影片
招牌菜
五点几．．．要去揾食，想揾好嘢食．．．由鲗鱼涌酒店那边，行到鲗鱼涌另一边，都见到好几间有点想试的店子，但是，就是想揾啲喏心水少少嘅．．．所以坚持着，宁愿要饿死哦．次次都系咁，天无绝人之路．．．柳暗花明呀 ．．．行到去华兰路，唔知点解会想转入条街睇睇，见到间茶餐厅（新来发茶餐厅小厨），唔食都都望吓啦．点知见到一张张贴，上面系介绍有位”的士”老哥报料有好嘢食，当堂精神晒 ！－－－＞爽滑猪仔润米蕃茄汤底．我好钟意旧式西餐厅啲罗宋汤架，睇落呢个汤好近”膀”．唔谂咁多喇，就佢啦．嚟咗喇，好大碗呀！仲好鬼香添 ！！！好真材实料咁㖞，蕃茄香气朴鼻而来 ！汤底好浓郁咁．．．猪仔润一点也不薄切，而且煮得刚好，不会过熟，亦不会太生．这汤底看到的都是蕃茄 ！！！是真的美味，味道与汤的口感厚度．．．似足当年我在最喜欢爱的西餐厅所吃的至爱罗宋汤．．．（西环告士打西餐厅）＜－－－已结业． 不过呢间餐厅系好早栅栏架，系真正嘅”唔休做”
继续阅读
3月21日（星期日）早上，是日放假又难得可以早起到身，于是去找女友吃早餐，不过和女友会合后刚好过了十一点，即是早餐时段，但我俩仍然憧憬著想吃早餐，惟有去附近的茶记碰运气，其实心目中早已想来此店试试，就趁这个机会和女友吃个港式茶记Brunch！我们入到店内人客不少，坐低看过餐牌后，我俩都想试试这里的招牌蕃茄汤底粉面，女友就要金牌猪扒汤通粉，我就要鲜滑牛肉面，餐饮就要热咖啡和热华田。等了约五分钟，两碗粉面就先后登场，我急忙喝一口蕃茄汤底，有点奇怪，再试多几口，为甚么味道和“甘宝字母汤”几乎一样？汤底味道偏咸，虽然加了几粒蕃茄粒落汤里，但完全喝不出蕃茄汤底的鲜甜味，几乎可以肯定不是真正蕃茄汤底，感觉有点受骗了；金牌猪扒汤通粉的猪扒还算不错，腌得入味且尚算松软，通粉则一般；而我的鲜滑牛肉面也不见得很突出，虽然滑牛片的份量颇多，可惜牛肉就算经过化学品洗礼还是不够嫩滑，是否有点失败？幸好面也不算煮得过腍。餐饮则较正常，热咖啡不苦不涩已经收货，女友则说热华田够味。虽然女友说这里的蕃茄汤底不能和胜香园的相比，但感觉上依然觉得货不对办，如果不以甚么「健康面餐」或「蕃茄汤底」作招来，以一般茶记的水准来说，这两碗粉面还算合格。
继续阅读
一瞓醒好肚饿...谂谂今日去边度食早餐好呢...反正一阵去做gym, 就去华兰路附近揾野食, 做完去C记做gym就脚d...去几次新来发都过门而不入, 今朝就去会一会佢地个蕃茄汤通啦~10点几去到都几full, 仲有人等位, 好彩我一个人搭到卡位,既然一心只为蕃茄汤通而来, 今日唯有忍心一次, 舍弃我平时心爱嘅炒蛋多士火腿通... 热奶茶 跟通粉+$4 :先来热奶茶, 杯边崩咗, 只碟又有一大滩奶茶, 只茶匙就咁放只碟边, 好似用奶茶洗茶匙咁... 虽然用厚瓷杯上, 但可能茶本身已经唔够热, 第一啖饮落去毫无醒神之感, 茶香欠奉, 茶味入口亦惨淡薄弱, 尽管奶嘅份量够, 都无法力挽狂澜...唉...转头走去M记饮返杯浓滑奶茶先有返d安慰... 蕃茄鲜牛肉通粉$23 一上枱都几好样, 几大碗, 牛肉份量都唔少, 都系个d用梳打粉腌过嘅牛肉...先来一啖汤通粉...都唔明罐头蕃茄汤都有咁多人觉得好食...咸死咗!!! 蕃茄少得可怜, 个汤好似就咁倒d罐头蕃茄连汁之后加盐咁, 毫无蕃茄嘅酸味, 之后我净食牛肉同通粉, 隔晒d汤先无咁咸...有高血压嘅人千祈唔好揾命搏试呢个蕃茄呀....见到坐我对面个小妹妹个碗食唔晒嘅腿蛋丁, 我真系好想同佢交换呀~我今日早餐嘅quota就咁就浪费喺呢个招牌菜上...我听日要食返个大早餐补偿呀!!!
继续阅读
因为公司由侧鱼涌搬左去柴湾..而家好少有机会去食! 上星期六同几个同事放左工一齐去食, 点知发生左一件事, 系一件好离谱既事啰......我同另一个同事叫左鸡翼蕃茄出前一丁荼餐, 加埋冻饮要成$39, 不过我觉得贵唔紧要, 如佢比返同等质素既食物比我地, D鸡翼黎到, 我and同事食左一只已经见到流晒血..咁我同事再咬开埋另外2只, 都系唔熟..咁我地就叫佢换比我地啦...佢埋黎收走d鸡翼...过左一阵...两只好明显咬过既鸡翼已经再炸熟...我一睇到都好眼火爆...边有可能就咁扔返落d油到炸...劲唔卫生啰!我比左39蚊, 得到d咁既食物同待遇...好过份!所以我地唔会再去食, 免得再食其他人的口水尾!!!
继续阅读
今日试咗好多人话好味的蕃茄猪膶米, 果然唔错. 猪膶谂滑, 汤底够味, 食完又唔多口渴㖞. 不失为一个健康的午餐.
继续阅读