影片
招牌菜
我本身好钟意食柴鱼花生粥，宜家已经好少地方有，比我系新光揾到好难得。材料就系柴鱼，花生🥜，简简单单，味道不太浓，好啱早餐食。凤爪好食，其实间间茶楼都差唔多系呢款味😹两样加埋都系50几蚊👍🏻
继续阅读
作为老牌酒楼集团，富豪新光的出品还是不会失望，早茶点心孖宝超抵食，传统的虾饺焼卖用料ok，鮻鱼球与山竹牛肉新鲜份量足。午市套餐片皮鸭龙虾伊面都超抵食，小区泊车方便，妥妥的御用饭堂。
继续阅读
长辈于酒楼举办结婚蓝宝石周年晚宴派对。长辈作为资深音乐人，所以到来的朋友嘉宾，大部分同样系音乐人。新光宴会厅 (原来前身为新光夜总会)有一个大型舞台及乐队的设施，呢个就系长辈选择新光的原因。是晚长辈各好友都主动负责乐队部分，同时又有其他好友即席闻歌起舞。食物的质素坦白讲就一般，除咗条鱼真系较“鞋”外，其余大致上都合格。乳猪整体较肥，皮唔够脆。鲍鱼唔错，够淋，同时亦保持口感。炸虾亦都唔错，唔会太多粉。瑶柱节瓜OK
继续阅读
前几日去咗沙田富豪花园唯一一间食肆餐厅酒家，因为附近真系冇其他选择，谂住试吓𠮶度啲炒小菜或者碟头饭，所以冇叫到点心。上到去同一般旧式酒楼差唔多，但可能因为帮衬开嘅都系啲街坊街里，所以都见到好多街坊喺度做自己嘢，有啲开住部电脑，有啲就拎晒啲功课出嚟补习，唔真正嘅食客反而唔多。跟住鱼缸𠮶边有一间房，我去厕所𠮶阵时偷望到入边应该系搞紧一啲跳舞嘅活动，因为厕所位都有啲更衣室同埋locker比佢哋跳开舞嘅老朋友放佢哋嘅用品。咁我同两位朋友叫咗唔同嘅食物都系啲碟头饭，但就冇特登影佢哋𠮶两叠啦，而我就叫咗呢一个南瓜排骨陈村粉，因为出边好少有，点知佢唔单止要整好耐先嚟到，而且仲非常难食，所以非常失望。因为佢要加茶界同埋服务费嘅关系我哋几个人食咗几百蚊，但大家讨论过都系唔会再嚟。
继续阅读
唱完卡拉ok饿饿哋, 知道呢度有间酒楼, 所以决定试下😝🥢特式蒸海上鲜$25👍初头问侍应话海上鲜可能喺仓鱼, 结果嚟咗呢条类似白鳕鱼嘅雪藏鱼, 用咗蒜蓉蒸, 几惹味, 豉油味道刚刚好, 鱼嘅质地嫩滑, 蒸到唔会太松散, 无腥味, 几好食🥢腰果莴笋海皇鲜$118👍好多不同种类嘅材料炒埋一碟, 睇落好丰富, 材料有莴笋, 带子, 蚌片, 虾, 腰果, 虾干及红黄辣椒, 味道适中, 唔错🥢榄角骨$98👍排骨质地好赵头, 肉质扎实唔梅, 榄角味道出色, 浓而不咸, 正白饭$13晚市茶位$15呢个富豪花园有卡拉ok及保龄球场, 玩完就可以直接过嚟食饭都几好, 晚市非常少人, 因为呢个屋苑位置唔旺场, 不过, 正因为少人, 所以坐得好舒服, 唔会嘈杂, 而且食物质素都算高😋, 侍应嘅工作态度就一般般, 见佢哋比较钟意招呼熟客😏🙄鱼坚总评性价比 4👍(以5👍为满分)
继续阅读