斗來香 (嘉兆大廈)

营业中

休息中

屋企人因為睇完老人台專程走去筲箕灣買，芝麻卷鬆散，又略油，又唔滑，入口鞋烚烚，好似好有小心思放入原粒芝麻，但一啲都唔香，雖然口味嘅野好個人，但屋企咁多個人無一個人話好食，只可以講唔好信電視台食評，中伏居多，永無下次，完。

路過這間小店,見到有糕點買.$8/件也唔算太貴. $30（有4件）.老闆話2件都優惠$15. 支持街坊小店.只有外賣沒有堂食.最吃椰汁馬豆糕~ 馬豆味椰汁味不太重. 糕不是太軟淋淋與我平常其他店食的有少少分別. 感覺下粉的比例多了一點點😅椰汁紫米糕~正常味道不會偏甜.$15~2件糕點,質素也不算差. 下次可以試其他口味.斗來香地址：筲箕灣道209-223號嘉兆大廈地下32號舖交通：西灣河地鐵站A出口在步行5-10分鐘

買咗粢飯同埋砵仔糕粢飯熱辣辣但係油炸鬼極腍 濕粒粒入面加咗黑椒有啲唔夾有啲失望冇食晒可以說 有d難食我已經係好早買😂應該不存在擺耐左既問題砵仔糕的確好多豆大大嚿但係啲紅豆冇味糕嘅質感偏實淨所以都係一般另外跟咗一支凍豆漿豆漿就不錯 不會太甜下次都係食腸粉燒賣魚蛋算了起碼唔會失望 好難整得唔好食呢間舖頭就喺正巴士站返工落車都可以買來試吓嘅始終附近早上乜都冇 間間鋪都拉閘另外仲有啲傳統中式糕點但係佢砵仔糕一般就令我有啲卻步可能下次試下d豆乳特飲、豆腐花啦

斗來香開到好夜，係我嘅宵夜愛店！平時都係食下撈麵腸粉加燒賣，一向覺得好好食，今日就試下呢度嘅傳統糕點。懷舊嘅菲林芝麻卷$15超級大舊，椰汁馬豆糕，同比較創新嘅斑斕椰汁卷都不錯。大件又唔會太甜。我最鍾意係馬豆糕！椰子味濃郁。呢度嘅豆花滑溜溜，係斗來香嘅熱門小吃，想有啲新意，可以食吓呢度嘅芋頭咋喳豆腐花，唔會太甜，而且好多紅豆，誠意滿滿。另外我都叫咗一份雜錦咖喱三寶，入邊有豬皮魚蛋同埋蘿蔔，咖哩調味得好好吃🤤蘿蔔完全入味

{鹵水蛋印尼撈麵 - $17}唔知大家有無試過返工Lunch Time 果一刻唔肚餓，到差唔多要再開工時，又擔心一陣成個下午會捱唔住餓親呢？😂呢個時候簡單嘅小食就幫到手！以前成日去斗來香買傳統糕點，今次第一次買佢地嘅印尼撈麵，原來跟餐可以配燒賣魚蛋果啲，最估唔到係仲可以配兩隻鹵水蛋！17蚊搞掂我覺得真係超超超值！印尼撈麵邪惡又好味大家都明，鹵水蛋都係極入味而且有蛋香，今次真係本麻甩嘅驚喜大發現！令我滿足咁開展下午工作！美味程度：😋😋😋😋😋環境指數：🎇🎇番食機會：🦍🦍🦍🦍📍 #斗來香 (筲箕灣)筲箕灣筲箕灣道209-223號嘉兆大廈地下32號舖