新九記粥麵

营业中

休息中

今晚放工唔係幾舒服😷無乜胃口，諗住食碗粥🍵上openrice 見到呢間♦️新九記粥麵世家♦️有好多個讚，未試過，雖然唔知係邊度🏖️要搵，不過咁多人like, 應該唔會伏瓜😳點知……..坐低叫左碗牛肉粥🥩粥底就杰撻撻，牛肉又鞋而且好難咬開🤢基本上都係要成塊吞😵‍💫成碗粥連牛肉都係淡而無味，成為$46，咁嘅價錢和質素，可以幫襯其他地方😴.最攪鬼係水都唔比杯，今時今日咁嘅服務態度，真係無下次😤

難得嚟港島冇理由又食靠得住，搵到一間喺灣仔嘅小店，不過原來佢已經好出名咗好耐，仲想過米芝連掙扎咗好耐就放棄咗靠得住嚟食呢間其實價錢都唔平一碗及第粥都要成$56 ！見評價咁好都好期待，但係食完之後覺得好普通，粥底非常面，可惜係白粥嘅味道，完全不像生滾粥，內臟合格好味，但係豬潤太薄，其實靠得住真係好味啲。而且價錢都唔平豬膶兩薄片，豬粉腸兩條，但係味道普通，發記粥品好好多！豬肚都係好似我阿媽整嘅質素特別少少有豬心爽口，但係都普通而且細件！整體而言材料好少 足夠好大碗，而且好keep到溫度反而朋友嘅牛筋腩撈麵，好好味！牛肉好多，而且煙靭程度啱啱好不會太肥，一嚿大牛筋店員幾親切，環境都係唔錯喎，仲有廁所 不過啲嘢食性價比比較低，而且普普通通 不會特別來吃

灣仔的粥店選擇不多，而今天又想吃雲吞，又想吃粥，所以選擇了這家店。 豬心粥$44比較特別的選擇， 口感是爽脆的。份量也有5 件左右。雙併粥$52 (牛肉&豬潤)滿滿的粥品，還是滾著的。配料1: 牛肉肉質嫩滑新鮮，但多筋配料2: 豬潤很大的一塊厚切有口感，爽而有點粉感， 煮得不會太老。2 碗粥也是即場加料再煮，所以都能夠新鮮滾熱辣上桌，粥的口感綿密，不會水水的，粥的米粒也不碎濕濕，而粥底也有點調味。淨水餃$39有６粒皮算薄，只是接駁位較厚但皮也不夠滑蝦爽彈，新鮮，木耳爽脆。湯則以鹹味為主， 談不上鮮甜。蜆芥鯪魚球$44６粒很香，很大粒外皮不太脆內裡軟淋很有魚味，很足料餐廳環尚算闊落，也企理。

舊區尋美食，在灣仔大王東街尋找港式雲吞麵舖，一直想嘗試，奈何星期日全日休息，今天有機會提早食午餐，12點去到不用等位。牛腩麵 - 牛腩鬆軟入味，不會入口即散，湯底清甜，真材實料。淨雲吞 - 雲吞原隻鮮蝦，新鮮好味。Have always been looking for old style wonton noodles shop. Had my eye on Sun Kau Kee for a while, but didn’t have a chance to try. Finally able to have an early lunch today. Soup base is fresh and refreshing. Beef brisket is right amount of time. Tender and soft, delicious taste. Wonton portion is good. Regular size unlike the mini wonton will need to order extra portions.

一街之隔，利東街與大王東街，充分將城市現代化及地道文化劃分，然而又毫無違和感集結而成。(1) 爽脆鯇魚皮將灼熟的魚皮放到冰水中冷卻，即能鎖緊鮮味，又能做到爽脆順滑的口感。佐以潮式料酒，熟油及配料，令平平無奇的魚皮變成有趣的涼拌。(2) 爽滑牛筋撈麵滷水入味，牛筋亦有嚼勁。唯沒有軟腍至溶化的膠質。(3) 新鮮及第粥包含豬心、豬潤、豬肚、粉腸及肉片，加上少許蔥花。豬潤未及至「黃沙潤」如細沙一般，但肉質粉嫩，沒有出現白色筋位。粥底無法挑剔。(4) 南乳豬手撈麵撈麵爽彈，沒有很重鹼水味。文學界四大發明：有造紙術、印刷術、指南針與火藥；飲食界則為：粥、粉、麵與飯。

今日下午茶老闆請 食完之後飽到依家都未落格 又去到收工時間 所以決定搵啲清淡少少既晚餐 上網睇咗一大輪 決定去大王東街呢一間舖頭食粥 舖頭地址都唔係太難搵 電車站行過去1分鐘都唔使 就見到大大個字寫住九記 晚飯時間見到好多人喺度食粥底火鍋 我哋兩個就每人叫咗一碗粥 我就叫豬潤皮蛋粥 朋友就叫豬潤肉丸粥 生滾粥係即叫即做 所以店員都話大概要等五至十分鐘等咗一陣我哋兩碗粥 就好快到咗 呢一間舖頭嘅主人真係非常好食 識落唔會有一種好鞋嘅感覺 反而食落非常爽口 皮蛋味道都合格 整體上成個用餐到非常愉快埋單，每人$52

又到lunch 時間 本來想去食碗米線經過bakehouse 時見到對面的新九記有開門 決定一試爽滑魚皮唔係經常可看到架 功夫菜，涉及工序繁多， 要試！口感爽脆， 略嫌調味不足。豬雜雲吞麵豬雜味道好好 口感不錯湯頭有蝦味， 鮮甜， 整體屬於清新感覺若是喜歡濃味的朋友 可能會不習慣唯一扣分既係衛生情況！有待改善，有很多蚊子飛來飛去

朋友推薦新九記粥麵的豬潤、雞粥還有陳皮鯪魚球。這間位於灣仔大王東街的新九記，其實是老字號，上世紀七十年代便已屹立於此。拿過米芝蓮，日本電視台訪問過，但店鋪沒有挾著光環狂開分店，至今依然是默默經營。來到的時候，見很多都是老顧客，餐牌都不用看就落單，有些人甚至是未出聲，夥計已經大概知道他要邊幾樣。炸醬撈麵，炸醬野味，麵條彈牙。

想在短時間,食少少熱物,走過幾間，最後選定新九記。本來是只想簡單叫碗雲吞面。看到餐牌有豬雜，決定試下。我問店員，面抑或米粉好些? 他很有信心告訴我:兩樣都得。幾分鐘的時間,一碗幾好樣的豬雜面便到了。豬雜包括極少吃到的1件豬心、2件豬肚、1件粉腸、1件豬閏，新鮮乾淨。面條爽脆彈牙，湯底亦清香。我最愛薑蔥呢。臨走時，連續對店員讚好。日後我會再來翻尋味的! 

以前係一間可以的粥店，但現在伙記好似鬼見愁咁樣，拉長塊面，叫遲少少都俾佢鬧。叫佐碗及弟粥同碟猪手撈麵，粥底極咸，多數落左味精。豬潤及其他也不太新鮮，好韌，咬極唔斷。豬手撈麵有三舊豬手，也提供骨碟，味道適中，唔會太咸，烹調時間剛好，也不會太硬，個撈麵則略硬，或叫做太爽，有點難食，碗湯的味道也太濃。店鋪裝修固然談不上舒適，且很擠迫，食物質素又每況愈下，兼且伙記態度惡劣，以前就話老字號，好似幾年前轉了手，風光不再。

自從食過一次之後 從此愛上佢嘅粥雙拼粥🍲：豬潤（名物）+皮蛋豬潤果然名不虛傳 舊舊都手指咁長 重點係真係好滑嫩 完全唔會Hai 啖啖肉超滿足～粥底都完全唔會Hea 非常濃稠 😍蜆蚧鯪魚球🧆上檯已經聞到好香嘅焦香味 咬落彈牙而且Juicy 點埋蜆蚧汁鹹鹹地 味道更鮮更突出 食到停唔到口🤣

D餐具十分之唔乾淨，環境都麻麻哋。同職員反映之後，佢細細聲話咁麻煩，走既時候叫我哋以後都唔好嚟！服務態度負分The environment is poor as the staff’s attitude! We did reflect the dirty dishes, the staff described us “trouble customers”. When we left, she said to us, not welcome you guys anymore.What a restaurant!!!

唔細心留意大王東街的話，都未必發現度依度有粥麵店。咁岩今日想食粥，於是就入去試試。叫左$49 自選2款材料，皮蛋肉丸粥，粥底夠綿滑，肉丸紮實又有麻油香味😍交足料👍大大碗，唔怕好快肚餓😂而朋友就叫左豬潤粉腸粥，同樣新鮮足料👍獲得好評！岩哂中意食內臟的朋友😄蜆蚧鯪魚球 $42我第一次食炸鯪魚球配蜆蚧醬。仲以為係鯪魚球裏有蜆蚧😅原來係作醬汁用😂😂😂長知識了鯪魚球好爽口彈牙，食唔到有骨🤣顏色金黃，圓潤飽滿，好吸引啊！可以連醬料中既蜆蚧一齊食，不過我就覺得醬料就咸左啲，可能係特色之一尼🤣

最近打邊爐食濟左 要食返清淡d 去左屋企附近粥店6點幾去 坐低無耐已經開始好多人 好多街坊&熟客 原來佢地上過米芝蓮 粥品同撈面好出名墻上痴滿報道 餐牌上面寫住食物不含味精鮮鯇魚腩粥$48魚腩大大件，一碗入面有成5舊，魚肉吾會過老，鮮甜無比。 粥底較綿綢鮮甜，一d都吾稀新鮮及第粥$46有幾塊豬肚，豬潤，有粒好好食既丸 應該係魚肉豬肉打出黎 好足料呢碗粥底就相對稀一d 但都依然鮮甜上湯净雲吞$38雲吞好彈牙 豬肉蝦比例完美不過相對於粥品相對遜色呢間小店細細間 平日6點半已經開始有人係出面等位好誇張見隔離枱特登訂左位黎食粥底火鍋用沙煲上 好吸引 下次試下先題外話 店員(應該係老闆?)超好禮貌 服務態度好好 唔該前唔該後 讚！

下午諗住食碗粥，黎左依間食中途食食下比隔離啲雀聲嚇親左幾次叫左及第粥$49+$10油炸鬼好難食及第粥都多料，食到d肉料有美極豉油味粥底略微小小咸左d依舊野幾好食，可惜得1粒幾爽口下豬肉片1舊幾滑唔洗點咬油炸鬼好唔掂上枱係一粒粒，凍既，又淋，難食到伏伏地，唔值依個價$10，似放左勁耐難怪餐牌無寫度有油炸鬼，我果下直接同店員落，佢細細聲話10蚊，事後我見到碟野，再望返餐牌，先發現係餐牌上面係無標明有油炸鬼伏食後感:粥黎講，唔太值依個價錢，油炸鬼，好差，店員應該要講明唔係新鮮原條炸上