影片
以上资料只供参考，请与餐厅确认详情
招牌菜
试咗佢哋个烧牛柳，好大份。四个人食都够，佢哋个汁好丰富，厨师形容，系加上好多唔同新鲜嘅材料整埋一碟，个汁先可以咁有鲜味。黄咖喱鸡饭，好足料，好多蔬菜同鸡肉，好惹味。仲有冬阴功汤，厨师话系用新鲜青柠整，唔怪得知同出边𠮶啲唔同味，非常开胃，又感受到泰国的味道。知道佢哋两夫妇，好俾心机经营呢间泰国店，用嘅材料都系新鲜同埋上乘的，非常佩服。食完唔口渴，期待下一次试吓佢哋其他嘢食，例如烧鹅，烧鸡⋯⋯但记住，最好要预订啊
继续阅读
Thai chef was very nice .I asked about the 13 ingredients in the green curry, and he told me in cantonese which I understood 2 only...He insisted 2 separate boxes for takeaway to keep the fragrant rice apart from green curry . fresh made.worth the wait !
继续阅读
lunch嗌左冬阴功汤粉，冬荫功汤底好好饮，虽然颜色好红，但系饮落唔算好辣。酸味反而比辣味浓烈得多，怕辣既朋友都唔洗担心。汤粉索水力较强，浸系汤入面一阵就充分吸收咗汤底嘅精华。可惜𩠌比较少，得三只大虾同几片菇。虾肉弹牙，肉质唔会话好梅好松散。整体黎讲味道几好，但份量略嫌唔够喉，男士未必食得饱。
继续阅读
湾仔一个小小的角落, 规模不大,座位只得一张bar枱另外再搭一啲折叠的枱凳坐喺巷仔好有大排档feel厨师都系泰国人很地道的泰国风味🌶个人非常钟意食padthai🍜呢味菜系点煮都唔会失败花生酱味重, 料子很足, 虾都算新鲜🦐~镬仔牛柳~呢个好有惊喜, 牛柳好软好入味热板上, 好够热有jarjar声加埋啲蒜片但建议呢个最好堂食老板人很好, 可能下午茶时段, 唔太多人比较得闲,佢会行出黎同我哋倾偈, 仲送咗杯龙眼冰
继续阅读
行过呢间店,见佢系新开,所以想试下。叫了一碟虾油炒虾饭,见到门口个餐牌写住$85,我谂应该系堂食价钱,疫情之下,好多餐厅的外卖都会有折扣优惠,所以好奇之下,我就有礼地问老板娘:「外卖的话会唔会平D? 」老板娘答:「已经好平架啦,再平的话,我真系冇钱赚架啦!哈哈哈!」过了几秒,她再重覆多一次,她虽然边笑边答,但听得出她是笑住黎串我,好似我唔应该问佢呢条问题咁 本来我都废事出声,但见佢重覆完又再重覆呢句:「已经好平架啦,再平的话,我真系冇钱赚架啦!」我就同佢讲:「我见你地既餐牌写住$85,我估呢个价钱系堂食, 所以我先问你外卖的话系咪会平过呢个价钱」这时老板娘说:「哦,原来你头先睇咗堂食既价钱,其实我地都有外卖餐牌的,个外卖餐牌系另外一边,外卖价钱是会平点的,$60」我说:「咦,系㖞」原本我以为呢件事就咁告一段落,点知7分钟后,当老板娘帮我包紧外卖盒时,佢又再主动同我讲:「我以为你头先问我外卖价钱可否再平D,哈哈! 如果再平的话,我就真系冇钱赚架啦!」呢下我真系火都黎埋 我之前提咗佢两次「走餐具」,佢最后都系唔记得、照俾餐具我,咁都算啦,但佢成个过程个脑只系谂住「再平D的话就冇钱赚」呢样野,仲要三番四次不断重覆咁同我讲,真系好烦! 反而企系老板娘后面的两位南亚裔员工就好nice、好好笑容,仲会主动同我打招呼。至于食物方面,个虾炒饭都算有镬气,份量也刚刚好,味道都OK,虾肉就系正常虾肉,但成个饭就略嫌油咗D。今次系我第一次帮衬,亦系最后一次帮衬。
继续阅读