员会帮手片开一片片 肉质软嫩 鹅香味重 好正 仲会另外俾个酱汁 不过唔使酱汁已经好入味 唔需要额外加😆除此之外 仲叫咗我最钟意嘅鸡肾 好爽口之余有咬口！𩠌饭一流！佢哋嘅菜甫同咸菜系呢度嘅招牌菜 出边食唔到咁好食！！咸香得来又爽口 又好鲜味 真系必食推介！仲叫咗个卤水豆腐 豆腐淋得来好入味 索晒啲卤水汁！总括嚟讲 如果大家想食烧味、卤水 好推介大家过去买 绝对唔会比啲𩠌头𩠌尾嘅货色你！#香港美食 #平民美食 #沙田 #沙田美食 #香港 #美食 #hkfood #hkfoodie #openrice #hkfoodblogger #hkfoodies #foodshare #hkrestaurant #foodie #hkfoodblog #食评 #美食推介 #foodhk #新创发卤味专门店
继续阅读
屋企人成日买呢间斩料，食过咁多次都真系觉得佢算好抵食。尤其佢个咸菜同菜甫，出面真系食唔返。今日黎斩料，价钱好似有啲唔同，不过仍然抵食。.卤水鹅$108/斤，猪耳$80/斤，猪肠$80/斤，豆腐$10/3件。价钱就真系差唔多平绝沙田区，最钟意佢卤水鹅仲会帮手起一片片，返到屋企食再淋返个汁就食得，另外猪耳猪肠好爽脆得黎入味，街市斩料档黎讲真系好高质。豆腐都好抵食，$10/3件唔会死咸、同埋真系好抵🙈🙈😂.
继续阅读
估唔到沥源街市会有咁高质嘅卤水斩料，平时同呀妈买𩠌都唔多觉，要行到最入先发现；佢有好多选择，有齐鸡鸭鹅、牛筋、牛肚、各猪嘅卤水，今次老板娘好好，比我样样试少少整左个拼盘盒杂锦拼盘盒 $90当中有猪颈肉、猪耳、猪肠、肾、豆腐、蛋同榨菜。最出色系头个三样，够淋又入味，猪肠系清哂啲肥膏架～配菜就咁食都唔会太咸，𩠌饭一流❤️总结：价钱抵食，平时多人食饭加𩠌绝对推荐～评分（5⭐️为最高）：食物：⭐️⭐️⭐️⭐️价钱：⭐️⭐️⭐️⭐️
继续阅读